Lɛɛ gbɔwɔ ɓa 17:13 - Yálá laawoo hɛɓɛ (dc)

¹³ Ɉosue yee ə tɛɛ Amalɛkə nuą diɛ, ə nu tamąą paa a ɓɔwa kwɛaa.

Yálá laawoo hɛɓɛ

¹³ Ɉosue yee ə tɛɛ Amalɛkə nuą diɛ, ə nu tamąą paa a ɓɔwa kwɛaa.

Bible

¹³ Zasua è nâa Amalaka-ŋai yée mɛi ɣàle a maa ɣelei ti.

Lɛɛ gbɔwɔ ɓa 17:13 Iomraidhean Croise

Lɛɛ gbɔwɔ ɓa 17:12

Yii kɛa Moisə yeeɠaa hu ə haa kpɔ kɛnɛ̨, di kwɛni kpuwulu ta həɠə, di nɔ mu, ə hee mɛ̨i. Aarɔn da Hurə di di yee hee Moisə yeeɠaa mu, nu tɔ̨nɔ̨ ə lɛɛ ɓɛ pələ, dɔ̨nɔ̨ ə lɛɛ ɓɛ pələ. Bələ ɓə Moisə yeeɠaa di lɛɛ la a dɛɛ ɲələi, ə lɛɛ ɉu, hvóló kɔ́w ə too.

Lɛɛ gbɔwɔ ɓa 17:14

Yai-Laa yɛ Moisə ɓa: «Mɛ̨nį ŋɛ̨i pɛ̨ɛ̨ hɛɓɛ́ hu, ə kɛ a kili too ɲą hɛn, ɛlɛɛ, ə́ mo Ɉosue ɓa, yɛ mą: ‹Gáá pai Amalɛkə nuą laa kulɔi yɛnɛ̨ɛ̨, ŋį́ di laa waa yələkɔlɔn mu.›»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 10:32

Yai-Laa ə Lakisə lɔ Israɛlə yee ŋą, Israɛlə ə ɉon a kɔ́ voló veelɛ yələ, ə nɛɛ a kɔ́ kɔ́ ɓɔwa kɔ̨nɔ̨n; da nuąi kpɔ kɛ laa, yɛ bələi ə naa la Livna ɓa.

Zasua 10:37

Di ɉon, di gɛ a kɔ́ kɔ́ ɓɔwa kɔ̨nɔ̨n, yaa, da ɉu tɔɔmun, da nwɔ taaɠaa kəlee, da nuąi kpɔ kɛ laa, hvo nu tɔ̨nɔ̨ kpɛli lɛɛ a vulú. Ə di kulɔ a haláá Yálá ɓa.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 11:12

Ɉosue ə daaɠaa kəlee hon, da ɉu tɔɔɓɛlaa, ə di kɛ a kɔ́ kɔ́ ɓɔwa kɔ̨nɔ̨n da daai nuą kəlee, yɛ bələi Yai-Laa nwɔ tímun Moisə ə mo la.

Zasua 8:26

Ɉosue nwɔ kpala yee ŋɛ̨i ə dɛ ɲələi, hvo ɲee yɛɛ, ə lɛɛ la ɉu, di Ai nuą kəlee paa kpɔ tɛ̨ɛ̨ tɛ̨ɛ̨.