Lɛɛ gbɔwɔ ɓa 23:6 - Yálá laawoo hɛɓɛ (dc)

⁶ «‹Hvó mąąwɛlimun vulu kiti hu.

Yálá laawoo hɛɓɛ

⁶ «‹Hvó mąąwɛlimun vulu kiti hu.

Bible

⁶ “Ífe kôlo nuu ŋɔtɔ̃yâi làŋ ŋɔmɛni ƃóɔɔ su.

Lɛɛ gbɔwɔ ɓa 23:6 Iomraidhean Croise

Kɔlɔnikɔ Veerɛi 19:7

Yili ɓa tii, ka ɲɔw kani Yai-Laa ɓa! 'Ka mɛ̨nįi tii lɛɛ ka kwəi, 'ka gɛ! Hvo gaai, hvulu, ɲɛ̨ikɔlɔn, nɔgwəi, hvo Yai-Laa gu wɔɔ Yálái nwɛi hu.»

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Hanwon 18:5

Mąą hvo nɛ̨ɛ̨li nu hvo tɔɔ nwąnąlɔmun bulu, hvo nu haŋąą nwɔ tɛ̨ą kpəlaan.

Hanwon 22:22

'Hvó ə́ mɛ̨n mąąwɛlimun nwɔ mąąwɛlilaa ɓa, 'hvó mąą kpoloon. Nui dɔɔ bulu hvo mą, 'hvó naanɔ̨nwɔ̨ ɓo.

Hanwon 31:5

Mąąhɔlɔɓo da gbələ, da lɛ̨ą tɔ́n nwoo ɓa, ɛlɛɛ, diɛ mąąwɛli nuą di wɔ tɛ̨ą mąą mɛ̨nį pili ɉu.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Ɉeremi 6:28

Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.