Lɛɛ gbɔwɔ ɓa 20:6 - Yálá laawoo hɛɓɛ (dc)

⁶ Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Yálá laawoo hɛɓɛ

⁶ Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Bible

⁶ Kɛ́lɛ ŋa wála támaa malôŋ káa diai da ŋ́wɛ̂lii dí ŋatɔ̂ŋ-ŋai mɛi káai.

Lɛɛ gbɔwɔ ɓa 20:6 Iomraidhean Croise

Nehemi 1:5

Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Ɉeremi 32:18

Yá nuą ɲɛ̨imąąwɛli kaa, gee mɛ̨i waa tamąą. Kɛlaa, yá lon gaa nuą di wɔ nɛ̨ŋɛ̨nŋaai kwələ kulɔ di lonnii diɛ. Yɛ́i a Yálá kɛnɛ̨, Kɔlaɠa Ną́mu, ə́ laa ɓaa: Yai-Laa Mɛ̨nį Kəlee ŋą Hééɓomun.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Lonon mo 14:18

‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

Zɔ̂ŋ Maa-ŋuŋ 5:3

Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Zɔ̂ŋ Veerɛi 1:6

ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.