Lɛɛ gbɔwɔ ɓa 13:16 - Yálá laawoo hɛɓɛ (dc)

¹⁶ «Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Yálá laawoo hɛɓɛ

¹⁶ «Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Bible

¹⁶ Fɛ̂ɛ gúui ŋí é kɛ́ a ŋɛi-kɛ-maa káyêei. É kɛ́ yɛ̂ɛ kili-too-ŋa sɛŋ nyii gbulɔŋɔɔi káyee ma da kátôŋ lá. Kpɛ́ni fêi, a pâi ǹɛ̂i kûa a gɛɛ Yâwɛɛ è kúkùla Ize lɔii su a ŋɔwála-wala-laai.’ ”

Lɛɛ gbɔwɔ ɓa 13:16 Iomraidhean Croise

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Mąątɛ̨nɛ̨ 136:11

Yɛ Israɛlə kulɔ laa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 6:1

Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Hanwon 6:21

Ganąn ə́ líi ɓa, a yələ kəlee ə́ gbulɔn ə́ kwąną.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 11:18

Nwooɠaa ŋɛ̨i gáá dɛɛ ka pɔ, ka ganąn ka kili pɔ, ka ɲili ka yee kwąną, ka ganąn ka tɔwɔla, ə gɛ, ka hvo pa lɛ̨ą diɛ.

Dutɛrɔnome 26:8

Ə ku kulɔ Eziptə lɔi hu a nwɔ huwalawala yii hɛn da hva tɔɔ na, a ɲee walawalaa, ə kpalo ɓɛla ku mɔ̨nɔ̨ ɓo nuą diɛ, a kpalo mɛ̨nį da kwɛlɛɛn mɛ̨nį kpɛa kpɛaaɠaa.

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Dutɛrɔnome 6:21

Ka kɛ ka lonnii diɛ: «Ku kɛ a Eziptə tɔɔmun nwɔ luwɔɠaa Eziptə lɔi hu; kɛlaa, Yai-Laa ə ku kulɔ Eziptə lɔi hu a vaŋą kɛnɛ̨.

Nwun mąąɓo 2:12

Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.