Lɛɛ gbɔwɔ ɓa 2:3 - Yálá laawoo hɛɓɛ (dc)

³ Yii kɛa ə gaa, yɛ hva pɛli nooi a ɉu kwɛaa, ə kpɔ́lɔ́ ta həɠə, ə mɔ̨nwɔ̨ hiɛ mą nąą kəlee, ə nokoloi tii laa ɉu. Ə li, ə ɉee Nilə-ɲa lee kwɛlɛ veen ɉu.

Yálá laawoo hɛɓɛ

³ Yii kɛa ə gaa, yɛ hva pɛli nooi a ɉu kwɛaa, ə kpɔ́lɔ́ ta həɠə, ə mɔ̨nwɔ̨ hiɛ mą nąą kəlee, ə nokoloi tii laa ɉu. Ə li, ə ɉee Nilə ɲa lee kwɛlɛ veen ɉu.

Bible

³ Tãi vé ŋɔ́nɔ kɛ́ ní pɔrîi noôi lai, è kpɔ̂lɔ kpɛ̀tɛ é ƃóo-pɔrɔ sia ma da kotâa, é ǹôloŋ láa zu é zee ǹyái ŋá galai su.

Lɛɛ gbɔwɔ ɓa 2:3 Iomraidhean Croise

Zɛnɛse 11:3

Di nɛɛ mą di mo di kee ɓa diɛ mą: «Ka gu pɔlɔkɔw kɛ, gu mɔn.» Bɔlɔkɔw tii ə kɛ di yəi yɛ kwɛni, ya ɓə di kɛi bɛlɛ́ tɔɔ la. Di kɛi bɔlɔkɔw hee gee mɛ̨i a ləɠi-pɔlɔ.

Zɛnɛse 14:10

Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Zɛnɛse 6:14

Kələn gɛnɛ̨ ta pɛli, a gofɛrə wulu. Ya gɛ ɉu a bɛlɛɛ pɛlɛɛ tamąą. Ya kpɛɛ a bɛliɛ, ə́ mąląąn ɲą lɔ mą nąą kəlee, ɉu pələ da gɔlɔ ɓa pələ.

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Azaya 18:2

Yɛ́i ya kɛ ə́ wɔ kɛlaɠaa tɛɛi gboloyá ŋąi, kələnŋąą hu, diɛ pa ɲáɠaa ŋą. Kɛla kɔ́wɔ mąąhulaaɠaa! 'Ka li, nɔi tii ɉu nuą yee muhəɠɛɛ, di kpɛlɛ hvo diɛ, di pɔ, a yai tii, gwɛlɛ lɔiɠaa da ɲɔw mą kpɔ kɛnɛ̨i; a nɔi hvaŋą kɛnɛ̨i tii, ɉeɛ lɔiɠaa mɛ̨i, yá kpɛa-kpɛaɠaa di ɓo ɉu.

Azaya 19:6

Ɲá pɛlɛɛɠaa kun gaa pai tɔɔi, Nilə mąą a yɛɛ, yɛ kpala, veengbɔnɔ̨ɠaa da gbaliɠaa diɛ kpala.

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.