Lɛɛ gbɔwɔ ɓa 24:16 - Yálá laawoo hɛɓɛ (dc)

¹⁶ Yai-Laa nwɔ Mąąɲinɛ̨n ə kɛ Sinai yee mɛ̨i, dulɔ kpinįn ə pɛlɛ ɲee mɛ̨i hvóló mɛ̨ida yeemu, voló mɛ̨ihveelɛ yələ, ə lɛɛ dulɔ kpinįn ɉu, ə Moisə təli.

Yálá laawoo hɛɓɛ

¹⁶ Yai-Laa Mąąɲinɛ̨n ə kɛ Sinai yee mɛ̨i, dulɔ kpinįn ə pɛlɛ ɲee mɛ̨i hvóló mɛ̨ida yee mu, voló mɛ̨ihveelɛ yələ, ə lɛɛ dulɔ kpinįn ɉu, ə Moisə təli.

Bible

¹⁶ Yâwɛɛ ŋɔfólo-laai è yèŋ Sana Yeei mâ. Ŋ̀ele-kɔlɔŋ-kolei è ǹyéei mɛi pɛ́lɛ a fólo lɔ́ɔlu mɛi da. Mɛi feerɛ ɣelei Yâwɛɛ è Mose tòli é kúla ŋ̀ele-kɔlɔŋ-kolei su.

Lɛɛ gbɔwɔ ɓa 24:16 Iomraidhean Croise

Mąątɛ̨nɛ̨ 99:7

Ə kɛi mɛ̨nį ɓo diɛ, tulɔ kpinįn ɉu, di kɛi nwɔ tɔnwooɠaai laa hɔn mo, a mɛ̨nįɠaai tii ə naa di nwuɔ̨i.

Lɛɛ gbɔwɔ ɓa 16:10

Ɓɛlɔwai Aarɔn ə kɛi bələ ɓo la Israɛlə lonnii kəlee diɛ, ə tinɛ̨n ə ɲɛ̨i hee nɔi pun ɉu pələ, ə Yai-Laa nwɔ mąąwiɛ kaa tulɔ kpinįn ɉu.

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lɛɛ gbɔwɔ ɓa 19:9

Yai-Laa yɛ Moisə ɓa: «Gáá pai ŋį́ həli kpɔ yɛ́ tulɔ kpinįn ɉuwia hu, nɔi lonnii diɛ pɛli nwóó mɛ̨n ɉii, ɓɛlɔwai gáá pai kɛi pələ ɓoi la yɛ́, diɛ pɛli laai ə́ la a yələ kəlee.» Moisə ə nɔi lonnii woo laa həli Yai-Laa ɓa.

Lɛɛ gbɔwɔ ɓa 20:10

Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Azaya 4:5

Siɔn yee nwuɔ̨ nąą kəlee, da ɲąąkpɔnŋąą kəlee mɛ̨i, Yai-Laa kaa pai tulɔ kpinįn bɛlɛi di mɛ̨i hvóló ŋą, ə kɛ a nwɔ̨n nən di mɛ̨i kpinįi. Yai-Laa nwɔ mąąwiɛ a gbąnąn bili gəlee mɛ̨i,

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Levetekɔ 9:23

Moisə da Aarɔn di lɔ gee kaa kələ mu, yili pulu di kulɔ lúwɔ́ too mɛ̨nį ɓa nuą diɛ, nąąlɔwai ɓə Yai-Laa nwɔ mąąwiɛ ə kulɔ la pɔ̨nɔ̨ ŋą nuą ɲɛ̨i ɓa.

Levetekɔ 9:6

Moisə yɛ diɛ: «Mɛ̨nįi Yai-Laa yɛ ka gɛ, Yai-Laa yɛ pɛli nwɔ mąąwiɛ lɛi la kaa yaa li.»

Lonon mo 14:10

Israɛlə lonnii kəlee di bili gee mɛ̨i diɛ mą: ka gu Ɉosue da Kalɛbə di hɔɔ a kwɛni di haa. Di lɛɛ lɔ moi tii, Yai-Laa mąąɲįnɛ̨n ə gbɔwɔ lɛ Israɛlə lonnii kəlee diɛ gee kaa kələ mɛ̨i.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,