Lɛɛ gbɔwɔ ɓa 12:8 - Yálá laawoo hɛɓɛ (dc)

⁸ «Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Yálá laawoo hɛɓɛ

⁸ «Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Bible

⁸ Fɛ̂ɛ dí zuai ŋɔ́ŋ dí mii a gbínii tí. Dí mii a kpólo nyii tɛ́-sɛŋ fé zu da tuma-lâa ŋwánaa.

Lɛɛ gbɔwɔ ɓa 12:8 Iomraidhean Croise

Kɔlɔnikɔ Veerɛi 35:13

Di pakə ɓɛlaa lon mɔ̨n, yɛ bələi mąąnɛ̨ɛ̨ ə kɛ la. Yii ɓaa gɔ̨nɔ̨n ɲiiɠaa tii, di ɲili kwɛli-ləɠíɠaa hu, awala kɛ tii ləɠikpɛliɠaa hu. Di da həɠə a gilɛ, di li la nɔi lonnii pɔ.

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Lɛɛ gbɔwɔ ɓa 12:9

Ɉuwɔ nąą ta hvo lɛɛ a nwunu kaa mįi, ka hvo nwɔ̨nɔ̨ da yili. Kɛlaa, ka nąą kəlee mɔ̨n: Nwun galən gɔwɔ kwąną da gwəi hɛnŋąą kəlee, ka mɔ̨n.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:7

Volóɠaai ti hu ka wɔ lɔi nąą kəlee piliɛ gee mɛ̨i, mąą hvo nɛ̨ɛ̨li lɛɠɛ yii dɛ hɛn gaa ɉu hvo kɛ ka yəi, ə mą kɛ, lɛɠɛ tɛ hɛn.

Lɛɛ gbɔwɔ ɓa 23:18

«‹Mąą hvo nɛ̨ɛ̨li, ka hvo taatɛlɛɛ ɲąmą laa həli mą́ą́ a haláá, bɛlɛɛ lɛɠɛi dɛ hɛn gaa ɉu mą. Taatɛlɛɛ yii da dɛɛ bɔ́ a ɉɛli yələ, mąą hvo nɛ̨ɛ̨li hvo yii, hvo lɛɛ ɉu yələ hvo ɓɔ.

Lɛɛ gbɔwɔ ɓa 34:25

«'Hvo taatɛlɛɛ haláá kulɔ mą́ą́ a lɛɠɛ yii dɛ hɛn gaa ɉu. Mąą hvo nɛ̨ɛ̨li taatɛlɛɛɠaai da baa a pakə hɛli, da hvo lɛɛ yələ hvo ɓɔ mą.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Maafîu 26:26

Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Galatə 5:9

«Lɛɠɛ dɛ hɛn nogolo a pɛli ə lɛɠɛ kpɔlɔ kɛnɛ̨ tɛ!»

Dutɛrɔnome 16:7

Ka daatɛlɛɛ yili, ka mįi ɓɛi Yai-Laa ka wɔ Yálá kaa pai ɲeekpiɛ lɛi laa. Mąą yələ laa a ɓɔ, ka pənə ka li ka pɔɔliɠaa.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.