Lɛɛ gbɔwɔ ɓa 26:31 - Yálá laawoo hɛɓɛ (dc)

³¹ «Ɉəɠə ɓɛlai ɲɛ̨i da ɉɛlɛn bɛlɛ́ laaləi, mo yɛlɛ kɛ nuą diɛ, di bala, a yeekali wala wala, ə ɓo a gbɔluɔ mu tɛɠiɛ, daɠaa kpɔluɔ gbələ tətə da ɲɛ̨i hvilii ɓoɔ. Yili pulu, di mąąkpɛ malakaɠaa mąą nįnįnŋaa kɛ ɉu a yɛlɛ.

Yálá laawoo hɛɓɛ

³¹ «Ɉəɠə ɓɛlai ɲɛ̨i da ɉɛlɛn bɛlɛ́ laaləi, mo yɛlɛ kɛ nuą diɛ, di bala, a yeekali wala wala, ə ɓo a gbɔluɔ mu tɛɠiɛ, daɠaa kpɔluɔ gbələ tətə da ɲɛ̨i hvilii ɓoɔ. Yili pulu, di mąąkpɛ malakaɠaa mąą nįnįnŋaa kɛ ɉu a yɛlɛ.

Bible

³¹ “Seɣe kpɛtɛ a yee bûluŋ kɛ́ɛ, yee-kpɔ̂lu m̀u tɛiɣɛɛ da ƃála-leɣa kpɔ̂lu. Ŋ̀âla-taa kooŋ-sãa pɔkɔɔŋ-ŋa dí kɛ́ a díkpɛɛ ma.

Lɛɛ gbɔwɔ ɓa 26:31 Iomraidhean Croise

Kɔlɔnikɔ Veerɛi 3:14

Ə ɉəɠə ɓɛla kɛ a gbɔluɔ mutɛɠiɛ, a mu kpɔluɔɔ gbələtətə, a gwəlɛɛ. Ə mąąkpɛ malakaɠaa mąą nįnįn gɛ ɉəɠə ɓɛla ɓa.

Mąątɛ̨nɛ̨ 137:5

Ɉerusalɛmə, a kɛ ŋą́ lɛ̨ą yɛ́i, mamįiyee ə haa mą́ą́…!

Lɛɛ gbɔwɔ ɓa 25:18

Ə́ mąąkpɛ malaka hveelɛ mąą nįnįn bɛli a hɛni, ə́ di hee gəhi laa kalan mɛ̨i bələ hveelɛi.

Lɛɛ gbɔwɔ ɓa 25:4

Həɠə muleeɓoɔ, həɠə kpɔluɔ, həɠə kpɔluɔ mu tɛɠiɛ, həɠə kwɛlɛɛ, ɓolu ləɠa həɠə;

Lɛɛ gbɔwɔ ɓa 26:1

«Gee kaa kələ kɛ pələ ka: Akɛ a həɠə ɓɛla, bɛ̨ɛ̨ ɲɛ̨i ə ɓo pow, gəlee, a yeekali walawalaa, dɛɠiɛ mu kpɔluɔ, gbɔluɔ gbələ tətə da viliiɓoɔ. Mąąnɛ̨ɛ̨ ə́ mąąkpɛ malakaɠaa pɛli, diɛ mɛ̨i kaa, di pɛliɛ a yɛlɛ.

Lɛɛ gbɔwɔ ɓa 26:32

Yá ɉɛlɛn kpitili wulu ɓɛla nąąn ma, hɛni yá lɔɔ mą, ɉəɠə hɛlɛn daŋąɠaa diɛ ɓo a hɛni, nwulu ɓɛlaaɠaai tii kɔ́wɔ a kɛ mu a wali kwɛli.

Lɛɛ gbɔwɔ ɓa 27:16

Gwəli laa kpulu həɠə ɓɛlaɠaa da kwɛa a yee laa mą pow hveelɛ, gbɔluɔ mu tɛɠiɛ viliiɓoɔ, gbɔluɔ gbələ tətə, diɛ ɓo a yeekali walawalaa mąą puɔ, ɛlɛɛ, wulu hɔlɔɔn nąąn, da di hvilɛn ɉɛn nąąn.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 28:15

«Yɛlɛ kɛ nuą da gilɛn ɉəɠə pala a kiti tee həɠə, da bala a yeekali walawala, yɛ bələi lɔ ti da gəŋə mɛ̨i həɠə mąąpu la, a hɛni, yee, viliiɓoɔ, gbɔluɔ mu tɛɠiɛ, gbɔluɔ gbələ tətə.

Lɛɛ gbɔwɔ ɓa 35:12

Mįnɛ̨ kəhi da gbəŋə wuluɠaa, naa kalan da ɉəɠə ɓɛlai da bɛlɛ ɲɛ̨i tɔwɔ.

Lɛɛ gbɔwɔ ɓa 35:25

Nɛ̨ąi kɛ di wəlɛɛ yee pɛnɛ̨, di kɛi yee pɛnɛ̨ diɛ paa la, yee kpɔluɔ mu tɛɠiɛ, gbɔluɔ gbələ tətə, mahiɓoɔ, gwəlɛɛ pə-pə.

