Lɛɛ gbɔwɔ ɓa 15:10 - Yálá laawoo hɛɓɛ (dc)

¹⁰ Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Yálá laawoo hɛɓɛ

¹⁰ Kɛlaa Yɛ́ Yai-Laa, Ə́ ɓo Ə́ wɔ hvaŋąi ɓa, ə pa, gboloyá ə laa di mɛ̨i, di lɔ ɲá mu yɛ kwɛni kpuwulu, di laa ɲá kpon ɉu.

Bible

¹⁰ Kɛ́lɛ í lɛ̂woi ŋɔfãa è ǹyái kɛ̀ é dímɛi pɛ́lɛ. Dí yèŋ ǹyá kɛ́tɛi mu yɛ̂ɛ fomâ.

Lɛɛ gbɔwɔ ɓa 15:10 Iomraidhean Croise

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Samia Veerɛi 18:8

Gɔ ə taɠa taɠa kɛa nɔi nąą kəlee. Mąą yələi tii, nuą lan nwɛla hu, di kpulu ə kɛnɛ̨ ə tɛɛ yii ɓɔwa ə baa ma.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Mąątɛ̨nɛ̨ 135:7

Ə həɠə kpɔ lɔi kpɛlai pələ, a tulɔ kpinįnŋaa muhəɠə, tulɔ ə duwɔ, yələ gbąnąą ə ɓɛla, tulɔ yɛ pu, ə hvaŋąɠaa kulɔ ɓɛi ə di pu laa gee mɛ̨i.

Mąątɛ̨nɛ̨ 147:18

Yai-Laa a hvaa lɔ, daa mą həɠeen, A ɲee ɓo lɔ hvaŋą ɓa, yáɠaa daa mąn tɛɛ.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 15:5

Ɲá aa di mɛ̨i kpulu, daa yɛɛ mu yɛ kwɛni kpuwulu.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Ɉeremi 10:13

Hvo gaai, yaa ɓə ya tiɛ̨ gee mɛ̨i yələ kwəi yɛ tulɔ kpinįnŋaa kulɔ lɔi kpon ɉeei, a ɉu wia, diɛ tɛ, yɛ ɲee ɓo diɛ, diɛ pu. Ya ɓə a hvaŋąɠaa kulɔ, ɓɛi a di pu laa gee mɛ̨i.

Ɉeremi 46:17

Ka Eziptə tɔɔmun laa mɛ̨i hee kaa mą: «Ɉu woo lɔ ɓə gɛnɛ̨.»

Amɔsə 4:13

Mąąhɔlɔɓo, Yálái ŋɛ̨i yeeɠaa tɔɔ, ə hvaŋą kulɔ, ya ɓə a nwɔ kiliŋąhiɛ loɔ lɛ nu ɓa, Ya ɓə a yələwala mąą pənə a kpinį, yɛ hiɛ yeeɠaa ton na, mąą Yálái tii laa ɓaa: Yai-Laa Mɛ̨nį Kəlee ŋą Hééɓomun Yálá.

Maafîu 8:27

Nwɔ kalan nɛai kəlee kwəi ə pili diɛ, diɛ kɛ mą: Akɛti, nu huwu lə kɛɛ ɓəi, yai hvaŋą da ya da nwoo mɛ̨n diɛ di kɔ́lɔ haa diɛ?

Dutɛrɔnome 11:4

mɛ̨nįi ə naa Eziptə kɔ́kulááɠaa diɛ, di wɔ hooɠaa da di wɔ kɔ́ wotoloɠaa diɛ, ə veen gbɔ̨nɔ̨ gboloyá yali ə naa di mɛ̨i, ɓɛlɔwai di hvilɛn na ka pulu. Yai-Laa ə di nwun na pili kpɔ tɛ̨ɛ̨tɛ̨ɛ̨.