Lɛɛ gbɔwɔ ɓa 17:7 - Yálá laawoo hɛɓɛ (dc)

⁷ Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Yálá laawoo hɛɓɛ

⁷ Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Bible

⁷ Mose è nàa tòli a Mâsa da Mɛliba. Kpɛ́ni fêi, Eezuɛ-ŋai dí laa-saa pɛ́lɛ Mose mà dí su-kɔɔŋ tɛ̀ɛ Yâwɛɛ pɔ́ a marê-kɛɛi dí gɛ̀ dîyɛɛi, “Yâwɛɛ káa kúkɔlɛ, kpaa vé kúkɔlɛ?”

Lɛɛ gbɔwɔ ɓa 17:7 Iomraidhean Croise

Mąątɛ̨nɛ̨ 106:32

Di Yálá líiholi Meriba yá kwɛlɛ, Moisə ə yili ɉu mɔ̨nɔ̨ mįi.

Mąątɛ̨nɛ̨ 78:18

Di gili, diɛ gɛ, diɛ Yálá woo kwɛli, diɛ kɔ̨nɔ̨n ɉu hvɛli mą, diɛ mįi a di liiɓa pələ.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Mąątɛ̨nɛ̨ 81:8

Ɓɛlɔwai ə́ kɛi tomą la mɔ̨nɔ̨ hu, ŋą́ ə́ kulɔ ɉu, ŋą́ ə́ woo mu hon, ŋį́ ɓo a nóɔ tulɔ hvąŋą hu, ŋį́ ə́ hu kɔɔn Meriba yá kwɛlɛ.

Mąątɛ̨nɛ̨ 95:8

'Ka hvo ka kili wala wala yɛ bələi ka gɛ la Meriba lɔi hu, yɛ ɲələi ka gɛ la Masa, nɔi pun ɉu.

Lɛɛ gbɔwɔ ɓa 17:2

Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Lonon mo 20:13

Di ɲái tii laa hee a Meriba yá, mąąhɔlɔɓo nąą ɓə Israɛlə lonnii di hvaa laa Yai-Laa ɓa. Yili yaan yɛ nwɔ mąąwiɛ lɛ laa.

Lonon mo 20:24

«Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Lonon mo 27:14

Mąąhɔlɔɓo, Sin lɔi pun ɉu, ɓɛlɔwai Israɛlə nuą di hvaa pɛlɛ la mą́ą́, ka kulɔ nwóó mu, a ka tíi ŋį́ mo gɛ́ ka nwɔ́ mąąhəɠə laa lɛ nuą diɛ di gaa, a yá kulaa a kpalo mɛ̨nį.» Yili hvilɛn ŋąąi Meriba yá mɛ̨nį ɓa, yii kɛ Kadɛsə, Sin nɔi pun ɉu.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Dutɛrɔnome 31:17

Yili mąą mɛ̨nį ɓa, gáá pai níí ɲąnwąnąąi diɛ, ɲą́ą́n, ŋą́ pai həɠəi di pulu, ŋą́ di lɛɛ laa; di kaa pai lɛɛi a hį́i takpɛliɠaa di wɔ luwɔ. Ɲɛ̨ikɔw kpɔlu da mɔ̨nɔ̨ɠaa di kaa pai laai diɛ. Nąąlɔwai di kaa pai gɔlɔn ɉii mɛ̨nįɠaa tii pɔ pələ, diɛ kɛ, ɲą́ą́ ŋɛ̨i a di wɔ Yálá və́ di lɔwai.

Dutɛrɔnome 33:8

Yɛ Levi nwɛi ɓa: «Yai-Laa aa nwɔ kpɛɛn dɛɛ nwɔ tínuą ɓɛlɛɛɠaa pɔ, diɛi ɓaa Levi huwu. Diɛi ə di mąąkpɛɛ Masa. Ə di hutɔɔ Meriba ya mɛ̨nį hu.

Dutɛrɔnome 6:16

Ka hvə kɛa tɔɔ Yai-Laa ka wɔ Yálái la, yɛ bələi ka gɛ la Masa.

Dutɛrɔnome 9:22

Ɓɛlɔwai gu kɛ la Taveera da Masa, da Kivrotə-Taawa, ka Yai-Laa liiholi gɛɛnąąɠaa tii.

Zasua 22:31

Ɉaláá laa həli mun Eleazarə lon Pinasə, yɛ Rubɛn huwu, Gadə huwu, da Manase huwu bələ tɔ̨nɔ̨ ni diɛ: «Ku kili aa pu ɉu, kuɔ Yai-Laa kaa gu lɔwai, mąąhɔlɔɓo, ka hvo kɛ nɛ̨ŋɛ̨n daaləi tii həɠə li Yai-Laa ɓa, kaa Israɛlə lonnii kulɔ la tii Yai-Laa yəi.»