Lɛɛ gbɔwɔ ɓa 13:5 - Yálá laawoo hɛɓɛ (dc)

⁵ «Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Yálá laawoo hɛɓɛ

⁵ «Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Bible

⁵ Yâwɛɛ è góno tèe kánûa-pɔlɔ-ŋai yêei a foo-woo a gɛɛ a pâi Keena-ŋai, Ita-ŋai, Amɔra-ŋai, Ivai-ŋai da Zɛƃusa-ŋai dílɔii tɛɛ̂i kápɔ. Gáa a sí-sɛŋ kpɛtɛ lɔii lɛ́lɛɛ. À pà a káa ǹɔii tí ma, ka gúui ŋí kɛ́ ŋáloŋ ŋí su.

Lɛɛ gbɔwɔ ɓa 13:5 Iomraidhean Croise

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Kɔlɔnikɔ Maa-ŋuŋ 1:15

Hivi nuą, Arki nuą, Sini nuą,

Lɛɛ gbɔwɔ ɓa 12:24

'Ka ka yee kanąn mą, kaa, ka ka lonnii a yələ kəlee mɛ̨nį.

Lɛɛ gbɔwɔ ɓa 13:10

«Kwɛlan nwoo kwɛlan ka ɉɛlii ti pu a voló leelee.

Lɛɛ gbɔwɔ ɓa 13:11

Ɓɛlɔwai Yai-Laa a lɔ la a kaa Kanaan lɔi hu, yɛ bələi ə naakwɛlanmo la ka kalaɓɔlɔni diɛ, a nąą tɛɛ ka pɔi;

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Lɛɛ gbɔwɔ ɓa 34:11

Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Lɛɛ gbɔwɔ ɓa 6:4

Yili pulu, kwa diɛni ku mįnɛ̨ həɠə, Kanaan lɔi ŋɛ̨i di kɛ ɉu yɛ nwɛ̨ąa, gɛ́ diɛ gáá dɛɛi ka pɔ.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Ɉeremi 11:5

Yili a kɛ kɛa tii, mɛ̨nįi ŋį́ naakwɛlanmo ka nąnni diɛ, gɛ́ kɛ diɛ, gáá lɔi tɛɛi ka pɔ, ɓɛi kwɛin nwulɔ da ɲįnįya gboloon naai laa; ŋį́ pɛli kɛa ŋį́ nwóó tii pɔ mɛ̨nį kɛ. Yili ɓa, háákələi, nɔi kaa a ka wɔɔ. Gɛ́ Yai-Laa ɓa: «Gaa tii Yai-Laa.»

Ɉeremi 32:22

Yili pulu, ə́ nɔi ŋɛ̨i tɛɛ di pɔ, yaai ə́ gbɛa naakwɛlanmo di nąnni diɛ. Nɔi hɛn gəlee a lɛlɛ ɉu.

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Levetekɔ 20:24

ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Lonon mo 11:12

Akɛti, ɲą́ą́ ɓə mɔ̨ɔ̨ nuą ŋɛ̨i kəlee mąą koo həɠə? Ɲą́ą́ ɓə mɔ̨ɔ̨ di kaa a lon diɛ kɛ yɛnɛ̨ɛ̨? Yaai ə́ kaa kɛi mą́ą́: ‹Di laa ə́ yee kɔ́nwɔ̨n ɉu, yɛ bələi kɔ̨nwɔ̨lee a non ɉon na, ə́ bɛlɛ ə́ lii pɔ.› Yɛ́ kɛ diɛ, di lɛɛ tii ɲə́i ə lɛɛ ɉu kwəli ɓɛi ə́ nąą laakwɛlanmo di nąnni diɛ.

Lonon mo 13:27

Nwoo hukulɔi di gɛ Moisə ɓa, ya ka, diɛ mą: Lɔi nɛ̨ɛ̨ kpɔkpɔɔ li, hihɛn ɉuwui lɔpee gəlee da lɛlɛ mą. Nąą wulu ɓa taɠaa ka.

Lonon mo 14:16

‹Nɔi ŋɛ̨i Yai-Laa ə naakwɛlanmo nwɔ nuąi diɛ, hvo pɛli li di mu, hvo li a diɛ laa, ya ka tii, aa gəlee nwun na pili nɔi pun ɉu.›

Lonon mo 14:30

Ŋą́ą́ gwɛ́la gɛ́ diɛ, nɔi tii ŋį́ naakwɛlanmo kaa, ka hva kɛa lɔ nɔi kpɔ ɉu. Hvo kɛ li lɔ Yefunɛ lon Kalɛbə da Nun lon Ɉosue, diɛ lɔ ɓə lɔi laa.

Lonon mo 32:11

‹Nuąi kpɔ tii kulɔ Eziptə lɔi hu a kwɛlan bow hveelɛ da bulu, nɔi ŋį́ naakwɛlanmo Abrahamə, Isaakə da Ɉakɔbə ni diɛ, di hvo pai gaai; hvo gaai di kaa tɔɔi tai tai di hvilɛn mɛ̨nį ɓa búlu.›

Dutɛrɔnome 12:29

Ɓɛlɔwai Yai-Laa ka wɔ Yálái kaa pai nu huwuɠaa tii hukalai, yɛ di wɔ lɔi kulɔ di yəi, yɛ ka hee di heei di wɔ lɔi hu;

Dutɛrɔnome 19:1

Ɓɛlɔwai Yai-Laa ka wɔ Yálá kaa pai nu huwuɠaa tii hukalai la ka ɲɛ̨itɔwɔ, yɛ di wɔ lɔi tɛɛ ka pɔ da di wɔ taaɠaai, da di wɔ pɛlɛ́ɠaai, kaa hee laa,

Dutɛrɔnome 26:1

Nɔi tii Yai-Laa ka wɔ Yálái kaa dɛɛ ka pɔ a ka kwɛlin, ka pa lɔi ɉu, kaa ɉɔlɔɓo a ka wɔɔ, kaa hee laa,

Dutɛrɔnome 7:1

Ɲələi Yai-Laa ka wɔ Yálái kaa pai ka lɔi la nɔi ŋɛ̨i ka káá pai ɉɔlɔɓoi a ka wɔ ɉui; yɛ nu huwu tamąą kpɛ ka ɲɛ̨i tɔwɔ, diɛi a: Hɛtə nuą, Girgasə nuą, Amɔrə nuą, Kanaan nuą, Perizi nuą, Hivi nuą, ɛlɛɛ da Ɉebusə nuą; nu huwu mɛ̨ihveelɛi tii di tamąąi, di hvaŋą kɛnɛ̨ di tɛɛ kaa,

Zasua 24:11

Ka Ɉurdɛn teen, ka həli Ɉeriko, Ɉeriko tɔɔɓɛlaa di kɔ́ pɛlɛ kaa, diɛ ɓaa: Amɔrə nuą, Perizi nuą, Kanaan nuą, Hɛtə nuą, Girgasə nuą, Hivi nuą, da Ɉebusə nuą. Kɛlaa, ŋį́ di lɔ ka yee ŋą.