Lɛɛ gbɔwɔ ɓa 18:19 - Yálá laawoo hɛɓɛ (dc)

¹⁹ Ə́ wəli tɔɔ nwóó ɓa, gáá gɛ pələ lɛi yɛ́, ɛlɛɛ, Yálá ə tɔɔ ə́ pulu! Kɛ́ lɔ Yálá da nuą ŋɛ̨i di lɔwai, yɛ́ ɓə mąąnɛ̨ɛ̨ yɛ́ di mąą mɛ̨nįɠaa laa həli Yálá ɓa.

Yálá laawoo hɛɓɛ

¹⁹ Ə́ wəli tɔɔ nwóó ɓa, gáá gɛ pələ lɛi yɛ́, ɛlɛɛ, Yálá ə tɔɔ ə́ pulu! Kɛ́ lɔ Yálá da nuą ŋɛ̨i di lɔwai, yɛ́ ɓə mąąnɛ̨ɛ̨ yɛ́ di mąą mɛ̨nįɠaa laa həli Yálá ɓa.

Bible

¹⁹ Ŋ̀óo mɛni, ŋa pâi ílîa-woo ƃôi, Ɣâla é kɛ́ íkɔlɛ. Tɔɔ Ɣâla ŋɛ́i-tuɛ ǹûai ḿɛni ma í pá bɔ́ a dímɛni-ŋai.

Lɛɛ gbɔwɔ ɓa 18:19 Iomraidhean Croise

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Samia Veerɛi 14:17

Ə́ wɔ tínɛ̨ɛ̨nui yɛ: ‹Yálá ə gɛ, nwɔ́ mɛ̨nį nąmu tɔɔmun vaa woo ə pa bɔ́ a liilaa. Mąąhɔlɔɓo, nwɔ́ mɛ̨nį nąmu tɔɔmun gaa yɛ Yálá nwɔ malaka, ə mɛ̨nį lɛlɛɛ kɔ́lɔn, ə ɲɔ̨nwɔ̨ɔ̨ kɔ́lɔn.› Yai-Laa ə́ wɔ Yálá ə kɛ ə́ pɔ.»

Lɛɛ gbɔwɔ ɓa 18:15

Moisə yɛ mɔlɔ́ ɓa: «Yálá mąąni gɛ mɛ̨nį ɓə nuą ŋɛ̨i da paa la bɔ́.

Lɛɛ gbɔwɔ ɓa 18:20

Yɛ́ di kalan a Dɔ́n nwooɠaa da díɓoɠaa, yɛ́ di hiɛ pələ lɛ diɛ, da di túwɔ́ pələ.

Lɛɛ gbɔwɔ ɓa 18:24

Moisə ə nwəli tɔɔ mɔlɔ́ woo ɓa, mɛ̨nįɠaai yili ə mo mą, ə gəlee kɛ.

Lɛɛ gbɔwɔ ɓa 20:19

Diɛ Moisə ɓa: «Mąąnɛ̨ɛ̨, yɛ́ kpinįi ə́ hvaa ku pɔ, kwa pɛli ku yili mɛ̨n. Kɛlaa, Yálá hvo kɛ gaa mɛ̨nį ɓoi kuɔ, ku hvo pa ləi haa.»

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 4:12

Yii hu, 'həɠə ə́ li; Ɲą́ą́ Lɔ Gáá ə́ pɔ, mɛ̨nįi mąąnɛ̨ɛ̨ ə́ mo, Ŋą́ bu ə́ la.»

Lɛɛ gbɔwɔ ɓa 4:16

Aarɔn ɓə pai ə́ laa yəli kɛi nuą diɛ, ya ɓə pai kɛi a ə́ laaləi yɛ́ ɓo a nwɔ Yálá.

Hanwon 9:9

Kilimąą mun gɔ́ɔ a kili, a gili ta kɛ mą ɲəi. Nu haŋąą liɛwoo kɛ, a tɛ tɔwɔ.

Lonon mo 27:5

Moisə ə li ə mɛ̨nįɠaa tii laa həli Yai-Laa ɓa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 5:5

Ɛlɛɛ ɲą́ą́n, ŋį́ ɓo tɔɔni ka Yai-Laa ni ka lɔwai. Gɛ́ Yai-Laa lawoo laa həli kaa. Mąąhɔlɔɓo, ka kɛi ɲɔw nwɔ̨n ma, yili ɓə gɛ ka tɛ ɲee ɓa. «Ə mo yɛ diɛ:

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»