Lɛɛ gbɔwɔ ɓa 23:20 - Yálá laawoo hɛɓɛ (dc)

²⁰ «‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Yálá laawoo hɛɓɛ

²⁰ «‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Bible

²⁰ “Ka gáa ŋa pâi ŋákelai tɛ́ɛ̂i é tɔ́ɔ kátuɛ é kámɛi káa berei mâ é pá a káa ƃɛ́i ŋa nàa kpɛtɛi.

Lɛɛ gbɔwɔ ɓa 23:20 Iomraidhean Croise

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 24:40

Ə nwóó ŋąąpənə, yɛ mą́ą́: ‹Yai-Laa ŋɛ̨i gáá tíi mą, gaa pai nwɔ malaka tɔɔi ə́ tɔwɔ, ya ɓə pai ɉiɛ nɛ̨ɛ̨i ə́ yəi, əgɛ, ə́ nɛ̨ɛ̨nu hɔlɔɓo ku huwuhu, ną́n ɲəi bɛlɛ́n, ə́ paa la a nón nɛ̨ą.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Mąątɛ̨nɛ̨ 91:11

Mąąhɔlɔɓo, gaa pai nwɔ malakaɠaa tíi, diɛ di ɲɛ̨i kɛ yɛ́, ə́ tɛɛ pələ kəlee hu.

Lɛɛ gbɔwɔ ɓa 14:19

Yálá nwɔ malakai kɛ vilɛn ŋąą Israɛlə lonnii ɲɛ̨i tɔwɔ, ə tɛɛ di pulu pələ, ə mą kɛ dulɔ kpinįn tii kɛ di tɔwɔ yaa kpɛli.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Lɛɛ gbɔwɔ ɓa 23:23

«‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Lɛɛ gbɔwɔ ɓa 33:14

Yai-Laa yɛ mą: «Ɲą́ą́ gbinį ɓə pai hvįįtɔɔ tɛɛi ə́ pɔ.»

Lɛɛ gbɔwɔ ɓa 33:2

Gáá pai malaka hvilɛn ɉi ka tɔwɔ, ŋį́ Kanaan nuą Amɔrə nuą Hɛtə nuą, Perizi nuą, Hivi nuą, da Ɉebusə nuą kpɛ ka tɔwɔ.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Lonon mo 22:22

Yálá ə níiholi, ɓɛlɔwai ə Balaamə kaa la yɛ li. Yai-Laa nwɔ malaka ə kpəɲan bələi, ə bələ too dɔwɔ, ɓɛlɔwai ə kɛi li la, ə ɓo heeni nwɔ hoohvaalən mɛ̨i. Nwɔ tínuą hveelɛi di ɓo bɔ.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Zasua 23:5

Yai-Laa ka wɔ Yálái yaa kpinįi gaa pai heei di hu ka mąą mɛ̨nį ɓa, yɛ di kpɛ ka ɲɛ̨itɔwɔ; ka káá pai di wɔ lɔi hɔlɔɓoi a ka kwɛlin, yɛ bələi Yai-Laa ka wɔ Yálái ə mo la.

Zasua 5:13

Nąąlɔwai, yii kɛa Ɉosue ə kɛ Ɉeriko daa kwɛlɛ, ə nwun mu həɠə lɔ, yɛ gaa ɲɛ̨i kɛi, hulɔnu ta ə ɓo tɔɔni nií la, ɓɔwa kwɛaa ɲąąliɛ ə ɓo ɲəi, Ɉosue ə lɛɠɛ ɉulɔnui tii ɓa, yɛ mą: «Gwa kaani ɓə gu tɔɔ, ɓaa ə́ kaa a ku yówó?»

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

Zasua 6:2

Yai-Laa yɛ Ɉosue ɓa: «Ə́ ɲɛ̨i hee laa, gáá Ɉeriko taa tɛɛi ə́ pɔ, yaa, da nwɔ tɔɔmun, ə mą kɛ, ɉu kulaaɠaa.