Lɛɛ gbɔwɔ ɓa 13:17 - Yálá laawoo hɛɓɛ (dc)

¹⁷ Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Yálá laawoo hɛɓɛ

¹⁷ Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Bible

¹⁷ Tãi Gâloŋ è tèe la ǹûai dîa a gɛɛ dí líi, Ɣâla fé dílɛɛ ní naa dí tɛ́ɛ a Felesia-ŋai dílɔii su-pere, berei máŋ nàa pere è kɛ̀ la a gbuaa la diai. Kpɛ́ni fêi, Ɣâla è mò ǹyɛɛi, “Gɛ̀ ní ǹûai da pâi dílii penêi tãi da kɔ́ kàa lai, dí lí pôlu Ize.”

Lɛɛ gbɔwɔ ɓa 13:17 Iomraidhean Croise

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Lɛɛ gbɔwɔ ɓa 14:10

Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Gɛlaɠaa 15:38

Kɛlaa, Polə hvo kɛ bɔ, nui ti kulɔ di pɔ Pamfili lɔi hu, ɛlɛɛ, hvo kɛ ɲee pɛlɛ li di wɔ kóló ɓa, da diɛni di hvo hiɛ kulɔ.

Gɛlaɠaa 7:39

«Kɛlaa, gu nąnni di hvo gɛ, di hvo lɛɛ nwoo pulu, di lənə nwooi ti ɓa, a di pənə kilii kɛ diɛ, diɛ kɛ də li Eziptə lɔi hu.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Dutɛrɔnome 20:8

Nɔi mąąkpɛ nuą di kaa nwɔ̨nɔ̨ pai kɛi diɛ: «Nu ta kaa laa yɛ ɲɔw, nii yɛ kulɔ mą? Mąą nu ə yali bulu ə li bɔɔli, hvo pa nəi nąn nonnii hviikpɛɛ yɛ yaa.»

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Nwun mąąɓo 7:3

Yili ɓa, mo ə́ wɔ nu kpului ɓa, yɛ mą: ‹Nuąi kpɔ di kaa ɲɔwi, di mąą yɛ kpɛlin, di pənə, di di mąą kwɛa Galaadə yee ɓa.›» Nu waa pow hveelɛ kɔ́w hveelɛ, di di pulu pənə də li, ə lɛɛ a nu waa pow.