Lɛɛ gbɔwɔ ɓa 24:11 - Yálá laawoo hɛɓɛ (dc)

¹¹ Israɛlə kalanɉonŋaai ti, Yálá hvo mɛ̨nį ɲɔ̨n gɛ a diɛ, di pɛli Yálá kaai, di di laa mįi, di di kpələ.

Yálá laawoo hɛɓɛ

¹¹ Israɛlə kalanɉonŋaai ti, Yálá hvo mɛ̨nį ɲɔ̨n gɛ a diɛ, di pɛli Yálá kaai, di di laa mįi, di di kpələ.

Bible

¹¹ Ɣâla fé ǹyée pɛlɛ ní Eezuɛ-ŋai túɛ-ƃelai dîa. Dí Ɣâla kàa, dí dílaa mii dí díkpele da dîa-ni.

Lɛɛ gbɔwɔ ɓa 24:11 Iomraidhean Croise

Zɛnɛse 16:13

Hagarə ə gbɔɠɔ mąąnikɛ, yɛ mą: «Akɛtii nui ŋɛ̨i mɛ̨́i kaai, ɲɛ̨́i ə tɔɔ mą ɓə ti?» Naai tii ɓə Hagarə ə ɉee Yai-Laa ɓa, di lawoo hu, yɛ kɛ mą: «Ə́ kaa a Ɛlə-Roi Yálá yii ɲɛ̨i kaa mą́ą́.»

Zɛnɛse 18:18

Abrahamə kaa pai kɛi a nu kpulu huwalawalaa tamąą di nąn, Abrahamə pɔ pələ ɓə gáá pai lúwɔ́ tooi la lɔi mɛ̨i hį́iɠaa kəlee diɛ.

Zɛnɛse 31:54

Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.

Tɔɔɓɛlaa dɔlɔɔ 21:8

Ɉezabɛlə ə hɛɓɛ́ kɛ a Akabə laa, ə yili kɔ́lɔn ɉɛn gɛ mą. Ə ɉɛɓɛ́i tɛɛ Israɛlə ɲąąwooɓo nuąi kɛ Nabɔtə pɔ taai diɛ, da nu kpɛa kpɛaa.

Kɔlɔnikɔ Veerɛi 23:20

Yehoyada ə guláa nwun nąmįną həɠə, ə bɛlɛ galanɉonŋąą diɛ, da nuąi kpɔ ɲąąwooɓo laa kaa di yəi nɔi lonnii mɛ̨i, ə pɛlɛ la nɔi lonnii kəlee diɛ, di tɔɔmun ɉəɠə Yai-Laa yəi bɛlɛ́n diɛ li ɉeei dɔɔkpəlin ɉu. Di tɛɛ a bɛlɛ́ laaləi kɛnɛ̨ ɓa pələ di lɔ dɔɔ pɛlɛ́ mu.

Nehemi 2:16

Mɛ̨nįi tii ŋį́ gɛ́, daa ɲąą woo ɓo nuą di hvo kɛ nwun gɔlɔn. Və́ nii kɛ mɛ̨nį ta ɓo li Ɉuifəɠaa diɛ, da ɉaláá laa həli nuą, ə mą kɛ galanɉonŋąą da daa ɲąą woo ɓo nuą, da nuą takpɛliɠaai kɛ golóɠaa nwun na.

Mąątɛ̨nɛ̨ 139:5

Yáá ə́ yee kalan tee mą́ą́, ə́ yee yɛ ɓo mɛ̨́i.

Lɛɛ gbɔwɔ ɓa 18:12

Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Lɛɛ gbɔwɔ ɓa 19:21

Yai-Laa yɛ Moisə ɓa: «Yɛɛ, ə́ mo nuą diɛ, yɛ diɛ: ‹Di hvo kpuluun, diɛ kɛ di li Yai-Laa pɔ gaa mɛ̨nį ɓa; da gɛ ti, da ləi haa.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Danîa 10:17

Ɲą́ą́ kpɔ ŋɛ̨i a nu gɛ́ ɓo a luwɔ kpɛli-kpɛli, dɔ́ɔ́i ɓa mį, kwa nwɔ́ mɛ̨nį Nąmu kuɔ pə́lə́ ɓo, ɲą́ą́ ŋəi hvaŋą hvo ɲə́i, nɔw kpɛli hvo kɛa ɉú?»

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Lonon mo 21:18

Ɲálɔwai tii, tɔɔɓɛlaa ɓə dee, nɔi kalanɉonŋąą ɓə dee, a di wɔ tɔɔ hviliɠaa da di wɔ tɔɔ tunwɔ̨nŋąą!» Di həɠə nɔi pun ɉu, di həli Matana. Di həɠə Matana,

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Nwun mąąɓo 13:22

Manoa yɛ nɛ̨ą ɓa: «Gu haa hiɛ ka, mąąhɔlɔɓo, gwaa Yálá kaa.»

Nwun mąąɓo 5:13

Nąąlɔwai, nu kpəli wolaai lɛɛ, di hvilɛn galanɉonŋąą pulu. Yai-Laa nwɔ nuąi di di ɲąąkpɔn gwɛ́lɛ, yɛ kulááɠaa.