Lɛɛ gbɔwɔ ɓa 21:1 - Yálá laawoo hɛɓɛ (dc)

¹ «Bələi mąąnɛ̨ɛ̨ ka ɲɛnɛ̨ɛ̨ yíi ɓo la, bələ ka. Ɉukulɔ diɛ, yɛ diɛ:

Yálá laawoo hɛɓɛ

¹ «Bələi mąąnɛ̨ɛ̨ ka ɲɛnɛ̨ɛ̨ yíi ɓo la, bələ ka. Ɉukulɔ diɛ, yɛ diɛ:

Bible

¹ “Dɔ̂ŋ-ŋai ká ŋí ƃa pâi bûi Eezuɛ-ŋai ŋɛ́i:

Lɛɛ gbɔwɔ ɓa 21:1 Iomraidhean Croise

Tɔɔɓɛlaa dɔlɔɔ 6:12

yɛ mą: «Yaa bɛlɛ́i ŋɛ̨i tɔɔ, tɛ̨ą li, kɛlaa, akɛ ya hiɛ yɛ bələi nwɔ́ tɔ́n gaa la, ə́ túwɔ́ yɛ bələi nwɔ́ kɛ pələ kaa la, ə́ gɛ yɛ bələi nwɔ́ liɛwooɠaa kaa la, nwóó ŋɛ̨i ŋą́ gwɛlɛ ə́ nąn Davidə ɓa ə́ mąą mɛ̨nį ɓa, ŋą́ gəlee pɔ mɛ̨nį kɛ yɛ́.

Kɔlɔnikɔ Veerɛi 19:10

Ka kaayɔwɔɠaa di kaa daaɠaa hu, da pa a mɛ̨nį ɓo ta ka lííla, ə kɛ a nu kan mɛ̨nį, awala kɛ tii, yii hvilɛn na tɔ́n mɛ̨nį ɓa, da bɔ túwɔ́ ɓo mɛ̨nį, ə kɛ a mɛ̨nį loonŋąą, awala kɛ tii, huwula mɛ̨nį; 'Ka mɛ̨nįi tii hupono a diɛ, əgɛ, di hvo pa kɛ a hɔnmąą nuą Yai-Laa ɓa, ŋą liiɲąnwąną hvo pa ɓɛla ka mɛ̨i ka ká kaayɔwɔɠaa. 'Ka túwɔ́ tii a nɛlɛɛ, əgɛ, ka hvo pa kɛ a hɔnmąą nuą.

Nehemi 10:29

Nɔi lonnii gbəliɠaai tii, ɉaláá laahəli nuą, Levi huwuhu nuą, bɛlɛ́ laaləi nuą, nwələ too nuą, da ɉaláá koló kɛ nuą, da nuąi kpɔ daa həɠə lɔi takpɛliɠaa hu nuą pulu, diɛ hvilɛn Yálá nwɔ tɔ́n nwooi pulu, di nɛ̨ąni, di lon ɉinąą da di lonnii nɛ̨ąą, nuąi kpɔ kɛ da pɛli mɛ̨nį kpaɠala kaai,

Mąątɛ̨nɛ̨ 147:19

A nwoo lɛ Ɉakɔbə ɓa, ə nwɔ tɔnŋaai, da nwɔ tíɓoɠaai tɛɛ Israɛlə pɔ.

Lɛɛ gbɔwɔ ɓa 19:7

Moisə ə pa, ə nɔi kalanɉonŋąą təli, ə nwooɠaai ti kəlee ɓo diɛ, yɛ bələi Yai-Laa ə dí la.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Izikiɛ 20:25

Yili pulu ɲą́ą́ gbínii, ŋą́ tiɓoɠaai tɛɛ di pɔ, yii hvo kɛ lɛlɛ li, da nuą yii pələ yii kɛ hva yɛnɛ̨ɛ̨ kpɛɛ hvo mą tɛɛ nu pɔ.

Levetekɔ 18:26

«Ka wɛi, 'ka lɛɛ nwɔ́ tɔ́nŋąą, da nwɔ́ tíɓoɠaa pulu. Ka hvo dúwɔ́ taaləi tii ta ɓo, yɛ ə kɛ a nɔi lon da, a wala kɛ tii nwɛ̨ąi heeni ka kɔ́wɔ mɛ̨i.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Levetekɔ 19:37

«'Ka ka yee kanąn nwɔ́ tíɓoɠaai da dɔ́nŋąą kəlee diɛ, kaa bɔ túwɔ́ ɓo. Ɲą́ą́ ɓə gáá a Yai-Laa.»

Levetekɔ 20:22

«Ka ka yee kanąn nwɔ́ tɔ́nŋąą da bɔ liɛwooɠaa kələə ɓa, ka bɔ mɛ̨nį kɛ, əgɛ, nɔi ŋɛ̨i gáá ka lɔi ɉu, kaa hee laa, nɔi hvo pa nəi ɲee kulɔ ka mu.

Lonon mo 35:24

galanɉonŋąą ɓə da mɛ̨nį ɲɔ̨n gɛ mun, da nwąną kulɔ kɛ mun di lɔwai mɛ̨nį ɓo. Mɛ̨nįi tii ɓo pələ ka:

Lonon mo 36:13

Yili ɓə kɛ a Yai-Laa nwɔ tɔ́n da bɔ liɛwoo, yii ə bɛ̨ɛ̨ ə dɛɛ Moisə pɔ, Israɛlə lonnii mąą mɛ̨nį ɓa; Moabə yɛɛ kɔ́wɔ hu Ɉurdɛn yá kwɛlɛ, Ɉeriko taa tənən ma.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Dutɛrɔnome 15:12

Ka kaayɔwɔ ta, yii a Hebreu, akɛ a hulɔnu, a wala kɛ tii, nɛ̨ɛ̨nu, a gbɔwɔ tɔlaa hee ka ta ɓa, a kóló kɛ kaa yɛ luwɔ, kwɛlan mɛ̨ida yee mu. Kɛlaa, gwɛlan mɛ̨ihveelɛnąą, mąąnɛ̨ɛ̨ ka ɓo mą, ə lɛɛ gbɔwɔ ɓa.

Dutɛrɔnome 4:14

Ɛlɛɛ, Yai-Laa ə mo mą́ą́ nąąlɔwai, yɛ ŋį́ ka mąąkwɛli dɔ́nŋąą da díɓoɠaa diɛ, nɔi tii ka káá lii heei ɉu, kaa pɛli di hon ɉii laa.

Dutɛrɔnome 4:45

Israɛlə lonnii kulaa Eziptə lɔi hu, dɔ́nŋąą, da díɓoɠaai Moisə ə di hukulɔ diɛ, yaa li.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:31

Ə́ wɛi, gwa yɛ́ gu lɛɛ ɓɛ, gáá díɓo kəlee lɛi yɛ́, dɔ́n nwooɠaa da nɔi hu yíi ɓo pələɠaa. Yá pənə yá li, yɛ́ nɛ diɛ; diɛ pɛli bɔ túwɔ́ ɓoi nɔi gáá dɛɛi di pɔ ɉu. Yai di kaa lii heei ɉu.»

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 6:20

Tinąą, ka lonnii da ka mąąni kɛ diɛ kaa: «Díɓoɠaa, dɔ́nŋąą da ɲɛnɛ̨ɛ̨ hon bələɠaa ŋɛ̨i Yai-Laa gu wɔ Yálá ə naa ka nwuɔ̨i, nwun mąą lə?»

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.