Lɛɛ gbɔwɔ ɓa 18:1 - Yálá laawoo hɛɓɛ (dc)

¹ Mɛ̨nįɠaa kpɔ Yálá ə gɛ Moisə da Israɛlə nuą diɛ, Madian haláá laa həli mun Ɉetro yai kɛ a Moisə mɔlɔ́, ə bələ mɛ̨n, diɛ mą: Yai-Laa aa Israɛlə nuą kulɔ Eziptə lɔi hu!

Yálá laawoo hɛɓɛ

¹ Mɛ̨nįɠaa kpɔ Yálá ə gɛ Moisə da Israɛlə nuą diɛ, Madian haláá laa həli mun Ɉetro yai kɛ a Moisə mɔlɔ́, ə bələ mɛ̨n, diɛ mą: Yai-Laa aa Israɛlə nuą kulɔ Eziptə lɔi hu!

Bible

¹ Midiaŋ sala láa-soŋ-nuu kɛ́tɛi Zɛtulo, nyii kɛ̀ a Mose mɔ̂lɔi, è mɛni-ŋai kélee mɛ̀ni Ɣâla è gɛ̀ Mose mì da ŋɔnûai Eezuɛ-ŋai, da berei Yâwɛɛ è Eezuɛ-ŋai kùla la Ize lɔii sui.

Lɛɛ gbɔwɔ ɓa 18:1 Iomraidhean Croise

Mąątɛ̨nɛ̨ 105:43

Ə nwɔ nu huwui kulɔ laa a kwəinɛ̨ɛ̨ kɛ̨nɛ̨, ə niiɓa nuą kulɔ laa, diɛ tómą a kwəinɛ̨ɛ̨.

Mąątɛ̨nɛ̨ 105:5

'Ka ka kiliŋąhiɛ gbalo mɛ̨nįɠaai Ə gɛ diɛ, da gwɛlɛɛin mɛ̨nįɠaai ə kɛi gɛ, da gití wooɠaai kɛi kulɔ na.

Mąątɛ̨nɛ̨ 106:2

Gbɛɛ ɓə a pɛli Yai-Laa nwɔ kuláálaa hukulɔi, yɛ dɛnɛ̨, yɛ pɛli ɉu?

Mąątɛ̨nɛ̨ 34:2

Gáá Yai-Laa laa mąąwiɛi a yələ kəlee, mąątɛ̨nɛ̨ woo hva kpɛɛ ná.

Mąątɛ̨nɛ̨ 44:1

Wələ ɲɛ̨itɔwɔmun, Kore lonnii di wɔ kililaa pono wələ woo.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Lɛɛ gbɔwɔ ɓa 2:16

Ɉaláá laa həli mun ŋɛ̨i kɛ Madian, nonnii nɛ̨ąą di kɛ mɛ̨ihveelɛ, nɛ̨ąą tii di pa ya haɠai di bu daatɛlɛɛɠaa kpələi, di naahvɛɛ, di nąn nwɔ taatɛlɛɛɠaai kpələ mɛ̨nį ɓa.

Lɛɛ gbɔwɔ ɓa 2:18

Nɛ̨ɛ̨lɛai ti di pənə di pa di nąn Reuɛlə pɔ. Yili yɛ diɛ: «Lə ɓə kələi kɛ, yai ka pa ŋɛ̨i ɉa?»

Lɛɛ gbɔwɔ ɓa 2:21

Pai Moisə ə mo, ə lɛɛ ɉulɔnui tii pɔɔli. Yili yaan, ə non Sipora tɛɛ Moisə pɔ a nɛ̨ą.

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Lɛɛ gbɔwɔ ɓa 4:18

Moisə ə bulu pənə ə li mɔlɔ́ Ɉetro pɔ yɛ mą: «Hvo kɛ li ŋį́ bulu pənə ŋį́ li gááyɔwɔɠaa pɔ, diɛi di kaa Eziptə lɔi hu, ə gɛ, ŋį́ di mɛ̨i kaa, akɛ di kaa ni a di hvulú.» Ɉetro yɛ Moisə ɓa: «'Li, ə́ hiɛ ə nɛ̨ɛ̨.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Lonon mo 10:29

Reuɛlə lon Hobabə, yai kɛ a Madian mun, yɛ ɓo a Moisə mɔ́lɔ; Moisə ə mo mą, yɛ mą: «Ku kaa lii nɔi ɲɛ̨i Yai-Laa ə kɛ yɛ gaa dɛɛi ku pɔ ɉu. Pa gwəli, gwa li, mɛ̨inɛ̨ɛ̨ Yai-Laa aa naakwɛlanmo kuɔ, ə́ ə́ wɔɔ nąą hɔlɔɓo ɉu.»

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 15:12

Nąąlɔwai nuą kəlee di di laa pilɛ kpɔ tín, yili pulu, di di wəli tɔɔ Barnabasə da Polə diɛ. Kwɛlɛɛn mɛ̨nįɠaa da kpalo mɛ̨nįɠaai Yálá ə gɛ a di yee, huwu takpɛliɠaa pɔɔli, di yili kəlee hukulɔ.

Lomaŋ 15:18

Yili ɓa, vá pɛli mɛ̨nį takpɛli ɓoi, ə kulɔ lɔ, yii Kristə ə gɛ ɲéé, gɛ́ huwu takpɛliɠaa hvilɛn nwɔ pələi mɛ̨i, a nwóó da gɛ́-mɛ̨nį,

Zasua 2:10

Ɛlɛɛ, pələi Yai-Laa ə gboloyá kpala la ka tɔwɔ, kwaa yili bələ mɛ̨n, ɓɛlɔwai ŋɛ̨i ə ka kulɔ la Eziptə lɔi hu; ə mą kɛ, mɛ̨nįi ka naa Amɔrə tɔɔɓɛlaa hveelɛi ɓa Ɉurdɛn pulu pələ. Diɛi a Sihɔn da Ogə, diɛi ka di paa.

Zasua 9:9

Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;

Nwun mąąɓo 1:16

Moisə mɔlɔ́, yai ɉuwu hu nuą ɓa kɛ a Keni nuą, di həɠə dow kpulu mu taa hu, da Ɉuda nu huwu, di li di hee Ɉuda nwɔ lɔi pun ɉu pələ, Aradə kwɛlɛ, ɉɛɠɛɛ pələ, di hee laa nɔi lonnii kwɛlɛ, diɛi kɛ a Amalɛkə nuą.

Nwun mąąɓo 4:11

Hebɛrə ŋɛ̨i kɛ a Keni mun, ə kulɔ Keni nuą pɔ, diɛi kɛ a Moisə mɔlɔ Hobabə lonnii, ə nwɔ taai pu Saananimə nwɛla kwɛlɛ, Kɛdɛsə.