Lɛɛ gbɔwɔ ɓa 20:12 - Yálá laawoo hɛɓɛ (dc)

¹² «'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Yálá laawoo hɛɓɛ

¹² «'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Bible

¹² “Ƃâa kɛ́ ínâŋ ma da ílee a gɛɛ ífulu-laai su é kôya ǹɔii ma nyii Yâwɛɛ Íɣâla a dɛɛ ípɔi.

Lɛɛ gbɔwɔ ɓa 20:12 Iomraidhean Croise

Zɛnɛse 48:12

Ɉosɛfə ə nonnii həɠə nąn gɔwɔ mɛ̨i, ə kwɛli hvilɛn nąn ma.

Zɛnɛse 50:12

Ɉakɔbə lonnii di gɛ yɛ bələi ə di tí la.

Tɔɔɓɛlaa dɔlɔɔ 2:19

Bɛtsabe ə li ə həli Salomɔn ɓa, ə gɛ, ə Adoniasə nwɔ mɛ̨nįi tii hukulɔ mą. Tɔɔmun Salomɔn ə muhəɠə ə li ə kwɛli hvilɛn nee ɓa, yili pulu, ə li ə hee, ə heei tɛɛ tɔɔmun nee pɔ, ɲee lɛlɛɛ hu.

Tɔɔɓɛlaa veelɛ 2:12

Elise ə kɛli gaa, yɛ tomą, yɛ kɛ mą: «Ną́n! Ną́n! Yɛ́i Israɛlə nwɔ kɔlaɠa da nwɔ wotolo!» Yii pulu Eli ə kpɛɛ Elise ɲɛ̨i, Elise ə gwaną həɠə huɓɛla ɉu hveelɛ.

Lɛɛ gbɔwɔ ɓa 21:15

«‹Nui a gaamun da kɛlɛ, mąąnɛ̨ɛ̨ di paa.

Lɛɛ gbɔwɔ ɓa 21:17

«‹Nui a gaamun da lalan, mąąnɛ̨ɛ̨ di baa.

Hanwon 15:5

Kilikpɛɛɲəimun a tɛɠɛ ɓo nąn nwɔ mąąkwɛli woo hu. Kɛlaa, nui da nwəli lon doo ɉu, yɛ gili lɛɛ ɉu, mɛ̨nį kɔ́lɔnmun ni.

Hanwon 17:6

Hulɔgoloɠaa di mąą hon mɔlɔ ɓaa di mąnįnni, lɛapɛlɛɛ ɲɛ̨i pɔ̨nɔ̨mun mąą di nąn.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Hanwon 28:24

Nui a nwuɔ̨ kɛ nąn da nee diɛ, yɛ kɛ diɛ nɛ̨ŋɛ̨n vəli, da lɔi kalamun di tɔɔi kaa kpɔlɔ tanɔ̨n.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Hanwon 30:11

Nu taɠaa kaa laa, diɛ di nąn nɛ̨ŋɛ̨n naa, ɛlɛɛ, di hva lúwɔ́ too di kaa lee ɓa.

Hanwon 30:17

Ɲɛ̨ikɔw yii a yɛlɛ kulɔ nąn ɉu, yɛ gaa lee kaa a tɛɠɛ ɓo ɉulaa, goą-goąɠaa da nwolo, kuwɔ́ɠaa di gbələ.

Ɉeremi 35:18

Ɉeremi yɛ Rekavə kwəlii nuą diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá nwoo ka, yɛ diɛ: Yii kpɔ ka lɛɛ ka kála ɓɔlɔ Yonadavə nwɔ tɔ́n nwooɠaa pulu, niɛwooɠaai ə gɛ kaa kaa gəlee hon, mɛ̨nįɠaa ə mo kaa, ka di pɔ túwɔ́ ɓo,

Ɉeremi 35:7

'Ká hvo pɛlɛ́ tɔɔ, 'ka hvo tíi kɛ, 'ka hvo ɓá wulu hin, 'ka hvo da yá. Kɛlaa, 'ka kɛ yíi həgə pɛlɛ́ɠaa mu ka yɛnɛ̨ɛ̨ kəlee hu, ya ɓə a gɛ, ká lamu nɔi ŋɛ̨i ka káá ɉu, mɛ̨i.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Levetekɔ 19:3

«Nu kəlee ə nwumɛ̨ nąn da nee diɛ, ka nwɔ́ hvįįtɔɔ yələɠaai mąąwiɛ. Ɲą́ą́ ɓə gáá a Yai-Laa ka wɔ Yálá.