Lɛɛ gbɔwɔ ɓa 35:35

Aa di kɔ́ a mɛ̨nį kɔ́lɔn gili kɛnɛ̨, diɛ pɛli kóló huwui lɔpee gəlee kɛi a yɛlɛ, kwɛni haɠa kóló, ganą hee kóló, diɛ pɛli həɠə palai a ɲɛ̨i pɛ̨ɛ̨, a viliiɓoɔ, a gbɔluɔ mu tɛɠiɛ, gbɔluɔ gbələ tətə, gwəlɛɛ pə-pə, da yɛlɛ huwui lɔpee gəlee kɛ nuą di wɔ kóló.»

Lɛɛ gbɔwɔ ɓa 35:6

həɠə ɓɛla kpɔluɔ mutɛɠiɛ, gbɔluɔ gbele tətə, viliiɓoɔ, gwəlɛɛ, ɓooli ləɠa,

Lɛɛ gbɔwɔ ɓa 36:35

Di həɠə ɓɛla ta pɛli a viliiɓoɔ da gbɔluɔ-mutɛɠiɛ, ɛlɛɛ həɠə ɓɛla kpɔluɔ gbələ tətə, viliiɓoɔ, diɛ ɓo a yeekali huwalawalaa, di mąąkpɛ malakaɠaa mąąnįnįn ɉəɠə mą a yɛlɛ.

Lɛɛ gbɔwɔ ɓa 36:36

Di dɔɔmu nąąn bɛli a kpitili wulu, di hɛni yá lɔ mą. Dalanən bɛlɛɛɠaai tii kɛ mą, yɛ ɓo a hɛni, di gɔwɔ kɛ mu nąąn, a wali kwɛli.

Lɛɛ gbɔwɔ ɓa 36:8

Nuąi kpɔ kɛ di yɛlɛɛ góló kɛ nuą lɔwai, di bɛlɛ́ tɔɔ, di bɛli, di dɔɔ a həɠə ɓɛla pow, gwəlɛɛ, gbɔluɔ mu tɛɠiɛ, viliɓoɔ, gbɔluɔ gbələ tətə, di mąąkpɛ malakaɠaa mąą nįnįn gɛ mą.

Lɛɛ gbɔwɔ ɓa 38:23

Nui kɛ bɔ, ya ɓaa Ahisamakə lon Oholiavə, yai kɛ Dan huwuhu, ə kɛ a kwɛni mąą haɠamun, yɛlɛ kɛmun, a həɠə mąąpumun, yɛ bɛ̨ɛ̨ ɲɛ̨i kɛ a viliiɓoɔ, a gbɔluɔ gbələ tətə, a mutɛɠiɛ ɲɛ̨itɔɔ, a yeekali walawala.

Lɛɛ gbɔwɔ ɓa 40:21

Ə li, ə gəhi hee bɛlɛ́ mąąhəɠɛɛ mu, ə ɉəɠə ɓɛla hɛlɛn dɔwɔ pələ, yɛ pələi Yai-Laa ə dí la.

Lɛɛ gbɔwɔ ɓa 40:3

Ə́ mįnɛ̨ kəhi hee mu, ə́ gəhi lɔ ə́ ɉee ɉəɠə ɓɛla pulu pələ.

Wɛli 7:1

'Pənə ə́ pa! 'Pənə ə́ pa Sulamə Nɛ̨ɛ̨nu! 'Pənə ə́ pa! 'Pənə ə́ pa! Ku ə́ wɔ lɛlɛ mąąkpɛɛ! Ka pɛli Sulamə nɛ̨ɛ̨nui ŋɛ̨i nwɔ lɛlɛ mąąkpɛɛi ləi? Yɛ mąną yɛ, nu a kɛ kpulu heei hveelɛ lɔwai?

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Lonon mo 4:5

Da kɛi pa muwu muhəɠəi diɛ li, Aarɔn lonnii ɓə da pa, ɉəɠə ɓɛlai ŋɛ̨i bələi, di gulɔ, di mįnɛ̨ kəhi mɛ̨i kpulu.

Maafîu 27:51

Nąąlɔwai ɉəɠə ɓɛla ŋɛ̨i kɛ Yálá hee pɛlɛ́ mu, ɉu ə ɓɛla ə həɠə yələi ə yɛɛ gɔwɔ la. Lɔi ə kpɛlin, kwɛni kpɛa-kpɛaɠaa diɛ ɓɛla.

Markə 15:38

Ɉəɠə ɓɛlai ŋɛ̨i kɛ Yálá hee pɛlɛ́ mɛlaɓo ɉu hveelɛ, mɛlaa kɔ́wɔ ə tɔɔ yələi yɛ yɛɛ la nɔi ɓa.

Lukə 23:45

Nąąlɔwai, hvóló hvo kɛ yələi, ɉəɠə mɛla kɛnɛ̨ɛ ŋɛ̨i kɛi Yálá hee pɛlɛ́ ɓɛla ɓo ɉu hveelɛ, ɉu ə ɓɛla ɉamai ə həɠə yələi ə yɛɛ nɔi ɓa.

Ifisiɛŋ 2:14

Gbala ə tɔɔ, Kristə ɓə a gu wɔ liilaa; aa nu huwu hveelɛ kɛ a nu huwu tɔ̨nɔ̨, galai tii kɛ dɔɔ di lɔwai, ya ɓaa a yowolaa, aa gulɔ di lɔwai gɔlɔ hu.