Lɛɛ gbɔwɔ ɓa 20:22 - Yálá laawoo hɛɓɛ (dc)

²² Yai-Laa yɛ Moisə ɓa: «Mɛ̨nįi ŋɛ̨i ɓo Israɛlə lonnii diɛ, yɛ diɛ: ‹Kaa kpinįi kaa gaa, kaa diɛ: Yələkɔlɔn ɉu ɓə ŋą́ lɛɛ laa, gɛ́ pələ ɓo kaa.

Yálá laawoo hɛɓɛ

²² Yai-Laa yɛ Moisə ɓa: «Mɛ̨nįi ŋɛ̨i ɓo Israɛlə lonnii diɛ, yɛ diɛ: ‹Kaa kpinįi kaa gaa, kaa diɛ: Yələkɔlɔn ɉu ɓə ŋą́ lɛɛ laa, gɛ́ pələ ɓo kaa.

Bible

²² Nya ƃe Yâwɛɛ è mò Mose ma a gɛɛ é mó Eezuɛ-ŋai dîa ǹyɛɛi, “Ka gáa kákpîŋ a gɛɛ Ńyãa Yâwɛɛ ŋa kula Ɣâla-taa ŋa lóno kápɔ.

Lɛɛ gbɔwɔ ɓa 20:22 Iomraidhean Croise

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Dutɛrɔnome 5:24

di mo mą́ą́ ka laa hu, diɛ mą́ą́: «Yai-Laa ku wɔ Yálái aa nwɔ mąąwiɛ lɛ kuɔ da nwɔ kɛnɛ̨laa, kwaa nwoo mɛ̨n nwɔ̨n ɉąąi. Kwaa gbaɠala kaa háákələi kuɔ Yai-Laa a pɛli mɛ̨nį ɓoi nu ɓa, ɛlɛɛ mąą nu yɛ lɛɛ a vulú.

Dutɛrɔnome 5:26

Nu ta aa ta mɔ̨ɔ̨ Yálá hvulú woo mɛ̨n yɛ mɛ̨nį ɓo mą nwɔ̨n ɉąąi, yɛ bələi ə gɛ la a kuɔ, ɛlɛɛ mąą nu yɛ lɛɛ a vulú?