Lɛɛ gbɔwɔ ɓa 14:21 - Yálá laawoo hɛɓɛ (dc)

²¹ Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Yálá laawoo hɛɓɛ

²¹ Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Bible

²¹ Nya ƃe Mose è ǹyée sãa ǹyái mɛi, Yâwɛɛ è fãa su kpanaŋɔɔi kɛ̀ é kúla vóloi ƃêlai-pere é lí a ǹyái pôlu père. È ǹyái kɛ́ é kpála, zu é tée.

Lɛɛ gbɔwɔ ɓa 14:21 Iomraidhean Croise

Zɛnɛse 8:1

Noe nąą kili ə too Yálá ŋą, da ɉɛnŋaa kpɔ tii kɛ Noe pɔ gələn ɉu. Yálá ə hvaŋą kɛnɛ̨ ta tɛɛ lɔi mɛ̨i, ɲáɠaa mąą yɛ yɛɛ.

Tɔɔɓɛlaa veelɛ 2:8

Nąąlɔwai, Eli ə nwɔ biliɉui kulɔ gbaŋəi, ə gbinįn gɛ, ə ɲá kɛlɛ la; ɲá ə tee di tɔwɔ, di tɛɛ di nu hveelɛi di kɔ́wɔ mąą kpalaa.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Zôo 26:12

Vaŋą kɛnɛ̨ a gboloyá kpɛlin, Ə gboloyá hu ɲinɛn ɉukala a nwɔ mɛ̨nį kɔ́lɔnŋąą.

Zôo 38:24

Kɛɛ pɔ̨nɔ̨ a hala pələ kɛ ləi? Ə́ hvaŋą həɠəi pələ kɔ́lɔn yɛ lɔi laahvɛɛ?

Mąątɛ̨nɛ̨ 136:13

Ə gboloyá kpɔlu ɓɛlaɓo ɉu hveelɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 148:8

Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Mąątɛ̨nɛ̨ 66:6

Ə gboloyá mąą pɛ̨nɛ̨ a lɔi kpalan, nuą diɛ yálee təən, a di kɔ́wɔ mąą kpalaa, yili ɓa, 'ká gu mąą hɛli pu.

Mąątɛ̨nɛ̨ 74:13

Ə́ gboloyá hu hon a ə́ hvaŋą, yɛ́ ɉu huwɔ mąąɲɔwuɔɠaa huwolo ɲa ŋą.

Mąątɛ̨nɛ̨ 78:13

Ə gboloyá ɓɛlaɓo ɉu hveelɛ, di tɛɛ ɉu; ə ɲáɠaa tɔɔ yɛ pɛlɛ́ nwąną.

Lɛɛ gbɔwɔ ɓa 14:16

Ə́ wɛi, ə́ wɔ tunwɔ̨n tɛ yələi, ə́ gboloyá kɛlɛ la, pələ ə laa ɉu, nuą di tɛɛ la a di kɔ́wɔ mąą kpalaa.

Lɛɛ gbɔwɔ ɓa 14:20

Ə lɔ Israɛlə lonnii da Eziptə nuą di lɔwai. Dulɔ kpinįn tii kɛ di lɔwai, bələ tɔ̨nɔ̨ ə kɛ a kɛɛ pɔ̨nɔ̨, bələ tɔ̨nɔ̨ yɛ ɓo a kpinį, yili ɓə gɛ, gbulu hveelɛi tii di hvo lɛɠɛ di kee ɓa, gbinįi tii hu.

Lɛɛ gbɔwɔ ɓa 15:8

Ə́ hunwɔ̨i nɔ̨ɔ̨ a yáɠaa kpinįn gɛ, yáɠilin yɛ tɔɔ gee mɛ̨i, yɛ kpukpu, gboloyá kpon ɉu yɛ walawala.

Lɛɛ gbɔwɔ ɓa 7:19

Yai-Laa yɛ Moisə ɓa: «Mo Aarɔn ɓa, yɛ mą: ‹Ə́ wɔ tunwɔ̨n həɠə, ə́ ə́ yee haŋą Eziptə yaɠaa kəlee mɛ̨i, ɲá pɛlɛɛɠaa kəlee da bowa kəlee mɛ̨i, ə mą kɛ, yiiɠaai di yəi heeni ɉɛɲąŋąɠaa hu, gəlee mąą ə pənə a ɲąmą. Ɲąmą ə kɛ nɔi nąą kəlee.›»

Azaya 23:11

Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Azaya 43:16

Yai-Laa woo ka, yai pələ laa gboloyá hɛ̨ąi, yɛ nu tɛɛ kpaalə kulɔ ya hvɛɛɠaa hu.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 51:10

kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Azaya 51:15

Ɲą́ą́ ɓə gáá a Yai-Laa ə́ wɔ Yálá, yai a wəleen ɉee gboloyá hu, yilinŋąą diɛ huluun, naa ɓaa Yai-Laa Mɛ̨nį Kəlee ŋą Hééɓomun.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Azaya 63:13

Nui kɛi di tɛɛ ɓoloon gɛnɛ̨ɛ̨ hu, ə wɔɔ? Di kɛi hiɛ, yɛ hoo a kɛi hiɛ lɔi pun ɉu, di hvo kɛi kalin.

Habakukə 3:8

Yai-Laa, akɛti, ɲaleeɠaa ɓə ə́ líiholi? Akɛtii, ɲaleeɠaa ɓə ə́ lii kələn ɉi ə́ kwəi? Akɛtii, gboloyá ɓə ə́ lii kaa holii bɔ? Ya tɛ tulɔ kpilinin mɛ̨i, yɛ nuą kɛi tɛ wotolo hu, yɛ li a yɛ́ yeetɛɛmąą kɛi.

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Zasua 2:10

Ɛlɛɛ, pələi Yai-Laa ə gboloyá kpala la ka tɔwɔ, kwaa yili bələ mɛ̨n, ɓɛlɔwai ŋɛ̨i ə ka kulɔ la Eziptə lɔi hu; ə mą kɛ, mɛ̨nįi ka naa Amɔrə tɔɔɓɛlaa hveelɛi ɓa Ɉurdɛn pulu pələ. Diɛi a Sihɔn da Ogə, diɛi ka di paa.

Zasua 3:17

Ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi, di kɛ tɔɔni ɲá kɔ́w ɓa, Ɉurdɛn hąąi, ɲá hvo kɛa kɛ laa. Nąąlɔwai, Israɛlə nuą kəlee di ɲá teen kpɔ tɛ̨ɛ̨tɛ̨ɛ̨? Di kɔ́wɔ mąą kpalaa. Yili pulu ɓə ɉaláá laa həli nuą di ɲa teen na.

Zasua 4:23

Yai-Laa ka wɔ Yálá ə Ɉurdɛn yá kpala ka tɔwɔ, ə gɛ ka deen, yɛ bələi Yai-Laa ə gboloyá kpala la ku tɔwɔ kuɔ deen a ku kɔ́wɔ mąą kpalaa.