Lɛɛ gbɔwɔ ɓa 16:31 - Yálá laawoo hɛɓɛ (dc)

³¹ Israɛlə lonnii di ɉɛn ti laa hee a mannə. Mannə ə kɛ yɛ mąlaan ɲa, gbuwulu kɛɛ, gwəlɛɛ, nɛ̨ɛ̨ nu la yɛ da nwɔmįi pɛli a kwɛin nwulɔ.

Yálá laawoo hɛɓɛ

³¹ Israɛlə lonnii di ɉɛn ti laa hee a mannə. Mannə ə kɛ yɛ mąlaan ɲa, gbuwulu kɛɛ, gwəlɛɛ, nɛ̨ɛ̨ nu la yɛ da nwɔmįi pɛli a kwɛin nwulɔ.

Bible

³¹ Eezuɛ-ŋai dí nâa gbóloi ŋí tòli a mana. È kɛ̀ yɛ̂ɛ mɛsɛ kao, golɛɛ. È kɛ̀ a nɛ̃ɛ yɛ̂ɛ kɔ̃́iŋ-wulɔ kpolo.

Lɛɛ gbɔwɔ ɓa 16:31 Iomraidhean Croise

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Lɛɛ gbɔwɔ ɓa 16:15

Israɛlə lonnii di gaa, diɛ kɛ di kee ɓa: «Man hu?» Mukulaa ɓaa: «Lə ɓaa yii?» Mąąhɔlɔɓo, di hvo kɛ ɉɛn ti kɔ́lɔn. Moisə yɛ diɛ: «Gɔ̨nɔ̨n Yai-Laa ə dɛɛ ka pɔ yaa li.

Lɛɛ gbɔwɔ ɓa 16:14

Nuwuluwu kɛɛ həɠeen ɉi, hɛn da ə lɛɛ pɛlɛ ni nɔi ɓa a gɔw pɛlɛɛ-pɛlɛɛ yɛ mɔ̨nun ɲin.

Lɛɛ gbɔwɔ ɓa 16:30

Nuą di di hvįįtɔɔ a voló mɛ̨ihveelɛ yələi ti.

Lɛɛ gbɔwɔ ɓa 16:32

Moisə yɛ nuą diɛ: «Mɛ̨nįi Yai-Laa kaa moi, ya ka: ‹Ka da həɠə a kəgən ɲąą tɔ̨nɔ̨, ɛlɛɛ, ka naai gɛ, ka huwuhu nuą mąą mɛ̨nį ɓa, ə gɛ, manə ŋį́ ka kɔ̨nɔ̨n gɛ la nɔi pun ɉu, ɓɛlɔwai ŋį́ ka kulɔ la Eziptə lɔi hu, diɛ pɛli gaai.›»

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.