Lɛɛ gbɔwɔ ɓa 24:18 - Yálá laawoo hɛɓɛ (dc)

¹⁸ Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Yálá laawoo hɛɓɛ

¹⁸ Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Bible

¹⁸ Nya ƃe Mose è lɔ̀ ŋ̀ele-kɔlɔŋ kolei su é tɛ́ ǹyéei mâ. È kɛ̀ naa a ɣele-kûu buu náaŋ da kpíni-kûu buu náaŋ.

Lɛɛ gbɔwɔ ɓa 24:18 Iomraidhean Croise

Tɔɔɓɛlaa dɔlɔɔ 19:11

Yai-Laa nwɔ malaka yɛ Eli ɓa: «'Kulɔ ə́ li ə́ tɔɔ ɲee mɛ̨i, ə́ ə́ ɲɛ̨i kɛ Yai-Laa tɔwɔ, ə́ ə́ ɲɛ̨i hee Yai-Laa kaa pai tɛɛi.» Ɲąąɓa, tulɔ hvaŋą kɛnɛ̨ ta ə tɛɛ, vaŋa kɛnɛ̨ pələ, yɛ yee ɓɛla, yɛ kwɛniɠaa ɓɛla. Kɛlaa, Yai-Laa hvo kɛ vaŋąi tii hu. Vaŋąi tii tɛɛ pulu, lɔi ə kpɛlin kpɔ kɛnɛ̨, Yai-Laa hvo kɛ nɔi kpɛlin ŋąą tii hu.

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Lɛɛ gbɔwɔ ɓa 19:20

Yai-Laa ə lɛɛ Sinai yee tɔ́n na, Ə Moisə təli, Moisə ə tɛ.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Lɛɛ gbɔwɔ ɓa 25:1

Yai-Laa yɛ Moisə ɓa:

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 34:28

Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Lɛɛ gbɔwɔ ɓa 9:29

Moisə yɛ mą: «Ya lɔ ɓaa ŋą́ kulɔ daa pulu, gáá pai ɲéé tɛi Yai-Laa pɔ pələ, ɲələgbąnąą kɔ́lɔ kaa pai haai mą, hanwon va kɛa pu, ya ɓə a gɛ, ə́ gɔlɔn yɛ́: Yai-Laa pɔɔ ɓaa lɔi.

Lɛɛ gbɔwɔ ɓa 9:33

Moisə ə həɠə tɔɔmun bɔɔli, ə kulɔ daa pulu pələ, ə ɲee tɛ Yai-Laa pɔ pələ ə vɛli. Ɲələgbąnąą da ɉanwon buɔ kɔ́lɔ ə haa mą, dulɔ ə teen.

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Maafîu 4:2

Jesus ə hvóló pow-nąąn da kpinį pow-nąąn gɛ, hvo hɛn da mį́į́. Pulu ə ɉon.

Markə 1:13

Ə hvóló pow nąąn gɛ nɔi pun ɉu, ɓilihi yɛ ɲąąhɛŋįn. Ə kɛ lɔ laa nɔwɔ huwɔɠaa lɔwai. Malakaɠaa diɛ mąąkpɛ.

Lukə 4:2

Nąnį ə ɲąąhɛŋin hvóló pow nąąn ɲee mun. Voló pu-nąąn tii kuu mu, hvo hɛn nɔpee ta mį́į́, ə lɛɛ, pulú ə ɉon kɛa.

Dutɛrɔnome 10:10

Ŋą́ hvóló pow nąąn da kpinį pow nąąn gɛ lɔ nwɔ̨nɔ̨ ɲee nwuɔ̨, yɛ bələi ŋą́ gɛ la dɔlɔɔ tɔlɔɔ yələ. Yai-Laa ə nwəli tɔɔ nwɔ̨nɔ̨ nwóó ɓa; Yai-Laa hvo hvaa li mą, hvo ka nwun napili.

Dutɛrɔnome 5:31

Ə́ wɛi, gwa yɛ́ gu lɛɛ ɓɛ, gáá díɓo kəlee lɛi yɛ́, dɔ́n nwooɠaa da nɔi hu yíi ɓo pələɠaa. Yá pənə yá li, yɛ́ nɛ diɛ; diɛ pɛli bɔ túwɔ́ ɓoi nɔi gáá dɛɛi di pɔ ɉu. Yai di kaa lii heei ɉu.»

Dutɛrɔnome 9:18

Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Dutɛrɔnome 9:25

Ɓɛlɔwai ŋį́ too la Yai-Laa lííla nɔi ɓa, ŋį́ lɛɛ pɛlɛ́ni nɔi ɓa, ŋį́ hvóló pow nąąn da kpinį pow nąąn gɛ pɛlɛ́ni nɔi ɓa. Mąąhɔlɔɓo, Yai-Laa aa kɛ mo, yɛ gaa ka kpɛɛi yɛnɛ̨ɛ̨.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.