Lɛɛ gbɔwɔ ɓa 12:9 - Yálá laawoo hɛɓɛ (dc)

⁹ Ɉuwɔ nąą ta hvo lɛɛ a nwunu kaa mįi, ka hvo nwɔ̨nɔ̨ da yili. Kɛlaa, ka nąą kəlee mɔ̨n: Nwun galən gɔwɔ kwąną da gwəi hɛnŋąą kəlee, ka mɔ̨n.

Yálá laawoo hɛɓɛ

⁹ Ɉuwɔ nąą ta hvo lɛɛ a nwunu kaa mįi, ka hvo nwɔ̨nɔ̨ da yili. Kɛlaa, ka nąą kəlee mɔ̨n: Nwun galən gɔwɔ kwąną da gwəi hɛnŋąą kəlee, ka mɔ̨n.

Bible

⁹ Káfe dɔnɔ kpîŋ mìi a ŋúnu kpaa máŋ ká ɣíli. Kɛ́lɛ ka gélee ŋɔŋ, ŋuŋ, gbɔ̂rɔ da goi-sãa.

Lɛɛ gbɔwɔ ɓa 12:9 Iomraidhean Croise

Kɔlɔnikɔ Veerɛi 35:13

Di pakə ɓɛlaa lon mɔ̨n, yɛ bələi mąąnɛ̨ɛ̨ ə kɛ la. Yii ɓaa gɔ̨nɔ̨n ɲiiɠaa tii, di ɲili kwɛli-ləɠíɠaa hu, awala kɛ tii ləɠikpɛliɠaa hu. Di da həɠə a gilɛ, di li la nɔi lonnii pɔ.

Lɛɛ gbɔwɔ ɓa 12:8

«Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Lɛɛ gbɔwɔ ɓa 29:13

Ɉuwɔ wulɔi ti a kɛ gwəi hɛnŋąą diɛ, ɲɛlɛ ɓa, da gwəi kwɛni kɔ́w hveelɛi ɓa, ə́ gəlee həɠə, ə́ gələn ɉaláá kulɔi.

Lɛɛ gbɔwɔ ɓa 29:17

Ə́ mɛlaa hilɛ tee a gbuwulu kpɛa kpɛa, ə́ gbo-yɛliɠaa waa da gɔwɔ kwąnąɠaa, ə́ di laa ɉuwɔ kpuwuluɠaa da nwun galən di mɛ̨i.

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Levetekɔ 1:9

Di gwəi hɛnŋaa da gɔwɔ kwąnąɠaa mąą waa, ɉaláá laa həli mun a gəlee kələn ɉaláá kulɔi. Yili kaa a haláá hɛn yii da gəlee kələn, mąą kun nɛ̨ɛ̨ yɛ Yai-Laa liilaa.

Dutɛrɔnome 16:7

Ka daatɛlɛɛ yili, ka mįi ɓɛi Yai-Laa ka wɔ Yálá kaa pai ɲeekpiɛ lɛi laa. Mąą yələ laa a ɓɔ, ka pənə ka li ka pɔɔliɠaa.