Lɛɛ gbɔwɔ ɓa 15:11 - Yálá laawoo hɛɓɛ (dc)

¹¹ Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Yálá laawoo hɛɓɛ

¹¹ Yai-Laa, yáláɠaa lɔwai gbɛɛ gaa yɛ Yɛ́? Gbɛɛ ɓə gaa yɛ Yɛ́ mąąhəɠəlaa hu! Gɛ mɛ̨nįɠaa kɛnɛ̨ pələ mąąɲɔwuɔi, yɛ pɛli kwɛlɛɛn mɛ̨nįɠaa kɛi?

Bible

¹¹ “Gbɛ̂ɛ ƃé gáa yɛ̂ɛ yá ŋ̀âla-ŋai sáma Óo Yâwɛɛ? Gbɛ̂ɛ ƃé gáa yɛ̂ɛ yá, yái íwala-walai maa-waa-laa su, ímaa pɔlɔ-pɔlɔɔ fólo-laa tua-kɛɛ su, da ŋɛi-kɛ-maa kɛ́ɛi?

Lɛɛ gbɔwɔ ɓa 15:11 Iomraidhean Croise

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Kɔlɔnikɔ Maa-ŋuŋ 16:25

Mąąhɔlɔɓo, Yai-Laa kɛnɛ̨i, mąąwiɛ ə ɓo mą kɛnɛ̨. Ɲɛ̨i mąą ɲɔwuɔi, gɛnɛ̨ dɛɛ haliɠaa kəlee diɛ.

Kɔlɔnikɔ Veerɛi 2:5

Gbɛɛ kpɔ ɓə hvąŋą a pɛli kɛi ɲəi, yɛ pɛli Pɛlɛ́ tɔɔi mą, a yai tii yələ kɔ́lɔn da yələ kɔ́lɔn mɛ̨i pələ di hva pɛli mui? Ɛlɛɛ, lə kpɔ ɓə níí kpələ gɛ́ pɛli Pɛlɛ́ tɔɔi mą, a wala kɛ kɛ́ diɛ pɛli halááɠaa kələn ɉi Nííla?

Kɔlɔnikɔ Veerɛi 6:14

yɛ diɛ: «Yai-Laa Israɛlə nwɔ Yálá! Yálá ta hvo laa diɛ pɛli gɔwɔn ɉii Yɛ́, yələi pələ mąn, ə mą kɛ, lɔi ɓa pələ; yɛ pɛli lɛɛi mįnɛ̨ woo pulu, a wɛlikɛmąąlaai ɲɛ̨n dee hvo mą, ə́ wɔɔ tínuą diɛ, diɛi da hiɛ ə́ ɲɛ̨i mu, di kwəi tɔ̨nɔ̨ mɛ̨i.

Mąątɛ̨nɛ̨ 113:5

Gbɛɛ ɓə yɛ Yai-Laa, ku wɔ Yálái? A yai gaa hɛn gəlee nwu mɛ̨i kpɔ ləɠə ləɠə?

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 136:4

Yaa tɔ̨nɔ̨ lɔ ɓə a mɛ̨nį ɲɛ̨i kpɛa kpɛa kɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 22:23

Gáá pai pənəi, gɛ́ ə́ laa lɛ ną́n nonnii diɛ, ɛlɛɛ, gɛ́ ə́ mąątɛ̨nɛ̨ ɲąąkpɔn gbɛa-kpɛa hu.

Mąątɛ̨nɛ̨ 35:10

Ną́ą́ kəlee yɛ kɛ diɛ: «Gbɛɛ ɓə gaa yɛ, yɛ́, Yai-Laa? Yá kpɔwɔ mąąyɛɛmun gulɔ ɲee tɛɛmąąmun ɲəi, yɛ́ mąąwɛlimun, da yeehvowolomun gulɔ, di laanɔ̨nwɔ̨ɓomun ɲəi.»

Mąątɛ̨nɛ̨ 60:2

Ɓɛlɔwai Aramə nuąi kɛ Mesopotami, da Sova nuą, da diɛni di kɛi kɔ́ kɔ́ la. Ɛlɛɛ, ɓɛlɔwai Ɉoabə ə pɛ̨nɛ̨ la, ə Edɔmə hon a kɔ́, di kɛi kɛ nąą laa ɓa kpolo yɛɛ kɔwɔ hu.

