Lɛɛ gbɔwɔ ɓa 15:21 - Yálá laawoo hɛɓɛ (dc)

²¹ Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Yálá laawoo hɛɓɛ

²¹ Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Bible

²¹ Miriaŋ è ŋulei ŋí tòo dîa ǹyɛɛi, “Ka wule tóo Yâwɛɛ ma, kpɛ́ni fêi, a mɛni maa pɔlɔ-pɔlɔ kɛ́. A zooi da zia-nuui kɛ́ da lɛ́ɛ ǹyái su.”

Lɛɛ gbɔwɔ ɓa 15:21 Iomraidhean Croise

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Lɛɛ gbɔwɔ ɓa 15:4

Aa Eziptə tɔɔmun nwɔ wotoloɠaai, da nwɔ kɔlaɠai pili gboloyá hu, nwɔ kɔ́kulááɠaai, daa lɛɛ veegbɔ̨nɔ̨ gboloyá hu.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Nwun mąąɓo 5:3

Kaai ɓaa tɔɔɓɛlaa, ka ka wəli tɔɔ, kaai ɓaa ɲɛ̨itɔwɔ nuą, ka mɛ̨nįi ŋɛ̨i mɛ̨n! Gáá pai wələ tooi, ŋą́ Yai-Laa, Israɛlə nwɔ Yálái mąątɛ̨nɛ̨.

Samuɛlə dɔlɔɔ 18:6

Yii kɛa Davidə ə Goliatə paa, gɛɛ kɛa həɠəi gɔ́ ɓa yɛ pa, nɛ̨ąą di həɠə Israɛlə lɔi kəlee hu, diɛ pa tɔɔmun Saulə laakwiɛn ɉii, diɛ wələ too, daa wələ yɛliɠaa laa, diɛ kwəinɛ̨ɛ̨ wələɠaa too, diɛ damąn da gwɛni di ɲɔw.

Samuɛlə dɔlɔɔ 18:7

Nwələi mąną kaa nɛ̨ąą di kɛi doo ya ka: «Saulə a waa tamąą paa ɲowoɠaa lɔwai; Davidə aa waa pow tamąą paa.»