Lɛɛ gbɔwɔ ɓa 19:10 - Yálá laawoo hɛɓɛ (dc)

¹⁰ Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Yálá laawoo hɛɓɛ

¹⁰ Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Bible

¹⁰ Yâwɛɛ è mó Mose ma ǹyɛɛi, “Lí ǹûai pɔ́ naa í kpɔ́ŋ dîa dí díkpîŋ kpɛ̀tɛ sâa da tínaa ḿvɛli mɛni ma. Dí díseɣe-ŋai wáa.

Lɛɛ gbɔwɔ ɓa 19:10 Iomraidhean Croise

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Samia Veerɛi 19:24

Tɔɔmun yɛ Simei ɓa: «Hvo pai haai!» Tɔɔmun ə gwɛla ə naa mɛ̨i.

Kɔlɔnikɔ Veerɛi 29:34

Yɛ bələi ɉaláá laa həli nuą di hvo kɛ tamą li la, di hvo ɉaláái da gəlee kələn, di hvo gəlee kɔ́lɔɓo, di kaayɔwɔɠaa a Levi lonnii di kpɔnmąą tɛɛ di pɔ, ə lɛɛ la ɉu di goló laa kulɔ, ɉaláá laa həli nuą kpɛa-kpɛaa di di mąąhəɠə. Levi lonnii di di mąąhulɔ di mąąhəɠə mɛ̨nį hu ə tɛɛ la ɉaláá laa həli nuą kpɛa-kpɛaa diɛ.

Kɔlɔnikɔ Veerɛi 29:5

Yɛ diɛ: «'Ka ká wəli tɔɔ nwóó ɓa, Levi lonnii! Yii hu, 'ka ká mąąhəɠə, 'ká Yai-Laa, ká nąnni di wɔ Yálái ŋą pɛlɛ́i mąąhəɠə. 'Ka mąąluɠu hɛn gəlee kulɔ gɛɛnąą mąąhəɠɛɛ ɓa.

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Lonon mo 11:18

Israɛlə lonnii di wɛi, yá kɛ diɛ: ‹Tinąą, ka ka mąąhəɠə, ka káá pai huwɔ mįi! Hvo gaai, kaa ka woolaa kpɔ tii a mɔlɔ, Yai-Laa aa ka woo mɛ̨n; ka woolaa woo ŋɛ̨i ka kɛ diɛ: Gbɛɛ ɓə pai huwɔ tɛɛi ku pɔ ku mįi? Ku kɛɛ Eziptə lɔi hu, ku kɛ kani ku nɛ̨ɛ̨ hu-ee! Yai-Laa kaa huwɔ tɛɛi ka pɔ ka mįi.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Lonon mo 31:23

Hɛnŋąą kpɔ nwɔ̨n va di kələn, ka di lɔ nwɔ̨n ɉu, di mąąhəɠə mɛ̨nį ɓa. Yili pulu, ka di mąąhəɠə a yá mąąhəɠɛɛ. Ɉɛnŋąąi tii nwɔ̨n va ɲɛ̨i tɔɔ diɛ, ka di mąąhəɠə lɔ a yá.

Lonon mo 31:24

Ka ka mąą həɠəɠaa waa a voló mɛ̨ihveelɛ yələ, tɔ́n a kulɔ kaa, yili pulu kaa kɛa tɛ taai.»

Lonon mo 8:21

Levi lonnii di di kpɔ mąąhəɠə, di di mąą həɠəɠaa waa, Aarɔn ə di laa həli yɛ hɛn daa naakwɛlanmo Yai-Laa ɓa, ə nɛ̨ŋɛ̨n mąąhvaalɛɛ woo ɓo di mɛ̨i, diɛ di mąąhəɠə.

Lonon mo 8:7

Bələi ə́ pai di mąąhəɠəi la, bələ ka: Nu mąąhəɠə yá taɠa diɛ, di kpəŋą hiɛ di kɔ́lɔ ɓa kəlee, di di mąą həɠə waa, a kɛ tii, di mąą aa həɠə.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Zasua 3:5

Ɉosue ə mo Israɛlə lonnii diɛ, yɛ diɛ: «Ka ka mąąhəɠə, mąąhɔlɔɓo, Yai-Laa a tinąą mɛ̨nį kpɛa-kpɛa kɛ ka lɔwai.»

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Samuɛlə dɔlɔɔ 16:5

Ə di woo ŋąąpənə, yɛ diɛ: «Liilaa ə tɛɛ ka pɔ, nɛlɛɛ ɓə ŋą́ paa la. Ŋą́ pa haláá kulɔi Yai-Laa ɓa. 'Ka ká mąąhəɠə, ka pa gu ɉaláá kulɔ.» Samuɛlə ə Ɉɛse da nonnii di mąąhəɠə, ə di tə li ɉaláá kulɔi.