Lɛɛ gbɔwɔ ɓa 16:6 - Yálá laawoo hɛɓɛ (dc)

⁶ Moisə da Aarɔn diɛ Israɛlə lonnii diɛ: «Háákələi yələwulii pɔ, ka káá pai gɔlɔn ɉii, kaa diɛ; Yai-Laa ɓə ka kulɔ Eziptə lɔi hu.

Yálá laawoo hɛɓɛ

⁶ Moisə da Aarɔn diɛ Israɛlə lonnii diɛ: «Háákələi yələwulii pɔ, ka káá pai gɔlɔn ɉii, kaa diɛ; Yai-Laa ɓə ka kulɔ Eziptə lɔi hu.

Bible

⁶ Nya ƃe Mose da Eelɔŋ dí mò Eezuɛ-ŋai kélee dîa dîyɛɛ, “Ka pâi gɔ́lɔnîi ŋ̀ele-wulii ŋí su a gɛɛ Yâwɛɛ ƃé kákùla Ize lɔii su.

Lɛɛ gbɔwɔ ɓa 16:6 Iomraidhean Croise

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Lɛɛ gbɔwɔ ɓa 16:8

Moisə yɛ diɛ: «Yai-Laa kaa pai huwɔ tɛɛi ka pɔ háákələi yələwulii pɔ, ka mįi, yələwala pɔ, ka pilɛ a ka liiɓa. Mąąhɔlɔɓo, Yai-Laa aa ka woo mɛ̨n, kaa hvaa ka nwun ɉu. Lə ɓaa kuɔ? Kuɔ hvəi ka káá hvaai ka nwun ɉu kuɔ, Yai-Laa ɓə!»

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Lonon mo 16:28

Moisə ə mo, yɛ diɛ: «Bələi ka gɔlɔn na kaa kɛ Yai-Laa ɓə dɔ́ɔ́ gɛ́ mɛ̨nįɠaai ŋɛ̨i kəlee kɛ, və́ lɛɛ li gbɔwɔ ɓa gɛ́ gɛ tii, bələ ka.

Lonon mo 16:30

Kɛlaa, Yai-Laa a kpalo mɛ̨nį ta kɛ, lɔi ə naa ɓo, ə di kpələ diɛ da di yəi hɛnŋąą kəlee, di lɛɛ a di hvulú diɛ yɛɛ ɲąmuą-taa, ka kili a pu ɉu kaa kɛ nuąi ŋɛ̨i di tɛɠɛɓo Yai-Laa hu.»