Mąątɛ̨nɛ̨ 66:5

'Ka pa, ká Yálá kɛ mɛ̨nįɠaa kaa, a ɲɔw pili nu huwuɠaa kɔ́lɔi a gɛ mɛ̨nįɠaa.

Mąątɛ̨nɛ̨ 77:11

Gɛ́ diɛ, nąą ɓə nwɔ́ mɔ̨nɔ̨i ə həɠə laa. Hééɓo Gəlee Nąmu aa ɲee mąąhvalin.

Mąątɛ̨nɛ̨ 77:14

Yálá, ə́ wɔ pələi kaa lɔ a mɛ̨nį mąąhəɠɛɛ, yálá ləi kpɔ ɓə gɛnɛ̨ yɛ Yálá?

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 86:10

Mąąhɔlɔɓo ə́ kɛnɛ̨i, yɛ́ kpalo mɛ̨nįɠaa kɛ, yɛ́ kɔw tanɔ̨n gbən lɔ ɓə Ə́ kaa a Yálá.

Mąątɛ̨nɛ̨ 86:8

Nwɔ́ mɛ̨nį Nąmu, yáláɠaa lɔwai, nɛlɛ kpɔ kpɔɔ ɓə gulaa yɛ́, Yálá! Ə́ kɛ mɛ̨nįɠaa, gɔɔn mąą hvo laa.

Mąątɛ̨nɛ̨ 89:18

A tɛ̨ą, yɛ́ ɓə a di wɔ huwalawalalaai hɛn da hva tɔɔ na. Yɛ́ ku ɲɛ̨i pono a ə́ yəi mɛ̨inɛ̨ɛ̨ɠaa.

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Lɛɛ gbɔwɔ ɓa 3:20

Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Lɛɛ gbɔwɔ ɓa 8:10

Di gbɔn gee ɓa a ɉįiɠaa, nɔi kun ə ɲɔ̨n.

Lɛɛ gbɔwɔ ɓa 8:6

Tɔɔmun yɛ Moisə ɓa: «Tinąą.» Moisə yɛ mą: «Ŋą́ą́ mɛ̨n, bələi tii ə́ mo la, gáá gɛi tii, ə gɛ, ə́ kili ə pu ɉu yɛ́, nu lɔpee ta hvo laa, yii gaa yɛ Yai-Laa ku wɔ Yálái.

Lɛɛ gbɔwɔ ɓa 9:14

Gbala ə tɔɔ, mɛ̨nį kaa gwə́i gɛ́ pa naai yɛ́, ká ə́ wɔ ɲɛ̨itɔwɔ nuą da ə́ wɔ lɔi hu nuą kəlee kaa. Ə gɛ, ə́ kili ə pu ɉu yɛ́, nu ta hvo ɓɛ lɔi mɛ̨i kwa yaa ku pɛliɛ.

Azaya 30:11

'Ka həɠə bələ mɛ̨i, 'ka bələ mąą laa, 'ka Israɛlə nwɔ Mąąhəɠə mun həɠə ku ɲɛ̨i mu.»

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 40:25

«Gbɛɛ ɓə ka pɛli Gɔ́ɔ́n ɉii mą, kaa gɛ a bɛ́li?» Mąąhəɠəmun nwoo li

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Levetekɔ 19:2

«'Mo Israɛlə lonnii diɛ, yɛ diɛ: Ɲą́ą́ Yálá mą́ą́ həɠɛɛi, kaa kpɛli mąn, ka mąą ə həɠə tii.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Dutɛrɔnome 3:24

«Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

Samuɛlə dɔlɔɔ 2:2

Gbɛɛ ɓə nwɔ mąąhəɠə laa kaa yɛ Yai-Laa? Da hvo laa, ə kulɔ Yɛ́ tanɔ̨n gbən ə́ pulu. Nu mąąkɔ̨nwɔ̨ kwɛni ta hvo laa, nwalawala yɛ həli ku wɔ Yálái pɔ.