Lɛɛ gbɔwɔ ɓa 17:14 - Yálá laawoo hɛɓɛ (dc)

¹⁴ Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Yálá laawoo hɛɓɛ

¹⁴ Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Bible

¹⁴ Nya ƃe Yâwɛɛ è mò Mose mà ǹyɛɛi, “M̀ɛnii ŋí pɔ̃yɛ kɔlɔ ma a gɛɛ é lɛ́ɛ kákili ŋá í m̀ó Zasua ma a gɛɛ ŋa pâi Amalaka-ŋai dísuui kélee su karâi ŋ̀éniɛi su.”

Lɛɛ gbɔwɔ ɓa 17:14 Iomraidhean Croise

Samia Veerɛi 1:1

Saulə haai lɔwai, ə kɛ tii, Davidə yee aa kɛ tɛɛ Amalɛkə ɓa, aa pənə aa pa. Ə hvóló hveelɛ kɛ Siklagə daai.

Samia Veerɛi 8:12

Aramə lɔi, Moabə lɔi, da Amɔn lonnii, Filisti nuą da Amalɛkə, da gɔ́ mɛ̨i hɛn ə ɉəɠə Sova tɔɔmun Rehɔvə lon Hadadɛzɛrə yəi.

Kɔlɔnikɔ Maa-ŋuŋ 4:42

Simeɔn nwɔ pɛlɛ́i mu nuą taɠaa, di kɛ a nu nwun nɔɔli, di Edɔmə ɲee hu lɔi hɔlɔɓo, Yisei lonnii nąąn bɔ pələ; diɛ ɓaa: Pelatia, Nearia, Refaya da Uziɛlə.

Kɔlɔnikɔ Maa-ŋuŋ 4:43

Di nɛ̨ɛ̨mą, di Amalɛkə huwu kpəli woloi kɛ laa, di di paa; diɛi tii di hee laa. Háá ɓaa háá, di kaa ni laa heeni.

Ɛsdrasə 9:14

Yili a kɛ tii, kwa pɛli nwɔ̨nɔ̨ mą, ku ə́ wɔ tíɓoɠaai kala, kuɔ too nu ɲɔ̨nwɔ̨ɔ̨ɠaa ŋɛ̨i pɔ hilɛ taai mɛ̨nį hu, a kɛ tii, hvo pai ə́ líiholii ku pɔ, ə́ ku nwun na pili, nu tɔ̨nɔ̨ kpɛli hva lɛɛ?

Zôo 18:17

Gili a kpɛɛ nɔi hu nuą ŋą, Naa hva kɛa ɓo ɓɛi lɔpee.

Zôo 19:23

Ee kə! A pɛli kɛ nwóóɠaai ŋɛ̨i pɛ̨ɛ̨, a kɛ da pɛli kɛ bɛ̨ɛ̨i hɛɓɛ́ hu.

Mąątɛ̨nɛ̨ 9:6

Yáá hį́i lɔiɠaa hutɔɔ, yɛ́ ə́ yowo nwun na pili, yáá di laa hu pu a yələ kəlee mɛ̨nį.

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 17:13

Ɉosue yee ə tɛɛ Amalɛkə nuą diɛ, ə nu tamąą paa a ɓɔwa kwɛaa.

Lɛɛ gbɔwɔ ɓa 24:4

Moisə ə Yai-Laa wooɠaa kəlee pɛ̨ɛ̨, ə muhəɠə yələwala pinɛ̨ɛ̨, ə haláá kulɔi pɛli Yai-Laa ɓa, a kwɛni pow kɔ́w hveelɛ, ə di tɔɔ a Israɛlə lonnii pow kɔ́w hveelɛi laa.

Lɛɛ gbɔwɔ ɓa 32:33

Yai-Laa yɛ Moisə ɓa: «Nui nɛ̨ŋɛ̨n ɉəɠə mą́ą́, ya ɓə Ŋą́ naa waa nwɔ́ hɛɓɛ́i hu.

Lɛɛ gbɔwɔ ɓa 34:27

Yai-Laa yɛ Moisə ɓa: «Nwooɠaai ŋɛ̨i pɛ̨ɛ̨, mąąhɔlɔɓo, mįnɛ̨i gwa yɛ́ gu kaa ɉəɠəi, ə mą kɛ kwa Israɛlə lonnii, ɉu wooɠaa li.»

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.

Ɉeremi 30:2

«Yai-Laa Israɛlə nwɔ Yálá woo ka, yɛ mą: Nwooɠaa kpɔ gáá moi yɛ́, di pɛ̨ɛ̨ hɛɓɛ́ hu.

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Lonon mo 24:20

Yili pulu, Balaamə ə Amalɛkə kaa, ə mɛ̨nįi ŋɛ̨i ɓo, yɛ həɠə Yálá yəi, yɛ mą: «Amalɛkə kaa lɔi kəlee ɲɛ̨i tɔwɔ, Kɛlaa, mɛ̨nįi ɉeɛ dɔwɔ ya ɓaa ɉukala mɛ̨nį.»

Lonon mo 33:2

Da kɛi kɛ həɠə kɛɛnąąɠaa ɓa Moisə ə kɛi gɛɛnąąɠaai tii laa pɛ̨ɛ̨; Yai-Laa ɓə dí la. Ɉiɛɠaai di gulɔ, a wala kɛ tii ɓɛɠaai di kɛi tɔɔ laa, diɛ ka:

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Samuɛlə dɔlɔɔ 15:18

Yai-Laa ə ə́ tɔɔ kɔ́ ɓa, ə mo yɛ́, yɛ kɛ yɛ́: ‹Li! Amalɛkə nuąi ŋɛ̨i a nɛ̨ŋɛ̨n ɉəɠə nuą, ə́ gəlee paa kpɔ tɛ̨ɛ̨tɛ̨ɛ̨, hvo húlu maa hɛn nɔpee ta lɛɛ.›

Samuɛlə dɔlɔɔ 30:1

Kɛlaa voló haaɓa yələ, lii Davidə da nwɔ nuąi di mo Siklagə, Amalɛkə nuą daa kɛ pa toomɛ̨i kɛ Siklagə da Negɛvə. Daa kɛ Siklagə hɛnŋaa kəlee həɠə, ɛlɛɛ daa daa gələn.

Samuɛlə dɔlɔɔ 30:17

Davidə ə pɛlɛ di paa ɓa, ə həɠə yələ ɓoɔ ɓa, ə lɛɛ maa ɉu yələ wului pɔ; nu ta hvo kulɔ ɉu, ə kulɔ laŋaa nwun nąąn bulu, di tɛ ɲɔ̨nwɔmɛɛɠaa mɛ̨i, di pu.