Lɛɛ gbɔwɔ ɓa 22:27 - Yálá laawoo hɛɓɛ (dc)

²⁷ «‹Hvo mɛ̨nį ɲɔ̨n mo Yálá ɓa, nuąi ɲɛ̨itɔwɔ laa kaa di yəi ka lɔwai, hvo da nɛ̨ŋɛ̨n naa.

Yálá laawoo hɛɓɛ

²⁷ «‹Hvo mɛ̨nį ɲɔ̨n mo Yálá ɓa, nuąi ɲɛ̨itɔwɔ laa kaa di yəi ka lɔwai, hvo da nɛ̨ŋɛ̨n naa.

Bible

²⁷ Kpɛ́ni fêi, gbono mɛi pɛlɛ-sɛŋ nɔ́ ká tí nyii a gbonoi fãai. Seɣe da kpɛ́ni fé naa a gɛɛ é bɛlɛ mɛi. À wɔ̀lɔ ḿâ a gɛɛ ŋá kpɔ́ŋ m̀a, ŋa pâi ŋ̀óo mɛnîi ŋá kpɔ́ŋ mà. Kpɛ́ni fêi, ŋ́gaa a Maloŋ-kâa-ɣala.

Lɛɛ gbɔwɔ ɓa 22:27 Iomraidhean Croise

Samia Veerɛi 16:5

Tɔɔmun ə kɛi lɔ həli Bahurimə daai, hulɔnu ta ə kɛ laa, da Saulə ni di kɛ a pɛlɛ tɔ̨nɔ̨ mu nuą, diɛ kɛ naa ɓa a: Simei, diɛ kɛ nąn naa ɓa a: Gera. Gera lon Simei tii, ə kulɔ ə tɔɔ yɛ nɛ̨ŋɛ̨n naa kɛ.

Tɔɔɓɛlaa dɔlɔɔ 2:8

Kɛlaa, Gera lon Simei ŋɛ̨i a Bɛnɉamɛn mun, yai həɠə Bahurimə daai, gaa ɓɛ ə́ kwɛlɛ; ə wɔlɔ nɛ̨́ŋɛ̨n naa kpɔ a ɉuwu ɲɔ̨nwɔ̨ɔ̨, ɓɛlɔwai ŋį́ kɛi li la Mahanaimə. Ə mą kɛ tii, di kəlee ɓə pa náákwiɛn ɉii, ɓɛlɔwai ŋą́ kɛi Ɉurdɛn teen na. Ŋą́ gwɛ́la mą a Yai-Laa laa, gɛ́ mą: ‹Və́ pai ə́ paai a ɓɔwa kwɛaa.›

Tɔɔɓɛlaa dɔlɔɔ 2:9

Yiihui ŋɛ̨i kɛa, hvó gaa yɛ nui hɔn və mą. Mąąhɔlɔɓo, ə́ wɛi, ə́ kaa a kilimąą mun; mɛ̨nįi mąąnɛ̨ɛ̨ ə́ gɛ la, yɛ́ kpinįi ɓə gɔlɔn. Bələi mąn nwun bowaa la, hvó nɛɛ laa, hvo gbɔwɔ ɓa haa ɓo.»

Kɔlɔnikɔ Veerɛi 30:9

Yaan, ka pulu pənə mɛ̨nį kaa pa Yai-Laa pɔ ɓə pai gɛi, ka kaayɔwɔɠaa da ka lonnii, ɲɛ̨imąąwɛli yɛ pɛli tooi la nuąi li a diɛ luwɔlaa hu diɛ, diɛ di lɛɛ laa, diɛ di pulu pənə diɛ pa ɓɛ nɔi. Hvó gaai ka wɔɔ Yálái Yai-Laa lii nɛ̨ɛ̨i gwəi, ɲɛ̨imąąwɛli yɛ ɓə ɲəi; nui a pa bɔ, hva ɲɛ̨i həɠəi ɲɛ̨i.»

Mąątɛ̨nɛ̨ 34:6

Nuąi da di ɲɛ̨i tinɛ̨n Yai-Laa pɔ pələ, di ɲɛ̨i a pɔ̨nɔ̨; nwumɛ̨ hva kɛa tɛ diɛ.

Mąątɛ̨nɛ̨ 72:12

Yili kəlee ə mą kɛ tii, yeehowolo mun pai dəlii, gaa pai yili kulɔi mɛ̨nįi; ə mą kɛ nuąi kɔ́lɔn və diɛ, ɛlɛɛ, nu hvə diɛ.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Lɛɛ gbɔwɔ ɓa 22:23

ŋą́ nííholi ka pɔ, ŋą ka nwun napili a kɔ-kɔ ɓɔwa, ka nɛ̨ąni da lɛɛ a kalaninŋąą ka lonnii di lɛɛ a təlilɛa.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.

Ikilisiati 10:20

'Hvó kɛ ə́ kaa tɔɔmun nwɔ tɔɔlaa mąąkulɔi, ə mą kpɛli kɛ ə́ tɔ̨nɔ̨ kɛɛnąą. 'Hvó kɛ ə́ kaa hɛn gɔw nąmu laa ɲɔ̨nwɔ̨ɔ̨ ɓoi, ə́ mą kpɛli kɛ ə́ laa ə́ yəi bɛlɛ́n gbin ɲą. Mąąhɔlɔɓo, nu pɔɔ ɓaa a pələ, ə́ pɔɔ hvaa a gɛlɛ.

Azaya 19:20

Di kaa pai kɛi a Yai-Laa Mɛ̨nį Kəlee ŋą Hééɓomun mąą kɛla da gɔlɔn ɉɛn Eziptə lɔi hu. Nuą pai woloi Eziptə ɓa, diɛ kɛ di hee di mɛ̨i, Eziptə nuą da tómą Yai-Laa pɔ pələ, gaa pai di ɓalomun dɛɛi di pɔ, yɛ di mąą kɔ̨nwɔ̨, yɛ di kulɔ ɲəi kɛ.

Dutɛrɔnome 24:10

Akɛ, yá kwələ tɔɔ ə́ ɓɛ́lan gaalon da ɓa, ə kɛ a pələ lɔpee, hvó tɛɛ mą hvo lɔ ɲəi bɛlɛ́n, hvó hɛn da həɠə a tolaa.