Lɛɛ gbɔwɔ ɓa 12:37 - Yálá laawoo hɛɓɛ (dc)

³⁷ Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Yálá laawoo hɛɓɛ

³⁷ Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Bible

³⁷ Nya ƃe Eezuɛ-ŋai dí kùla Laŋse dí lí Sukɔ. Núu kɛ́ɛ yɛ̂ɛ núu wála ŋuŋ lɔ́ɔlu mɛi da (600,000) ƃé kɛ̀ siâi díkɔɔ ŋá é kúla nɛyâai da nîa-pɛlɛɛi pôlu.

Lɛɛ gbɔwɔ ɓa 12:37 Iomraidhean Croise

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Zɛnɛse 47:11

Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 10:9

Moisə yɛ mą: «Ku lonnii, ku wɔ nu pɔlɔ-pɔlɔɠaa, ku yəi taatɛlɛɛɠaai kəlee, kwa diɛni ɓə lii. Mąąhɔlɔɓo, ku kaa lii Yai-Laa mąąwiɛ hɛli pui.»

Lɛɛ gbɔwɔ ɓa 13:20

Israɛlə lonnii di həɠə Sukotə daai, di li di di wɔ taai pu Etamə nɔi pun gwɛlɛ.

Lɛɛ gbɔwɔ ɓa 38:26

A kɛ ti, nu tɔ̨nɔ̨ kilə kpulɔ wali hu, mąąhɔlɔɓo, ɉinąąi kpɔ di di lonon, ə həɠə kwɛlan bow hveelɛ ɓa, ə li la bulu pələ, di kɛ a nu waa nwun mɛ̨ida, nu waa haaɓa, pulu nwun nɔɔli yee lɔɔli.

Lonon mo 1:2

«Israɛlə lonnii kəlee lonon, a di huwu laa, da bɛlɛ́ɠaa, ə́ ɉinąą kəlee laa pɛ̨ɛ̨ tɛitɛi.

Lonon mo 1:46

di lonoɔ ə kɛ a nu waa nwun mɛ̨ida kɔ́w haaɓa pulu nwun nɔɔli ɲee lɔɔli (603550)

Lonon mo 11:21

Moisə ə pənə yɛ Yai-Laa ɓa: «Nu kpului ŋɛ̨i gáá di lɔwai, di kaa a nu waa nwun mɛ̨ida. Ya ɓə yá kɛ diɛ; ə́ kaa huwɔ tɛɛi di pɔ di mįi ɲąnin dɔ̨nɔ̨ yee mu!

Lonon mo 2:32

Israɛlə lonnii kəlee lonɔɔ ka, a diɛi a kuláaɠaa: Nu waa nwun mɛ̨ida nu waa haaɓa pulu nwun nɔɔli ɲee lɔɔli (603550).

Lonon mo 26:51

Israɛlə lonnii kəlee pɛlɛ di kee ɓa, di kɛ a: Nu waa nwun mɛ̨ida kɔ́w tanɔ̨n pulu nwun mɛ̨ihveelɛ ɲee haaɓa (601.730).

Lonon mo 33:3

Di həɠə Ramsɛsə ɲąnin dɔlɔɔ, nwɔ hvóló pow gɔw lɔɔli yələ, pakə puɔ mąą yələ laa ɓoɔ ɓə Israɛlə lonnii di kulɔ laa a di wəli pulu laɠiɛ, Eziptə nuą kəlee ɲɛ̨i ɓa.

Lonon mo 33:5

Israɛlə lonnii di həɠə Ramsɛsə, di pa di hee Sukotə.