Lɛɛ gbɔwɔ ɓa 12:51 - Yálá laawoo hɛɓɛ (dc)

⁵¹ Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Yálá laawoo hɛɓɛ

⁵¹ Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Bible

⁵¹ Ǹyaŋ Yâwɛɛ è Eezuɛ-ŋai kélee kùla Ize lɔii su díkpulu mâ a maa ɣelei tí.

Lɛɛ gbɔwɔ ɓa 12:51 Iomraidhean Croise

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Kɔlɔnikɔ Veerɛi 14:12

Asa da nwɔ nuąi di hvilɛn di pulu, di lɛɛ di kpɛi di li di həli Gerarə. Nubinuą paa pələi di di paa la, dɔ̨nɔ̨ kpɛli hvo dɔɔ mɛ̨i. Mąąhɔlɔɓo, di di huwolo Yai-Laa lííla da wɔ kɔlaɠai. Asa da nwɔ nuąi di li a ɉɛnŋąą tamąą tii di ɉon gɔ́ hu.

Mąątɛ̨nɛ̨ 114:1

Ɓɛlɔwai Israɛlə ə kulɔ laa Eziptə, ɲələi Ɉakɔbə lonnii di kulɔ la nwɛ̨ąą tii lɔwai;

Mąątɛ̨nɛ̨ 136:11

Yɛ Israɛlə kulɔ laa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 12:50

Mɛ̨nįɠaa kpɔ Yai-Laa ə Moisə da Aarɔn di tí la, Israɛlə lonnii di gɛ tii.

Lɛɛ gbɔwɔ ɓa 13:1

Yai-Laa yɛ Moisə ɓa:

Lɛɛ gbɔwɔ ɓa 16:1

Israɛlə lonnii di həɠə Elimə, di həli Sin nɔi pun ɉu, Elimə da Sinai di lɔwai. Di kulaa Eziptə lɔi hu, ɲąnin veelɛnąą nwɔ hvóló pow kɔ́w lɔɔli yələ li kɛ.

Lɛɛ gbɔwɔ ɓa 19:1

Israɛlə lonnii kulaa Eziptə lɔi hu, ɲąnin ɉaaɓa tɛɛ pulu, di həli Sinai nɔi pun ɉu.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 6:26

Aarɔn da Moisə ɓə Yai-Laa ə kɛ diɛ: «Ka Israɛlə lonnii kulɔ Eziptə lɔi hu, yɛ bələi di huwu hee pələ kaa la.»

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Levetekɔ 23:43

əgɛ, kwɛlan ɉəli pələ tɛitɛi, kaa gbaɠala kaa, kaa diɛ kələɠaa ɓə Israɛlə lonnii di kɛ mu, ɓɛlɔwai ŋį́ di kulɔ la Eziptə lɔi hu. Ɲą́ą́ ɓə gáá a Yai-Laa ka wɔ Yálá.»

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 23:22

Yálá ə gulɔ Eziptə lɔi hu, vaŋą kɛnɛ̨i yɛ lan.

Lonon mo 26:4

«Di kaa pai ɉinąą lonoi yiiɠaai di kaa kwɛlan aa həli pow hveelɛ ɓa, yɛ li bulu pələ; yɛ bələi Yai-Laa ə Moisə tí la.» Israɛlə lonnii kulɔ Eziptə lɔi hu, diɛ ka:

Lonon mo 33:1

Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Zasua 24:5

Yili pulu, ŋį́ Moisə da Aarɔn di tɔɔ. Ŋį́ Eziptə lɔi kɛlɛ a mɛ̨nįɠaai ŋį́ gɛ laa. Yili pulu, ŋį́ ka kulɔ laa.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.