Lɛɛ gbɔwɔ ɓa 15:20 - Yálá laawoo hɛɓɛ (dc)

²⁰ Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Yálá laawoo hɛɓɛ

²⁰ Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Bible

²⁰ Eelɔŋ zaaƃɔlɔ Miriaŋ nyii kɛ̀ a Ɣâla ŋɔlóno kɛ́-nuui, è nyɛ̃ɛ nyɛŋ sìɣe nɛyâai kélee dí lɛ̂ɛ bôlu gɛ́ ŋ̀ale díkɛ́ mãla.

Lɛɛ gbɔwɔ ɓa 15:20 Iomraidhean Croise

Zɛnɛse 31:27

Lə mɛ̨nį ɓa ə́ ə́ loo mą́ą́ yɛ́ pu, ɛlɛɛ ə́ mówo? Ya gíli pu kɛ ɉu, kɛlɛi kwa yili gwəinɛ̨ɛ̨ kulɔ kɛ, ku ə́ tɔɔ pələi a wələ da hvɛli woo nɛ̨ɛ̨ɠaa.

Samia Veerɛi 1:20

Ka hvo bələ taɠa Gatə daai, Ka hvo ɉukulɔ Askelɔn bələɠaa pɔ. Ə gɛ, Filisti nɛ̨ąą di hvo pa ləi maa kwəinɛ̨ɛ̨ kulɔ, gɛ́nɛ kpolɔwaɠaa lonnii nɛ̨ąą di pa nee kɛ pili yələi a kwəinɛ̨ɛ̨.

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Tɔɔɓɛlaa veelɛ 22:14

Ɉaláá laa həli mun Hilkiyahu, da Ahikamə, Akbɔrə, Safan, ə lɛɛ, Asaya, də li Yálá kwəi mɛ̨nį hukulɔ nɛ̨ɛ̨nu Hulda pɔɔli, nui kɛ a ɉəɠəɠaa mɛ̨i kaa mun Salumə, yai kɛ a Tikwa lon, yɛ ɓo a Harhasə mąnįn, nɛ̨ą li kɛ. Nɛ̨ɛ̨nui tii ə kɛ Ɉerusalɛmə daa nįnɛ̨i. Yii lɔ di kpɛɛ a di woo hukulaa mą,

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 6:3

Kehatə lonnii ɓaa: Amramə, Yiseharə, Hebrɔn da Uziɛlə.

Nehemi 6:14

«Námu Yálá, ə́ kiliŋąhiɛ Toviya da Sanbalatə diɛ, di túwɔ́ pələ mąą mɛ̨nį ɓa, da ə mą kɛ kwəi mɛ̨nį hukulɔ nɛ̨ɛ̨nu Noadia, da kwəi mɛ̨nį hukulɔ nuą yiiɠaai kɛ bɔ di mą́ą́ ɲɔw.»

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 150:4

'Ka mąątɛ̨nɛ̨ a damąn da mąną kaa, 'ka mąątɛ̨nɛ̨ a hvɛ́li kɛ hɛn yii ɲɛli kaa mą.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Mąątɛ̨nɛ̨ 68:11

Ə́ wɔ lɔi ti di di heei hɔlɔɓo ɉu, Yɛ́ Yálá, Yɛ́ ɓə nąą kɛ tii mąąwɛli nuą mąą mɛ̨ni ɓa, ə́ wɔ liinɛ̨ɛ̨ gwəi haalai.

Mąątɛ̨nɛ̨ 68:25

Yálá, daa ə́ pulu kpɔn gaa, nwɔ́ Yálá, nwɔ́ tɔɔmun, daa ə́ pulu kpɔn gaa, ə́ wɔ pɛlɛ́ mąąhəɠɛɛ mu,.

Mąątɛ̨nɛ̨ 68:26

Nwələ too nuą di ɓo tɔwɔ, vɛ́likɛ nuą di ɓo nąą pulu, nɛ̨ɛ̨lɛa di ɓo di pɔ, diɛ kɛ́ɛ́ yɔw.

Mąątɛ̨nɛ̨ 81:2

'Ka tomą a kwəinɛ̨ɛ̨ Yálá pɔ pələ, Yaa ɓə a gu wɔ huwalawala, 'ka ka yee lɔwa Ɉakɔbə nwɔ Yálái ɓa.

Lɛɛ gbɔwɔ ɓa 2:4

Nokoloi ti mąąhala ə lɛɛ tɔɔni nąą kwɛlɛ, əgɛ, mɛ̨nįi pai kɛi a nəɠə, ə nąą kaa.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 12:1

Miriamə da Aarɔn di Moisə laa pələ ɓo, yɛ hvilɛn na Nubi nɛ̨ɛ̨nui tii ə ɉəɠə a nɛ̨ą mąą mɛ̨nį ɓa.

