Lɛɛ gbɔwɔ ɓa 19:15 - Yálá laawoo hɛɓɛ (dc)

¹⁵ Yɛ nuą diɛ: «Gɛɛ hvóló haaɓa hvo tɛɛ, mąąnɛ̨ɛ̨, ka mąą mɛ̨nį kəlee ə kɛ a bɛliɛ ɉu, nu ta hvo laa nɛ̨ą kwɛlɛ.»

Yálá laawoo hɛɓɛ

¹⁵ Yɛ nuą diɛ: «Gɛɛ hvóló haaɓa hvo tɛɛ, mąąnɛ̨ɛ̨, ka mąą mɛ̨nį kəlee ə kɛ a bɛliɛ ɉu, nu ta hvo laa nɛ̨ą kwɛlɛ.»

Bible

¹⁵ È mò dîa ǹyɛɛi, “Ka kákpîŋ kpɛ̀tɛ a ŋ̀ele-kûui zaaƃa ɣelei. Káfe lɛ̀ɣɛ nɛnî ma.”

Lɛɛ gbɔwɔ ɓa 19:15 Iomraidhean Croise

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lɛɛ gbɔwɔ ɓa 19:14

Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Zooɛ 2:16

Ka nu kəlee ɲąąkpɔn, ka ɲąąkpɔn mąąhəɠɛɛ too ka ka ɲąąkpɔn, ka nɛapɛlɛɛɠaa təli, ə mą kɛ ɲįnį kpələ lɛapɛlɛɛɠaa. Hulɔnon aa nɛ̨ą həɠə a nįnɛ̨ ə kulɔ ɲəi bɛlɛ́n, nɛ̨ą həɠɛɛ nįnɛ̨ ə kulɔ ɲíi pɛlɛ́ mu.

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.

Amɔsə 4:12

Ną́mu Yai-Laa yɛ nwɔ̨nɔ̨ diɛ: Yili ɓə gaa mą, Israɛlə lɔi hu nuą, bələi gáá pai ka hon ɉii la, kaa kpinįi ka káá pai gbaɠala kaa. Yɛ bələi gáá pai mɛ̨nį laai la kaa, ka kili yɛ ɓo ɉu, 'ka ka kpɔwɔ pɛli, ka ka wɔ Yálái ka káá pai kwiɛn ɉii.

Zakari 6:3

ɉaaɓa nąą nwɛi ə ɓo a hoo kwɛlɛɛɠaa, nąąn nąą nwɔ hooɠaai pɛ̨ɛ̨ mu kpɔluɔ.

Zakari 7:3

diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Malasi 3:2

Akɛtii, voló tii gaa pai pai la, nu ta kaa pai lɛɛi yɛnɛ̨ɛ̨ ɓəi? Akɛtii, nu taɠaa kaa pai lɛɛi tɔɔni ɓəi, ɓɛlɔwai gaa pai kulɔi la pɔ̨nɔ̨ŋą? Gaa pai kɛi yɛ: nwɔ̨n da kwɛli həɠeen na, diɛ bu. Gɛ pələ a kɛ yɛ: haahvinɛ̨i gbolo-kɔw kɛnɛ̨i ɉu.

Maafîu 24:44

Yili ɓə gaa mą, ka gɛ a nəlɛɛ, ka kɛ gili-gili. Mąąhɔlɔɓo, Nu Lon gaa pai pai a ɲələ yii ka kili hvo mą.»

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.