Lɛɛ gbɔwɔ ɓa 20:13 - Yálá laawoo hɛɓɛ (dc)

¹³ «'Hvó nu paa.

Yálá laawoo hɛɓɛ

¹³ «'Hvó nu paa.

Bible

¹³ “Ífe núu pàa

Lɛɛ gbɔwɔ ɓa 20:13 Iomraidhean Croise

Tɔɔɓɛlaa veelɛ 21:16

Manase aa Ɉerusalɛmə taa laahvɛɛ a tələnmo nuą ɲąmą kpɔ tɛki-tɛki. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa ə gɛ, nɛ̨ŋɛ̨n ə Ɉuda yee lɔ ɉu, nu hva pɛli bələ ɓoi.

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Lɛɛ gbɔwɔ ɓa 21:12

«‹Nui lɔpee a nu ta kɛlɛ, a baa, mąąnɛ̨ɛ̨ di mąą nu paa.

Lɛɛ gbɔwɔ ɓa 21:14

Kɛlaa, nu a hvilɛn nu pulu, yɛ kɛ ə baa a gbąnąlaa, ə mą kɛ aa li nwɔ́ haláá kulɔi ta ɓa, yá gulɔ laa, di baa.

Lɛɛ gbɔwɔ ɓa 21:20

«‹Nu a nwɔ luwɔ kɛlɛ a gbɔn, ə kɛ a hulɔnu ə kɛ a nɛ̨ɛ̨nu, ə lɛɛ gbɔnɔ mu, mąąnɛ̨ɛ̨ di di nwąną kulɔ mą.

Lɛɛ gbɔwɔ ɓa 21:29

Kɛlaa, akɛ nįŋɛ̨ ə kɛi nuą kpuluun a bɔlɔ, ɛlɛɛ, diɛ mo nąmu ɓa, kɛlaa, nąmu hva ɲɛ̨i kɛ mą, mąą nįŋɛ̨i a nu ta paa, da baa a kwɛni, ɛlɛɛ, di nįŋɛ̨ nąmu yaa kpɛli baa.

Lɛɛ gbɔwɔ ɓa 23:7

Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Hanwon 1:11

Da kɛ yɛ́ «Pa gwəli, gu pələ hɛlɛn dɛ nuą tɔwɔ, gu di paa, gu too kwəi kələ nuą mɛ̨i!

Hanwon 1:18

Kɛlaa di wɛi, di kpɔwɔ ɲąmą pu mɛ̨nį lɔ ka tii, di kaa bələ hɛlɛn dɛi la, di wɔ yɛnɛ̨ɛ̨ lɔ ɓə pai gɔ́i.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Ɉeremi 26:15

Kɛlaa, ka gɔlɔn kaa diɛ ka báá, akɛtii, kaa mąn, daai ŋɛ̨i da ɉu nuą kəlee, kwəi kwələ mun baa wulu a lɛɛ ka nwuɔ̨. Mąąhɔlɔɓo, Yai-Laa kpɔ ɓə dɔ́ɔ́ nwooɠaai tii kəlee ɓo mɛ̨nį ɓa, ə́ too ka wəlii.»

Levetekɔ 24:17

«Nui a mɛlan gaalon gɛlɛ ə baa, mąąnɛ̨ɛ̨ di gɛlɛɓo kɛmun tii paa

Levetekɔ 24:21

«Nu a taatɛlɛɛ paa, a bɔɔi kulɔ, nui a nu kɛlɛ a baa, da mąą nu paa.

Maafîu 19:18

Yili yɛ mą: «Nɛlɛɠaa ɓə?» Jesus yɛ mą: «Hvo nu paa. Hvo kɛ a wɛli hon mun. Hvo nwuɔ̨ kɛ. Hvo lɛɛ kɛla hvaa ɓo a nu ta laa.

Markə 10:19

Ə́ Yálá nwɔ tɔ́n kɔ́lɔn. Yaai a kɛ mą: ‹Ho nu paa; hvo wɛli hon; hvo nwuɔ̨ kɛ; hvo kɛla hvaa ɲɔ̨nwɔ̨ɔ̨ ɓo a nu ta laa; hvo hɛn ɉəɠə nui lɔpee ta yəi a hvulu; ə́ nąn da ə́ lee di mąąwiɛ.›»

Lukə 18:20

Dɔnŋąąi Yálá ə dɔɔ, ə́ gɔlɔn? Diɛ ɓaa: hvo wɛli hon, hvo nu paa, hvo nwuɔ̨ kɛ, hvo lɛɛ pɛlɛ a ə́ ɓɛlan gaa lon naa. Ə́ nąn da ə́ lee di woo mɛ̨n.»

Gɛlaɠaa 16:28

Kɛlaa, Polə ə tomą kpɔ mɛ̨i a nwoo kɛnɛ̨, yɛ mą: «Hvó kɛ ə́ kaa mɛ̨nį ta kɛ a ə́ kpɔwɔ, ku kəlee ku kaa ɓɛ.»

Gɛlaɠaa 28:4

Yii kɛa nɔi ti hu nuą di gaaləi ti kaa hɛlɛn ni Polə yee ɓa, di mo di kee lɔwai diɛ kɛ mą: «Nui ŋɛ̨i, nu paamun ga. Mąąhɔlɔɓo, pələi mąn aa kulɔ la gboloyá yəi, Yálá nwɔ kitii hvo bɔ hvo kɛ yɛnɛ̨ɛ̨.»

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Dutɛrɔnome 5:17

«'Hvó nu paa.

Timote dɔlɔɔ 1:9

'Ká gu mɛ̨nįi ŋɛ̨i ɲąą kaa kpɔ tai a neelee: Dɔn hvə tɔɔ li tələnmomun mąą mɛ̨nį ɓa, kɛlaa gaa a, kulɔ nwoo mu laa kɛ nuą da kwɛitee nua, nu ɲɔ̨nwɔ̨ɔ̨ɠaa da nɛ̨ŋɛ̨n ɉəɠə nuą, nuąi di hva Yálá ɓɛlɛlɔ, ə mą kɛ, hɛn kpɔ Yálá laa kaa mą, nuąi da di nąnni paa, da di leeni, nu paa nuą;

Zĩi 2:11

Mąąhɔlɔɓo, nui kɛ diɛ: «'Hvó wɛlikɛ!» Yaa lɔ ɓə nwɔ̨ni kɛ diɛ: «'Hvó nu paa!» Akɛ yá wala wɛlikɛ, yá nu paa, a kɛ ti, yáá dɔ́n gəlee kala.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.