Lonon mo 12:2

Diɛ kɛ mą: «A kɛ tii, Moisə yaa tɔ̨nɔ̨ lɔ ɓə Yai-Laa a pələ ɓo mą? Hva mɔ̨ɔ̨ pɛli pələ ɓoi kuɔ kpɛli kuɔ?» Yai-Laa ə di wooi tii mɛ̨n.

Lonon mo 20:1

Israɛlə lonnii kəlee di həli Sin nɔi pun ɉu, a gwɛlan nwɔ ɲąnin dɔlɔɔ. Nuą di hee Kadɛsə daai. Nąą ɓə Miriamə ə haa laa, di noo laa.

Lonon mo 26:59

Amramə nɛ̨ą laa ɓaa kɛ Yokɛvɛdə, yai kɛ a Levi lon nɛ̨ɛ̨nu. Levi ə ɉɔlɔɓo Eziptə lɔi hu. Nɛ̨ɛ̨nui tii da Amramə ɓə Aarɔn Moisə da di mąąhala Miriamə di hɔlɔɓo.

Lukə 2:36

Asɛrə yəi bɛlɛ́n mun da, yii da kɛ mą: Fanuɛlə, non nɛ̨ɛ̨nu ta ə kɛ laa diɛ kɛ naa ɓa: Anə. Anə tii ə kɛ a Yálá kwəi mɛ̨nį hukulɔ nɛ̨ɛ̨nu, bɔlɔɔ kpɔ kɛ a mɔlɔɔ. Gɛɛ a nɛ̨ɛ̨non da ɉilɛ kwɛlan mɛ̨ihveelɛ lɔ ɓə di gɛ di kee ɓa.

Gɛlaɠaa 21:9

Filipə lonnii nɛ̨ąą nąąn di kɛ laa, di hvo kɛ hulɛnu mɛ̨nį hukɔlɔn, diɛ Yálá kwəi mɛ̨nį hukulɔ.

Korɛntə dɔlɔɔ 11:5

Kɛlaa, nɛ̨ɛ̨nu a kɛi Yálá hvɛli, a wala kɛ tii, yɛ Yálá kwəi mɛ̨nį hukulɔ, ɓɔlɔ hvo nwuɔ̨, gaa ɲɛ̨i tɛi kulɔi a nwun nąmu. Mąąhɔlɔɓo, a kɛ kpɔlɔɔ yɛ da nwun gbɛlaan mo.

Korɛntə dɔlɔɔ 14:34

nɛ̨ąą da kɛ ɲąąkpɔn ɉu, di di laa pilɛ, pələ ɓoɔ mąą laa hvo di yəi, mąąnɛ̨ɛ̨ di lɛɛ nwoo mulaa kɛ, yɛ bələi dɔ́n nwoo ə mo la.

Nwun mąąɓo 11:34

Ɓɛlɔwai Ɉɛfte ə bulu pənə la yɛ pa bɔ taai Mispa, non nɛ̨ɛ̨nu ɓə kulɔ yɛ pa naakwiɛn ɉii, yɛ mąną kaa, yɛ hvɛli kɛ. Ɉɛfte non nɔ ka tii kɛ tanɔ̨n gbən.

Nwun mąąɓo 21:21

Kaa nąą mąą hɛn, ɓɛlɔwai ka Silo nɛ̨ɛ̨lɛa kaa la, daa kulɔ diɛ mąną a di kpulu, ka kulɔ ka loo pələi, nu kəlee ə nɛ̨ɛ̨lɛai tii da hon, ka li la Bɛnɉamɛn lɔi hu.

Nwun mąąɓo 4:4

Nąąlɔwai, Lapidotə nɛ̨ą Debora, yai kɛ a Yálá kwəi mɛ̨nį hukulɔ nɛ̨ɛ̨nu ta, ya ɓə kɛi Israɛlə ɲąąwooɓo.

Samuɛlə dɔlɔɔ 10:5

Yili pulu, ə́ kaa pai həli Givea Yálá taa, ɓɛi Filisti tɔɔɓɛlaa kaa laa. Yá həli daa kwɛlɛ, ə́ kaa pai kulɔi Yálá kwəi mɛ̨nį hukulɔ nuą kpulu mɛ̨i, diɛ həɠə ɉaláá kulɔi, diɛ tɛ taai, hvɛli kɛ nuą di ɓo di tɔwɔ, diɛ gwɛnįn ɲɔw, da ɓala, diɛ ɓɔɔ hvɛɛ, diɛ bɛlɛgwəi gwɛnįn ɲɔw. Di kaa pai kɛi Yálá-Nįi yee kɔ́nma.

Samuɛlə dɔlɔɔ 18:6

Yii kɛa Davidə ə Goliatə paa, gɛɛ kɛa həɠəi gɔ́ ɓa yɛ pa, nɛ̨ąą di həɠə Israɛlə lɔi kəlee hu, diɛ pa tɔɔmun Saulə laakwiɛn ɉii, diɛ wələ too, daa wələ yɛliɠaa laa, diɛ kwəinɛ̨ɛ̨ wələɠaa too, diɛ damąn da gwɛni di ɲɔw.