Lɛɛ gbɔwɔ ɓa 19:11 - Yálá laawoo hɛɓɛ (dc)

¹¹ Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Yálá laawoo hɛɓɛ

¹¹ Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Bible

¹¹ Dí kɛ́ a díkpîŋ kpɛtɛɛ a ŋ̀ele-kûui zaaƃa ɣelei. Kpɛ́ni fêi, maa-ɣelei tí ƃé, ńyãa Yâwɛɛ, ŋa pâi pâi la Sana Yeei ma ǹûai kélee ŋɛ́i.

Lɛɛ gbɔwɔ ɓa 19:11 Iomraidhean Croise

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Mąątɛ̨nɛ̨ 144:5

Yai-Laa, yələ kɔ́lɔn voloon, ə́ yɛɛ, tunwɔ̨n yeeɠaa diɛ, di mɛ̨i lulu ə tɛ!

Mąątɛ̨nɛ̨ 18:9

Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Lɛɛ gbɔwɔ ɓa 19:18

Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Lɛɛ gbɔwɔ ɓa 19:20

Yai-Laa ə lɛɛ Sinai yee tɔ́n na, Ə Moisə təli, Moisə ə tɛ.

Lɛɛ gbɔwɔ ɓa 24:16

Yai-Laa nwɔ Mąąɲinɛ̨n ə kɛ Sinai yee mɛ̨i, dulɔ kpinįn ə pɛlɛ ɲee mɛ̨i hvóló mɛ̨ida yeemu, voló mɛ̨ihveelɛ yələ, ə lɛɛ dulɔ kpinįn ɉu, ə Moisə təli.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 34:2

Ə́ kɛ pələ pɛli, tínąą ə́ tɛ Sinai yee nwuɔ̨ yələwala pinɛ̨ɛ̨, ə́ tɔɔ nííla laa ɲee nwuɔ̨.

Lɛɛ gbɔwɔ ɓa 34:5

Yai-Laa ə yɛɛ tulɔ kpinįn ɉu, ə tɔɔ laa, Moisə, ə dəli a naa yɛ mą: «Yai-Laa.»

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Zasua 3:5

Ɉosue ə mo Israɛlə lonnii diɛ, yɛ diɛ: «Ka ka mąąhəɠə, mąąhɔlɔɓo, Yai-Laa a tinąą mɛ̨nį kpɛa-kpɛa kɛ ka lɔwai.»