Lɛɛ gbɔwɔ ɓa 25:16 - Yálá laawoo hɛɓɛ (dc)

¹⁶ Gwɛni ɓɛlaɠaai gáá pai dɛɛi ə́ pɔ, yá naa gəhi hu.

Yálá laawoo hɛɓɛ

¹⁶ Gwɛni ɓɛlaɠaai gáá pai dɛɛi ə́ pɔ, yá naa gəhi hu.

Bible

¹⁶ Gɔni ƃela-ŋai dɔ̂ŋ-ŋai pɔ̃yɛ̂ɛi diai, nyii-ŋai ŋa pâi dɛɛ̂i kápɔi, ka dípu gãlai su.

Lɛɛ gbɔwɔ ɓa 25:16 Iomraidhean Croise

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Kɔlɔnikɔ Veerɛi 23:11

Di nɛɛmą di tɔɔmun non Ɉoasə kulɔ, di dɔɔɓɔlɔ lɔ nwuɔ̨, di dɔɔhəɠəɠaa too gwaną, di ɉee a tɔɔmun. Yehoyada da nonnii di dɔɔwulɔ lɔ mą, di tómą kpɔ hɔ̨ɔ̨, diɛ mą: «Tɔɔmun ɲii ə kwɛa!»

Lɛɛ gbɔwɔ ɓa 16:34

Yɛ bələi Yai-Laa ə Moisə tí la, Aarɔn ə manə tii hee mįnɛ̨ kəhi hu gwɛni ɓɛlaɠaai lɔwai, diɛ di ɲɛ̨i kɛ laa mą.

Lɛɛ gbɔwɔ ɓa 25:21

Ə́ gəhi laa kalan bɛlɛ gəhi mɛ̨i, mįnɛ̨ kwɛni ɓɛlai gáá pai dɛɛi ə́ pɔ, ə́ naa gəhi hu.

Lɛɛ gbɔwɔ ɓa 26:33

Yá ɉəɠə ɓɛlai tii hɛlɛn daŋąɠaa mu pələ. «Ɉəɠə ɓɛlai tii pulu pələ ɓə da gəhi hee la, yái mįnɛ̨ həɠə hɛnŋąą kaa ɉu. Ɉəɠə ɓɛlai tii ɓə pai kɛi a gɛɛnąą hveelɛi tii lɔwai tɔɔ hɛn, diɛ ɓaa: kɛɛnąą mąąhəɠɛɛ, da gɛɛnąą mąąhəɠɛɛ nwɔ kɛɛnąą mąąhəɠɛɛ.

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 30:36

Ya mɛla ɓo ɉu, ə́ bələ tɔ̨nɔ̨ hunwɔ̨ kpɔ kpə-kpə, ə́ da wolo kpɛŋɛ̨n mįnɛ̨ kəhi lííla, gee kaa kələ mu, da ɓɛi gu kaa pai kɛi gu kee kaai laa. A kɛ ka yəi a hɛn mąąhəɠɛɛ kpɔ hva-hva.

Lɛɛ gbɔwɔ ɓa 30:6

Ɉəɠə ɓɛlai ti a kɛ pɛlɛ ni mįnɛ̨ kəhi mɛ̨i, ɲɛ̨itɔwɔ ɓə ya vilɛn nąą, gəhi laakalan ɲɛ̨i tɔwɔ, ɓɛi ti ɲą́ą́ gwa yɛ́ gwa gu kee kaa laai.

Lɛɛ gbɔwɔ ɓa 31:18

Yii kɛa Yálá ə kpɛɛ a mɛ̨nįɠaa tii ɓoɔ Moisə ɓa, Sinai yee nwuɔ̨, ə mįnɛ̨ kwɛni ɓɛla hveelɛi tɛɛ bɔ, yii Yálá yaa kpinį ə bɛ̨ɛ̨ a ɲee.

Lɛɛ gbɔwɔ ɓa 32:15

Moisə ə pənə ə ɲee yɛɛ, gwɛni ɓɛla hveelɛi ŋɛ̨i Yálá nwɔ ton ə kɛ mą bələ kəlee hveelɛi, yɛ ɓo ɲəi.

Lɛɛ gbɔwɔ ɓa 34:29

Moisə həɠɛɛ Sinai yee ɓa yɛ yɛɛ, gwɛni ɓɛla hveelɛi ŋɛ̨i Dɔ́n bɛ̨ɛ̨ mą, yɛ ɓo ɲəi. Gili hvo kɛ ɉu yɛ kɛ ɲɛ̨ilai ə kɛi lən, ɓɛlɔwai da Yai-Laa di kɛi lonon kɛ la.

Lɛɛ gbɔwɔ ɓa 38:21

Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Lɛɛ gbɔwɔ ɓa 40:20

Gwɛni ɓɛlaɠaai Yálá ə díɓoɠaa pɛ̨ɛ̨ mą, ə di laa mįnɛ̨ kəhi hu, ə gəhi kpəŋə wuluɠaa lɔ mą, ə naa kalan bɛlɛ mɛ̨i.

Lonon mo 17:4

Lansan kpowoɠaai tii pɛliɛi kɛ a kwɛli kpɔlu, diɛi kɛ nuąi kələn di yəi. Eleazarə ə di həɠə, di di yɔw a kwɛli ɓɛlaɠaa, di di pɛlɛ ɉaláá kulɔ kəhi ɓa.

Gɛlaɠaa 7:44

«Ku nąnni kɛɛ nɔi pun hu, ɉəɠə pɛlɛ lon Yálá nwɔ mįnɛ̨ hɛnŋąa di kɛ mu; ə kɛ laa di yəi. Nui kɛli bələ ɓo Moisə ɓa, ə kɛ mą: Bɛli kpɔlɔɔ yɛ bələi ɲą́ giliin na yɛ́.

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Zasua 4:16

«Mo ɉaláá laa həli nuąi ŋɛ̨i mįnɛ̨ kəhi kaa di yəi, di kulɔ ɲái.»