Lɛɛ gbɔwɔ ɓa 23:23 - Yálá laawoo hɛɓɛ (dc)

²³ «‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Yálá laawoo hɛɓɛ

²³ «‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Bible

²³ Ŋákelai a pâi tɔ̂ɔi kátuɛ é pá a káa Amɔra-ŋai dílɔii, Ita-ŋai, Pɛriza ŋai, Keena-ŋai, Iva-ŋai da Zɛbusa ŋai dílɔii su, ŋá dísu kara.

Lɛɛ gbɔwɔ ɓa 23:23 Iomraidhean Croise

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 34:2

Hivi mun Hamɔrə yai a nɔi nąmu, non Sisɛmə ə Dina kaa, ə wolo mą, ə gɛ, a nɛ̨ą.

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Lɛɛ gbɔwɔ ɓa 23:20

«‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 32:2

Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Zasua 23:9

Ka gɛ tii, nu huwu kpɛa-kpɛaa ŋɛ̨i di hvaŋą kɛnɛ̨ɛ̨, Yai-Laa aa di kpɛ ka tɔwɔ; ka hvo gaai, nu ta hvo pɛli li tɔɔi ka la aa lɛɛ ɉu háákələi aa həli.

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»

Zasua 9:1

Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,