Lɛɛ gbɔwɔ ɓa 15:2 - Yálá laawoo hɛɓɛ (dc)

² Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Yálá laawoo hɛɓɛ

² Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Bible

² Yâwɛɛ káa a ŋáwala-walai laa. Ŋa pâi ǹáa maa tɛ̂i ŋáwule-ŋai su. Ŋáɣâlai ká ŋí, ǹyaŋ ŋa pâi ǹáa maa tɛ̂i. Gáa a ńâŋ ŋɔɣâlai, ǹyaŋ ŋa pâi ǹáa maa tɛ̂i.

Lɛɛ gbɔwɔ ɓa 15:2 Iomraidhean Croise

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Zɛnɛse 49:18

Gílitɔɔi yɛ́ Yai-Laa málomun!

Samia Veerɛi 22:3

Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Samia Veerɛi 22:47

Mąąwiɛ ə kɛ Yai-Laa ɓa, Hɛɠɛɛ ɓo ə kɛ mą, yaai gaa a dɔ́ɔ́ pulu kwɛni, nwɔ́ɔ́ yee tɛɛ mąą kwɛni la ə tɛ.

Samia Veerɛi 22:51

Yai-Laa a kɔ́ nɛ̨ɛ̨ nwɔ tɔɔmun ma nui a ɉəɠə ɉu ə mąątí, a lɛɛ mąą nu ɓa a woo tɔ̨nɔ̨, a lɛɛ Davidə da ɉuwuhu nuą kəle pɔ, a yələ kəlee.

Samia Veerɛi 7:24

Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Samia Veerɛi 7:5

«Lí, yɛ́ nwɔ́ tímun Davidə ɓa: Mɛ̨nii Yai-Laa ə mo, ya ka: Yɛ́ hvəi pai pɛlɛ́ tɔɔi mą́ą́, gɛ́ lɔ mu.

Tɔɔɓɛlaa dɔlɔɔ 8:13

A tɛ̨ą ŋą́ą́ tɔɔ pɛlɛ́ mąąwiaa tɔɔ yɛ́, Ɓɛi ə́ kaa pai kɛi laa a yələ kəlee.»

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Kɔlɔnikɔ Maa-ŋuŋ 16:14

Ya ɓə gaa a Yai-Laa, gu wɔɔ Yálá, Ya ɓə a lɔi kəlee ɲąąwooɓomun.

Mąątɛ̨nɛ̨ 109:1

Nwələ ɲɛ̨itɔwɔmun, Davidə nwɔ Yálá mąątɛ̨nɛ̨ wələ. Yálá, yɛ́i gáá ə́ tɛnɛ̨i, 'hvó ə́ laa pilɛ.

Mąątɛ̨nɛ̨ 118:14

«Ya ɓə gaa a nwɔ́ huwalawala, da nwɔ́ kɔ́ wələ! Yaa lɔ ɓə a málomun!»

Mąątɛ̨nɛ̨ 118:21

Gáá ə́ laa mąąwiɛi, mąąhɔlɔɓo ə́ nwóó mu hon, ə́ yee tɛɛmąąlaa tɛɛ bɔ́.

Mąątɛ̨nɛ̨ 118:28

Yɛ́ ɓə ə́ kaa a nwɔ́ Yálá, ŋą́ ə́ laa mąąwiɛ, nwɔ́ Yálá, ŋą́ ə́ laa tɛ.

Mąątɛ̨nɛ̨ 132:5

Hvo kɛ li, ŋą́ gbɛa kɛɛnąą ta hɔlɔɓo a Yai-Laa nwɔɔ, a Ɉakɔbə nwɔ kilɛn nąŋąlon hee pɛlɛ́!»

Mąątɛ̨nɛ̨ 140:7

Ŋį́ kɛ Yai-Laa ɓa: «Nwɔ́ Yálá ɓaa a yɛ́!» Yai-Laa, ə́ wəli tɔɔ nwɔ́ nɛ̨ɛ̨mąą hvə wooi ɓa.

Mąątɛ̨nɛ̨ 145:1

Davidə nwɔ Yálá mąątɛ̨nɛ̨ wələ. Nwɔ́ Yálá, nwɔ́ Tɔɔmun, gáá ə́ laa tɛi, gɛ́ ə́ laa mąąwiɛ, və́ ɲɛ̨n dee li.