Levetekɔ 19:32

«Heei tɛɛ nwun bowa nąmu pɔ, pɔlɔlaa mąąwiɛ; bələ ɓə ya ɲɔw la ə́ wɔ Yálái ɓa. Ɲą́ą́ ɓə gáá a Yai-Laa.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Maafîu 19:19

Ə́ nąn da ə́ lee di mąąwiɛ. Ə́ heeyɔwɔ wɛli la kɛ yɛ ə́ kpinį.»

Markə 10:19

Ə́ Yálá nwɔ tɔ́n kɔ́lɔn. Yaai a kɛ mą: ‹Ho nu paa; hvo wɛli hon; hvo nwuɔ̨ kɛ; hvo kɛla hvaa ɲɔ̨nwɔ̨ɔ̨ ɓo a nu ta laa; hvo hɛn ɉəɠə nui lɔpee ta yəi a hvulu; ə́ nąn da ə́ lee di mąąwiɛ.›»

Markə 7:10

Mąąhɔlɔɓo, Moisə ə mo yɛ diɛ: ‹Ə nąn da ə́ lee di mąąwiɛ.› Yɛ nwɔ̨nɔ̨ diɛ: ‹Nui a woo ɲɔ̨n mo nąn ɓa a wala kɛ tii nee ɓa, mąąnɛ̨ɛ̨ di yili mąą nui paa.›

Lukə 18:20

Dɔnŋąąi Yálá ə dɔɔ, ə́ gɔlɔn? Diɛ ɓaa: hvo wɛli hon, hvo nu paa, hvo nwuɔ̨ kɛ, hvo lɛɛ pɛlɛ a ə́ ɓɛlan gaa lon naa. Ə́ nąn da ə́ lee di woo mɛ̨n.»

Ifisiɛŋ 5:21

'Káái kpɔ ká ɲɔw Kristə ɓa, 'ká lɛɛ ká keeni woo mu a mąąwiɛlaa.

Dutɛrɔnome 11:8

Yili ɓa, díɓoɠaa kpɔ gáá dɛɛi ka pɔ háákələi, ka gəlee pɔ mɛ̨nį kɛ; yili ɓə pai huwalawalaa tɛɛi ka pɔ, ka yee yɛ tɛɛ nɔi tii ka káá li ɉu mą, kaa ɉon a kɔ́ kaa hee laa.

Dutɛrɔnome 11:9

Nɔi tii Yai-Laa ə gwɛla ka nąnni diɛ yɛ kɛ, gaa pai dɛɛi ka pɔ da ka huwu pɔ, bələ ɓə ka káá pai yɛnɛ̨ɛ̨ kpɛɛ hvo mą hɔlɔɓoi la ɉu. Nɔi tii hu, kwɛį́n nwulɔ da ɲįnįyá da kɛ tɛɛi laa yɛ yá lon.

Dutɛrɔnome 21:18

Akɛ nu ta lon a kɛ laa, yɛ ɓo a kulɔ nwoo mu lon, yɛ ɓo a nu kpɛli kpɛli, hva gaa nuą woo mɛ̨n, mɛ̨nį yiiɠaai da niɛwoo ɓo la a wala di woo hon;

Dutɛrɔnome 25:15

Mąąnɛ̨ɛ̨ hɛn gɔɔn ɉɛn ə kɛ a ɲąą pɛliɛ, nɛlɛɛ; hɛn gɔɔn gəgən ɲąą pɛliɛ, nɛlɛɛ di kɛ ka yəi; ka yii hvóló ə tamą nɔi ɲɛ̨i Yai-Laa ka wɔ Yálái kaa dɛɛi ka pɔ ɉu.

Dutɛrɔnome 27:16

«‹Nui a tɛɠɛɓo nee da nąn di hu! Yálá! Nɛ̨ŋɛ̨n ə laa!› Ɛlɛɛ nɔi lonnii kəlee di mu hon, diɛ mą: ‹Mįįną!›

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Kolosə 3:20

Lɛapɛlɛɛ, 'ká lɛɛ ká kaa-nuą woo mu, mɛ̨nį kəlee hu; yili ɓə gu Nąmu kaa gwɛlii ká yəi.

Rutə 3:6

Rutə ə li gbai tan ɉi, bələi tii ɉilɛ lee ə mo la mą, ə gɛ tii.

Samuɛlə dɔlɔɔ 22:3

Davidə ə həɠə laa, ə li Moabə lɔi hu Mispe daai; yɛ Moabə tɔɔmun ma: «Gɛ́ ə́ hvaa mą, nán da néé di pa di lɛɛ ɓɛ ka kwɛlɛ, ə lɛɛ la ɉu, mɛ̨nįi Yálá yɛ ə gɛ mą́ą́ ŋą́ gbaɠala kaa.»