Lɛɛ gbɔwɔ ɓa 19:12 - Yálá laawoo hɛɓɛ (dc)

¹² Ɓɛi mąąnɛ̨ɛ̨ nuą di kpəla laa, nąą lɛ diɛ, yɛ diɛ: ‹Ka lii hvo kpələ, ka hvo tɛ ɲee ɓa, ka hvo kpɛli tunwɔ̨n ɲee koo mu.› Nui lɔpee a tunwɔ̨n ɲee ɓa, da baa.

Yálá laawoo hɛɓɛ

¹² Ɓɛi mąąnɛ̨ɛ̨ nuą di kpəla laa, nąą lɛ diɛ, yɛ diɛ: ‹Ka lii hvo kpələ, ka hvo tɛ ɲee ɓa, ka hvo kpɛli tunwɔ̨n ɲee koo mu.› Nui lɔpee a tunwɔ̨n ɲee ɓa, da baa.

Bible

¹² Póniŋ láa ǹyéei da ǹûai díloai í m̀ó dîa a gɛɛ dífe bóniŋ ma tíyeŋ dí lɛ̀ɣɛ ǹyéei ma. Ǹúui pâi lɛɣɛ̂i ǹyéei mai, a pâi saâi.

Lɛɛ gbɔwɔ ɓa 19:12 Iomraidhean Croise

Lɛɛ gbɔwɔ ɓa 10:28

Tɔɔmun yɛ Moisə ɓa: «'Həɠə ɓɛ ŋɛ̨i tɔɔni! Hvo kɛa pənə, hvo pa ɓɛ. Ɲələi kɛa yá paa la ɓɛ, yá haa.»

Lɛɛ gbɔwɔ ɓa 19:21

Yai-Laa yɛ Moisə ɓa: «Yɛɛ, ə́ mo nuą diɛ, yɛ diɛ: ‹Di hvo kpuluun, diɛ kɛ di li Yai-Laa pɔ gaa mɛ̨nį ɓa; da gɛ ti, da ləi haa.

Lɛɛ gbɔwɔ ɓa 19:23

Moisə yɛ Yai-Laa ɓa: «Nuą di hva pɛli tɛi Sinai yee ɓa; hvó gaai, yɛ́ kpinįi yáá ku kilaa pɔ̨nɔ̨, yɛ́ mą́ą́: ‹Yɛli too ɲee ɓa, ə́ ɲɛ̨n naa, ɛlɛɛ, kɛ nuą diɛ: Ɲą́ą́ Yálá mą́ą́həɠɛɛi.›»

Lɛɛ gbɔwɔ ɓa 24:2

Kɛlaa, Moisə yɛ́ tɔ̨nɔ̨ ɓə pai lɛɠɛi Yai-Laa ɓa. Yiiɠaai tii di hva lɛɠɛ laa, ɛlɛɛ, nu kpulu hvo lɛɛ ə́ pulu ka hvo tɛ.»

Lɛɛ gbɔwɔ ɓa 34:12

Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

Lɛɛ gbɔwɔ ɓa 34:3

Nu takpɛli hvo lɛɛ ə́ pɔ, mąą hvo nɛ̨ɛ̨li di hvo nui lɔpee kaa ɲee ɓa, ə mą kɛ taatɛlɛɛ ɓə, ə tikpə ə kɛnɛ̨, da hvo naa mįi laa ɲee ɓa.»

Dutɛrɔnome 2:4

'Mo nuą diɛ, yɛ́ diɛ: «Ka kaa pai tɛɛi ka kaayɔwɔɠaa di wɔ lɔi hu, diɛi ɓaa Esau lonnii diɛi heeni Seirə yeeɠaa diɛ. Di kaa pai ɲɔwi kaa, kɛlaa ka gɛ a nɛlɛɛ;

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Hebreu 12:18

Ká hvo ká mąąlɛɠɛ li hɛn da ɓa, yii nu yá ə́ yee tunwɔ̨n mą, yɛ bələi: Nwɔ̨n nən, kɛɛkpinįɛ, kpinį, túlɔ́-hvaŋą,

Zasua 3:4

Kɛlaa ka kɛi hiɛ, yee laa mą waa hveelɛ ɲɔ̨nwɔ̨mą ə kɛ ka lɔwai; yili ɓə a gɛ, bələi mąąnɛ̨ɛ̨ ka ɉon na, ka kɛ a gɔlɔnŋąą, mąąhɔlɔɓo, ka hvo ta pa li ɓɛ pələ.»