Lɛɛ gbɔwɔ ɓa 19:5 - Yálá laawoo hɛɓɛ (dc)

⁵ Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Yálá laawoo hɛɓɛ

⁵ Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Bible

⁵ Mɛni ma kà ŋ́oo mɛ̀ni ká ŋátɔ̂ŋ-ŋai mɛi káa, gɛ̀ ní ka pâi kɛ̂i a ŋánûa kpîŋ-ŋa núu-sii kélee sáma. Ǹɔii kélee káa a ḿbɔɔ.

Lɛɛ gbɔwɔ ɓa 19:5 Iomraidhean Croise

Zɛnɛse 17:9

Yálá yɛ nwɔ̨nɔ̨ Abrahamə ɓa: «Nwóó ŋɛ̨i gáá gwɛlɛi yɛ́ ka ə́ huwu kaa, ka ka kili lɛɛ ɉu a lɔwai kəlee, ka mįnɛ̨i tii mąąwiɛ.

Tɔɔɓɛlaa dɔlɔɔ 8:53

Hvó gaai, yɛ́ ɓə di tɔɔ a dee, diɛ ɓo a ə́ wɔ, ə́ kwɛlin ɓaa diɛ yɛnɛ̨ɛ̨ nuą kəlee lɔwai, yɛ bələi ə́ bu la ə́ wɔ tímun Moisə la, yɛ mo, ɓɛlɔwai ə́ ku nąnni kulɔ la Eziptə lɔi hu, yɛ́i a Yai-Laa ku wɔ Yálá.»

Kɔlɔnikɔ Maa-ŋuŋ 17:22

Yɛ́ ɓə Ə́ Israɛlə kɛ a Ə́ wɔɔ nu huwu, a hį́i gaa a Ə́ pɔɔ, a yələ kəlee. Ɛlɛɛ, Yɛ́n, Yai-Laa, Ə́ ɓo a di wɔɔ Yálá.

Zôo 41:11

Mąlą mąlą yɛ kulɔ na, nwɔ̨n gbalənŋąą diɛ kulɔ laa.

Zôo 41:3

Gbɛɛ ɓə nwɔ kwələ kaa mą́ą́? Hɛn kpɔ yələ kɔ́lɔn mu, gəlee kaa a nwɔ́.

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Mąątɛ̨nɛ̨ 25:10

Yai-Laa nwɔ pələɠaai kaa a tələnmolaa, da tɛ̨ą, nuąi da nwɔ mįnɛ̨i hu wooɠaa pɔ mɛ̨nį kɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 23:22

Kɛlaa, ka ka wəli tɔɔ nwoo ɓa, mɛ̨nįi gáá moi kaa ka gɛ, gáá pai kɛi a ka yowoɠaa di yowo, gɛ́ tɔɔ nuąi da tɔɔ ka la, di la.

Lɛɛ gbɔwɔ ɓa 24:7

Ə mįnɛ̨ hɛɓɛ́ həɠə, ə ɉu woo ɓo nɔi lonnii diɛ. Yiliɠaai diɛ mą: «Mɛ̨nįɠaai kpɔ Yai-Laa ə mo, kwa gəlee kɛ, ku lɛɛ gəlee pulu.»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Lɛɛ gbɔwɔ ɓa 8:22

Moisə yɛ mą: «Mąą hvo nɛ̨ɛ̨li, ku hvo ɉaláái ti kulɔ ɓɛ nɔi, mąąhɔlɔɓo, ɉaláái ku kaa pai gulɔi Yai-Laa ku wɔ Yálái ɓa, gaa pai kɛi a mɛ̨nį mąąlaɠiɛ Eziptə nuą ɲɛ̨i ɓa. Akɛtii mɛ̨nįi mąąlaɠiɛ Eziptə nuą ɲɛ̨i ɓa, kwa gɛ, di hvo pai ku hɔɔi a kwɛni?

Lɛɛ gbɔwɔ ɓa 9:29

Moisə yɛ mą: «Ya lɔ ɓaa ŋą́ kulɔ daa pulu, gáá pai ɲéé tɛi Yai-Laa pɔ pələ, ɲələgbąnąą kɔ́lɔ kaa pai haai mą, hanwon va kɛa pu, ya ɓə a gɛ, ə́ gɔlɔn yɛ́: Yai-Laa pɔɔ ɓaa lɔi.

