Lɛɛ gbɔwɔ ɓa 22:24 - Yálá laawoo hɛɓɛ (dc)

²⁴ «‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Yálá laawoo hɛɓɛ

²⁴ «‹Ya kwələ tɔɔ nɔi lon da ɓa, yɛ ɓo a yeehvowolomun, yai ka yaa ka káá ka kee pɔ, hvo kɛ mą: «Tɔ̨nɔ̨ laa mɛ̨i, yɛ́ və.»

Bible

²⁴ gɛ̀ ní níi a pâi ŋwânai ŋá kápaa kɔ̂i, kánɛyâai dí lɛ́ɛ a pɔɔ-nɛyaa, kánîa-pɛlɛɛi dínâŋ-ni dífa ŋɔ́nɔ kɛ̀ mà.

Lɛɛ gbɔwɔ ɓa 22:24 Iomraidhean Croise

Nehemi 5:7

Ŋą́ gaa, gɛ́ diɛ, mą nɛɛ ŋį́ haŋą kalanɉonŋąą da ɲɛ̨itɔwɔ nuą diɛ. Yili ɓə gɛ, ŋį́ mo diɛ, gɛ́ diɛ: «Tiɲɛ̨ wiaa ka ŋɛ̨i ka káá ɉeei ka kee nwuɔ̨.» Yili pulu, ŋį́ di kəlee di təli ŋąąkpɔn kɛnɛ̨ ɓa.

Zôo 31:23

A tɛ̨ą, Yálá nwɔ mɔ̨nɔ̨i aa mą́ą́ ɲɔw, Vá pɛli kɛ mɛ̨nį ta kɛi nwɔ kɛnɛ̨ laa lííla.

Mąątɛ̨nɛ̨ 109:2

Mąąhɔlɔɓo, nu ɓowo laaləi ɲɔ̨nwɔ̨ɔ̨ kaa tinɛ̨n ɉi a ɲą́ą́, di kaa lɛɛ wooɠaa ɓoi mą́ą́, a ɲąąhɛn nwooɠaa.

Mąątɛ̨nɛ̨ 109:9

Nonnii di lɛɛ a təlilɛa, nɛ̨ą ə lɛɛ a kalanin.

Mąątɛ̨nɛ̨ 15:5

Hva kwələ tɔɔ a tɔ̨nɔ̨ hɔlɔɓo pələ ɉu, hva kwəi kwələmun ŋą hɛn gulɔ ɲəi, əgɛ, yili yee ə lɛɛ ɉu. Nui a túwɔ́ tii, dɔɔi lɔ gbilin a yələ kəlee, hva dumo dɔɔi.

Mąątɛ̨nɛ̨ 69:24

Di ɲɛ̨i ə kpinį diɛ, di hvo kɛa pɛli kɛɛ kaai, di hvąŋą kulɔ di yəi, a yələ kəlee mɛ̨nį!

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Ɉeremi 15:8

Ŋą́ galanin damą di lɔwai, dɛɛ gboloyá kwɛlɛ ɲɛa kɔ́w ɓa. Ŋą́ lɔi kalamun dɔɔ, kɔ́kuláá laŋaaɠaa di tɔɔ di leeni mɛ̨i, a hvoló ŋą ɉə-ɉə; ŋį́ ɲɔw yɛɛ a di nwun di tɛɠii pələ, yɛ di hu pu diɛ.

Ɉeremi 18:21

Yili ɓa, di lonnii lɛɛ pulu yee kɔ́nma, di lɔ kɔ́ kɔ́ ɓɔwa ŋą. Di nɛ̨ąni di lɛɛ a lon nwɛli da hilɛ wɛli. Di hilɛni di haa ɲɔ̨n ɲəi, di lon ɉilɛlɛa di lɛɛ kɔ́ hu.

Woolaa 5:3

Kwaa lɛɛ a təlilɛaa, ku nannii hvo kuɔ ku leeni daa lɛɛ a galanin.

Levetekɔ 25:35

«Kwələ a kɛ ə́ kaayɔwɔ ta ɓa, hɛn da hvo ɲəi hvo gulɔ la, mąąnɛ̨ɛ̨ ə́ kpɔnmąą tɛɛ bɔ; ə kɛ a nwɛ̨ą, ə kɛ a nɔi lon da, yɛ pɛli nwɔ yɛnɛ̨ɛ̨ kɛi ə́ kwɛlɛ.

Levetekɔ 25:36

Hvo tɔ̨nɔ̨ kwɛli nwuɔ̨, hvo ə́ yee pənə ɉu, bələ ɓə mąąnɛ̨ɛ̨ ə́ ɲɔw la Yálá ɓa, ka ə́ kaayɔwɔ kaa pɛli ɲíi ɓoi la a nɛlɛ.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Lukə 6:38

Ka ka ɓɛlaa mąą kpaan gbɛɛ, Yálá a ka mąą kpaan gbɛɛ; gaa pai gɔwɔn ɉi ə mąą kpɛŋɛn ə gboloton dɔɔ, ə bu ka yəi ɉəɠə kpɔlɔ hu. Pələi lɔ ka káá mɛ̨inɛ̨ɛ̨ kɔ́ɔn ɉi la, kaa dɛɛ nuą pɔ, bələ kpɔlɔ ɓə Yálá kaa pai gɔwɔn ɉi la, yɛ dɛɛ ka pɔ.»

Dutɛrɔnome 23:20

Ka hvo kwələ tɔɔ ka kaayɔwɔ ta ɓa, a tɔ̨nɔ̨ kwɛli pələ ɉu. Ə kɛ a wali, ə kɛ a kɔ̨nɔ̨n, ə kɛ a hɛn nɔpee gəlee yii ka pɛli gwələ tɔɔi kaa tɔ̨nɔ̨ hɔlɔɓo ɉu.

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Hebreu 10:31

Mɛ̨nį kpɔlu ɓaa: Nu ya too Yálá hvulúmąą yee ŋą.