Mąątɛ̨nɛ̨ 18:46

Nwɛ̨ą da həɠəən diɛ pu kpulu, di mąą yɛ kpɛlin, diɛ kulɔ di loo pələi.

Mąątɛ̨nɛ̨ 22:10

Yɛ́n, yɛ́ ɓə gúlɔ néé kwəi, yɛ́ náá ɲeekɔ̨nwɔ̨n ɉu, ɲįnį mu.

Mąątɛ̨nɛ̨ 22:3

Nwɔ́ Yálá! Ŋą́ ə́ təli a yələɓɔɔ, hvó nwóó mu hon ɉi. Kwiihɛ̨ą, vá hvįįtɔɔ hɔlɔɓo.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 28:8

Yai-Laa ɓə a nwɔ nu huwui di wɔ huwalawala, a nui ə ɉəɠə ɉu, mąąkpɛ taa wala wala.

Mąątɛ̨nɛ̨ 30:1

Nwələi di doo a ɲələi di kɛi lúwɔ too la Davidə nwɔ pɛlɛ́ ɓa.

Mąątɛ̨nɛ̨ 34:3

Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Mąątɛ̨nɛ̨ 59:17

Ɲą́ą́ nwɛ́i, gáá ə́ wɔ hu walawala laa tooi a wələ, yələ wala pɔ, gɛ́ homon a ə́ wɔ wɛlikɛmąąlaai loloɓoɔ, mąąhɔlɔɓo, ə́ kaa ɲə́i a kɔtaa walawala, yɛnɛ̨ɛ̨ a kpɔlu ná, gwə́i yɛ pili la mą́ą́, Yɛ́ ɓə a mą́ą́kilɛi.

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Lɛɛ gbɔwɔ ɓa 40:34

Túlɔ kpinįn ə pɛlɛ gee kaa kələ mɛ̨i, Yai-Laa nwɔ mąąwiɛ ə bɛlɛ́ laa hvɛɛ.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 25:1

Yai-Laa! Yɛ́ ɓə a nwɔ́ Yálá, gáá Ə́ laa mąąwiɛi, gɛ́ Ə́ laa too a wələ, mąąhɔlɔɓo, mɛ̨nįɠaai kpɔ wɔlɔ, Ə́ gili tee Ə́ kwəi, Yáá gəlee pɔ mɛ̨nį kɛ, dai lɔpee mąą hvo hvalin ni.

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Lukə 1:77

Ə lɛɛ, ə́ nɛ nwɔ nu huwuɠaai diɛ, yɛ diɛ: gaa pai ka nwun mąąɓoi ə ka kulɔ ka kɛ nɛ̨ŋɛ̨nŋąa hu.

Lukə 2:30

Hvó gaai, ɲɛ̨́i aa tɔɔ ɓalomun ma,

Ɉaan 4:22

Hɛn ka kwɛli hvilɛn ma, ka hvo gɔlɔn. Ku wɛi, yii kwa kwɛli hvilɛn ma, ku gɔlɔn. Mąąhɔlɔɓo, nwun mąąɓo ə həɠə Ɉuifəɠaa pɔ pələ.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Ifisiɛŋ 2:22

Kristə hu ɓə, káá kpɛlimąn, káá ká tɔɔi hɔlɔɓo la, bɛlɛ́ tɔɔ hɛnŋaa lɔwai, káá kɛ la a Yálá nwɔ pɛlɛ́, Yálá nwɔ Kilii háálai.

Dutɛrɔnome 10:21

Ya ɓə mąąnɛ̨ɛ̨ ka dɛnɛ, ka wɔ Yálá li. Mɛ̨nį kpɛa kpɛaai, da mɛ̨nį mąą ɲɔuwɔɠaai ə gɛ ka mąą mɛ̨nį ɓa, ka kpinįi ka gaa, a ka ɲɛ̨ikɔw, ya ɓə di kɛ.

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Nwun mąąɓo 5:21

Kisɔn ɲá leei a yá lee pɔlɔ-pɔlɔ, ə di həɠə ə li a diɛ, ka gwəli gɔ́ mɛ̨i a liikpələ.