Wɛli 8:12

Nwɔ́ viɲə yɛai kaa ɲə́i, Salomɔn! Ə́ wɛi ɓaa ə́ nwɔ wali kwələ waa tɔ̨nɔ̨, mɛ̨i kaamun nwɛi ɓaa wali kwələ nwun veelɛ.

Azaya 1:19

Akɛ ka ka wəli tɔɔ nwóó ɓa, nɔi hihɛn nɛlɛɛɠaa ɓə a kɛ a ka kɔ̨nɔ̨n.

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 56:4

Mąąhɔlɔɓo, mɛ̨nįi Yai-Laa kaa moi ya ka: Gbɛtɛ kpuluwuluɠaa da kɛi nwɔ́ hvitɔɔ hvólóɠaai mąąhəɠə, di liiɓa ə ɓo a nííɓa mɛ̨nįɠaa kɛɛ, diɛ lɛɛ nwɔ́ mįnɛ̨i pulu,

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 13:11

Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Malasi 3:17

Yili pulu, Yai-Laa Mɛ̨nį Kəlee ŋą Hééɓomun ə mo, yɛ: Volói gáá pai nwɔ́ huwalawalaa kulɔi la pɔ̨nɔ̨ŋą, mąą hvólói tii, ŋą́ nuąi tii həɠə ɉu, di kɛ a nwɔ́ nuą, diɛ ɓə ŋą́ di kwɛdɛn. Ŋą́ di ɲɛ̨imąąwɛli kaa, yɛ bələi lon yii a tí nąn ma, nąn a ɲɛ̨imąąwɛli kaa la.

Korɛntə dɔlɔɔ 10:26

Gba la ə tɔɔ, «lɔi da ɉu hɛnŋaa kəlee kaa a Yálá nwɔɔ.»

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.

Dutɛrɔnome 10:14

Yai-Laa ka wɔ Yálái ɓə yələkɔlɔn da yələkɔlɔn mɛ̨i pələ kaa a nwɔɔ, ə mą kɛ, lɔi da ɉu hɛnŋąą kəlee.

Dutɛrɔnome 11:27

Akɛ ka Yai-Laa ka wɔ Yálá nwɔ tɔ́nŋąąi gáá naai ka nwuɔ̨ háákələi ka di hon, lúwɔ́ a kɛ kaa.

Dutɛrɔnome 14:2

Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

Dutɛrɔnome 26:18

Yai-Laa aa háákələi ka həɠə ɉu yɛ ka kɛ a nwɔ nu huwu; yɛ bələi ə mo la kaa. Kaa pɛli lɛɛi nwɔ tíɓoɠaa kəlee pulu.

Dutɛrɔnome 26:19

Nu huwui kpɔ ə bɛli yɛnɛ̨ɛ̨, aa ka həɠə ɉu, gəlee lɔwai, yɛ ka laa tɛ, yɛ ɓaalɔ kaa, yɛ ka kɛnɛ̨, kaa kɛ la a nu huwu mąąhəɠɛɛ, a Yai-Laa ka wɔ Yálá nwɔ nu huwu yɛ bələi ə nwoo kwɛlɛ la.

Dutɛrɔnome 28:1

«Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa, kaa tɔɔ a ka nwanąi kaa nwɔ tɔ́nŋąą kəlee hon diɛi gáá di tɛɛi ka pɔ háákələi; ka gɛ tii, Yai-Laa ka wɔ Yálái kaa pai ka kɛnɛ̨i lɔi mɛ̨i nu huwuɠaa kəlee diɛ.

Dutɛrɔnome 28:9

«Yai-Laa kaa pai ka kɛi a nwɔ nu huwu, yɛ bələi ə gwɛla la kaa, akɛ ka Yai-Laa ka wɔ Yálái nwɔ tɔ́nŋąąi hon, kaa hiɛ a ɲeekpiɛ tənən.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Dutɛrɔnome 5:2

«Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.

Zasua 24:24

Nuą diɛ Ɉosue ɓa: «Ku kaa pai tíi Yai-Laa ɓa, Yaai gaa a ku wɔ Yálá, ku lɛɛ nwoo mu.»

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.