Lɛɛ gbɔwɔ ɓa 18:10 - Yálá laawoo hɛɓɛ (dc)

¹⁰ Ɉetro yɛ kɛ mą: «Mąąwiɛ ə kɛ Yai-Laa ɓa, yai ka kulɔ Eziptə tɔɔmun da nwɔ nuąi di yəi, ə ka huwu kəlee kulɔ Eziptə nuą yəi!

Yálá laawoo hɛɓɛ

¹⁰ Ɉetro yɛ kɛ mą: «Mąąwiɛ ə kɛ Yai-Laa ɓa, yai ka kulɔ Eziptə tɔɔmun da nwɔ nuąi di yəi, ə ka huwu kəlee kulɔ Eziptə nuą yəi!

Bible

¹⁰ Nya ƃe Zɛtulo è mò ǹyɛɛi, “Laa-maa-tɛ é tɛ́ɛ Yâwɛɛ pɔ́ nyii kákùla Ize-ŋai yêei da Gâloŋ.

Lɛɛ gbɔwɔ ɓa 18:10 Iomraidhean Croise

Zɛnɛse 14:20

Mąąwiɛ ə kɛ Huwalawala Kəlee Nąmu Yálá ɓa, yai ə́ yowo nwɔ huwalawala too ə́ kɔ́wɔ mu!» Abramə ə nɛɛ mą, ɉɛn ə ɉɔlɔɓo laa, ə bow nąą tɛɛ Mɛlkisedɛkə pɔ.

Zɛnɛse 24:27

yɛ mą: «Nwɔ́ mɛ̨nį nąmu Abrahamə nwɔ Yálá, yai gaa a Yai-Laa, gɛ́ ə́ hɛɠɛ ə́ mąmą, yáá ə́ wɔ mɛ̨inɛ̨ɛ̨ leelee kulɔ pɔ̨nɔ̨ŋą nwɔ́ mɛ̨nį nąmu ɓa, ɉiɛi ŋɛ̨i hu, Yai-Laa, yáá də́nən dɔɔ nwɔ́ mɛ̨nį nąmu pulu nuą diɛ.»

Samia Veerɛi 18:28

Ahimaasə ə tomą kpɔ, yɛ tɔɔmun ma: «Nąą lɛlɛɛi ɓə!» Ə pɛlɛ nɔi ɓa, ə kwɛli hvilɛn tɔɔmun ma, yɛ mą: «Mąąwiɛ kaa Yai-Laa ə́ wɔ Yálá ɓa, nuąi kɛ di muhəɠɛɛ nwɔ́ mɛ̨nį nąmu tɔɔmun naa ɓa; Yálá aa ə́ yee tɛɛ gəlee ɓa.»

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Tɔɔɓɛlaa dɔlɔɔ 8:56

«Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Mąątɛ̨nɛ̨ 41:13

Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Tɛsalonikə dɔlɔɔ 3:9

Bələi kpɔ kwa pɛli ku Yálá mąmąɓo la ká mąą mɛ̨nį hu, ku hvo kpɔ bələ kɔ́lɔn; mąąhɔlɔɓo, káá ku kwəinɛ̨ɛ̨ kɛnɛ̨ ku wɔɔ Yálái ɲɛ̨i ɓa.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Samuɛlə dɔlɔɔ 15:6

Saulə yɛ Keni nuą diɛ: «Ka li, ka həɠə ɓɛ, ka kulɔ Amalɛkə nuą lɔwai, və́ pa ka hon yɛ diɛ. Mąąhɔlɔɓo, di wɛli kpɛɛmaa túwɔ́ ɓo a Israɛlə nuą ɓɛlɔwai yiliɠaa di kulɔ la Eziptə lɔi hu» Keni nuą di kulɔ Amalɛkə nuą lɔwai.

Samuɛlə dɔlɔɔ 25:32

Davidə yɛ Avigailə ɓa: «Mąąwiɛ ə kɛ Yai-Laa Israɛlə nwɔ Yálái ɓa, yai ə́ tɔɔ háákələi yɛ́ pa náákwiɛn ɉii.