Lɛɛ gbɔwɔ ɓa 13:14 - Yálá laawoo hɛɓɛ (dc)

¹⁴ «Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Yálá laawoo hɛɓɛ

¹⁴ «Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Bible

¹⁴ Kálônii-sinaai da kámarê kɛ̀ tínaa-tuɛ-pere dîyɛɛ kâa, ‘Nyíŋi su-kulai ƃa lé?’ Ka m̀ó dîa kâa. ‘Yâwɛɛ è wɔ́lɔ kúkùla luɛ-laa su.

Lɛɛ gbɔwɔ ɓa 13:14 Iomraidhean Croise

Zɛnɛse 30:33

Tinąą tɔwɔ pələ, nwɔ́ tələnmolaa a kɛ a gíti tee hɛn, ɓɛlɔwai ə kaa pai ɉála kɔ́lɔn ɉii la. Ya pa tinąą kulɔi bɔ́, yii a wala kɛ a bɛ̨ɛ̨, a wala kɛ ti dɛɠiɛ ɲee tɔ̨nɔ̨ mɛ̨i, a kɛ tii ŋį́ yili nwuɔ̨.»

Kɔlɔnikɔ Maa-ŋuŋ 16:12

'Ka ká kili lɛɛ gɛ mɛ̨nį nɛ̨ɛ̨ɠaa hu! Nwɔ kwɛlɛɛn mɛ̨nįɠaa da nwɔ mɛ̨nį hutɔɔ pələɠaa, 'ka ká kili lɛɛ ɉu!

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Mąątɛ̨nɛ̨ 136:11

Yɛ Israɛlə kulɔ laa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 145:4

Di kaa lɔ pai kɛi ə́ kɛ mɛ̨nįɠaa mąątɛ̨nɛ̨i, kwɛlan gəlee da nwɔɔ, diɛ ə́ wɔ kúláálaa hukulɔ.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:8

«Ka kɛi ɉɛlii ti pu, mąąnɛ̨ɛ̨ ka ɉukulɔ ka lonnii diɛ, kaa diɛ: ‹Ku kulɔi ŋɛ̨i Yai-Laa ə mo luwɔlaa hu Eziptə, mąą hɛlii ka ŋɛ̨i ku kaa bui.›

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 6:1

Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Dutɛrɔnome 5:6

«Ɲą́ą́ ɓə gáá a Yai-Laa ka wɔ Yálá, Ɲą́ą́ ɓə ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Zasua 22:24

Liihɛlɛn mə gɛ kuɔ mɛ̨nįi tii kɛ, mɛ̨nįi tii gɛ nwun gaa mą; hvóló ta, ka lonnii da pɛli kɛi ku lonnii diɛ: ‹Lə mɛ̨nį ɓə ka Yai-Laa Israɛlə nwɔ Yálá ni ka kpɔnŋąąi mą?

Zasua 24:17

Mąąhɔlɔɓo, Yai-Laa ɓə a ku wɔ Yálá, Yai kwa ku nąnni ku kulɔ Eziptə lɔi hu nuwɔ pɛ́lɛ́i tii mu. Yaa tii, ə mɛ̨nį ɲɛ̨i kɛnɛ̨ kpɛa-kpɛaa kɛ ku ɲɛ̨i ɓa; yaa tii ɓə ɲɛ̨i ə kɛ kuɔ bələ pɔ ɓɛi kpɔ ku kɛi tɛɛ laa, gəlee mą kɛ, nɔiɠaai kpɔ ku tɛɛ ɉu.

Zasua 4:6

Mɛ̨nįi tɛɛ ɓɛ, gwɛniɠaai tii ɓə pai kɛi a nąą kili too ŋą hɛn. Akɛ ka lonnii da ka mąąni kɛ tinąą, diɛ kaa; yii mukulaa ɓaa a lə?

Nwun mąąɓo 2:12

Di lɛ̨ą Yai-Laa ɓa, yai a di nąnni di wɔ Yálá, yai di kulɔ Eziptə lɔi hu. Di hvilɛn gea di kwɛlɛ lɔiɠaa di wɔ haliɠaai pulu, diɛ kwɛli hvilɛn diɛ, di Yai-Laa lii kələn gwəi.

Nwun mąąɓo 6:8

Yai-Laa ə gwəi mɛ̨nį hukulɔ mun da tɔɔ, yili yɛ diɛ: «Yai-Laa, yii gaa a Israɛlə nwɔ Yálá, nwoo ka, yɛ diɛ: Ɲą́ą́ ɓə ka kulɔ Eziptə, luwɔlaa hu.