Lɛɛ gbɔwɔ ɓa 12:3 - Yálá laawoo hɛɓɛ (dc)

³ Ka li ka mo Israɛlə lonnii diɛ, kaa diɛ: «Ɲąnin ŋɛ̨i nwɔ hvóló pow yələ, kwəli nąmįną tɛitɛi kəlee di ɓɛlaa lon ɉon a bɛlɛ́ laa;

Yálá laawoo hɛɓɛ

³ Ka li ka mo Israɛlə lonnii diɛ, kaa diɛ: «Ɲąnin ŋɛ̨i nwɔ hvóló pow yələ, kwəli nąmįną tɛitɛi kəlee di ɓɛlaa lon ɉon a bɛlɛ́ laa;

Bible

³ Ka m̀ó Eezuɛ-ŋai kélee dîa a gɛɛ ŋáloŋ ŋí ŋɔfólo puu-ɣele núu-suu kélee é ƃála-loŋ siɣe tɛi-tɛi yɛ̂ɛ berei dínâŋ-ni dípɛrɛ-ŋai káa lai, ƃála-loŋ tɔnɔ pɛ́rɛ tɔnɔ.

Lɛɛ gbɔwɔ ɓa 12:3 Iomraidhean Croise

Zɛnɛse 22:8

Abrahamə ə nwoo ŋąąpənə, yɛ mą: «Nón, Yálá kpinį ɓə pai mɛlaa lon gɛi.» Di tɛɛ diɛ li.

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Kɔlɔnikɔ Veerɛi 35:7

Ɉosiasə ə taatɛlɛɛ tɛɛ nuą pɔ. Pakə haláái kpɔ di gulɔ, nuąi kɛ laa diɛ, ə həli ɓɛlaa lonnii awala kɛ tii, ɓooli lonnii waa pow haaɓa, nįnɛ̨ hilɛ waa haaɓa; ə ɉəɠə dɔɔ kwəlii taatɛlɛɛɠaa lɔwai.

Lɛɛ gbɔwɔ ɓa 12:2

«Ɲąnin ŋɛ̨i ɓə pai kɛi a ka wɔ kwɛlan ɲąnin dɔlɔɔ. Kaa gwɛlan gɔwɔ tɔɔ mą.

Lɛɛ gbɔwɔ ɓa 12:21

Moisə ə Israɛlə kalanɉonŋąą kəlee təli, yɛ diɛ: «'Ka li, pɛlɛ́ kəlee ə taatɛlɛɛ ta hon, ka gulɔ a pakə haláá.

Lɛɛ gbɔwɔ ɓa 12:4

akɛ mɛlaa lon a kɛnɛ̨ a tɛɛ bɛlɛ́n nuą diɛ, pɛlɛ́ takpɛli a kɛ di kwɛlɛ, da diɛni da bɛlɛ gee ɓa, di nuą lonon, diɛi da pɛli ɓɛlaa lon dɔ̨nɔ̨ mįi di gbɛɛ.

Lɛɛ gbɔwɔ ɓa 12:6

Ka ɉon, a lɛɛ ka yəi, ə lɛɛ ɉu, ɲąnin nwɔ hvóló pow gɔw nąąn ɲələ, yələwulii pɔ, nu kəlee ə nwɛi paa.

Lɛɛ gbɔwɔ ɓa 14:15

Yai-Laa yɛ Moisə ɓa: «Lə mɛ̨nį ɓa, ə́ kaa ə́ woo kulɔi mą́ą́? 'Mo Israɛlə lonnii diɛ, di di muhəɠə, di li.

Lɛɛ gbɔwɔ ɓa 20:19

Diɛ Moisə ɓa: «Mąąnɛ̨ɛ̨, yɛ́ kpinįi ə́ hvaa ku pɔ, kwa pɛli ku yili mɛ̨n. Kɛlaa, Yálá hvo kɛ gaa mɛ̨nį ɓoi kuɔ, ku hvo pa ləi haa.»

Lɛɛ gbɔwɔ ɓa 4:30

Mɛ̨nįɠaa kpɔ Yai-Laa ə mo Moisə ɓa, Aarɔn ə gəlee laa həli galanɉonŋąą diɛ, Moisə ə gwɛlɛɛn mɛ̨nįɠaa kəlee kɛ Israɛlə lonnii ɲɛ̨i ɓa.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Levetekɔ 1:2

«'Mo Israɛlə lonnii diɛ, yɛ́ diɛ: Nu ta a kɛ gaa Yai-Laa kɔ́i a taatɛlɛɛ, ə gɛ a nįŋɛ̨, a wala kɛ tii, ɓɛlaa da ɓolu.

Levetekɔ 5:6

Yili pulu, mąąnɛ̨ɛ̨ ə pa a bɔɔŋą pɛli hɛn a ɓɛlaa haa Yai-Laa lííla, awala kɛ tii ɓolu haa, a yili kɛ tii nɛ̨ŋɛ̨n tii ə ɉəɠə mąą hvaalɛɛ mɛ̨nį ɓa. Ɉaláá laa həli mun a nɛ̨ŋɛ̨n mąąhvaalɛɛ kóló kɛ mą.

Lonon mo 15:11

«Bələ ɓə da gɛ la, yɛi kɛ a nįŋɛ̨ hilɛ, ɓɛlaa hilɛ, ɓɛlaa lon, a wala kɛ tii ɓooli.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Ɉaan 12:1

Pakə hɛli ə lɛɛ pulu a hvoló mɛ̨ida, Jesus ə li Bɛtani Lazarə ŋɛ̨i ə nwun ə gulɔ haaɓɛlaa lɔwai di pɔ taai.

Ɉaan 12:12

Mąą yələ laaɓoɔ, nu kpulu kɛnɛ̨i tii pa ɉɛli ɓa, di mɛ̨n diɛ Jesus kaa pai Ɉerusalɛmə.

Korɛntə dɔlɔɔ 5:7

'Ká nɛɠɛ tɛ hɛn bɔlɔ pɔlɔi tii kulɔ kani káá, káá pɛli kɛi a lɛɠɛ yɔwɔɔ nįnɛ̨; hvo gaai, ká tɛ hɛn və ká hu, mąąhɔlɔɓo, Kristə ŋɛ̨i a guɔ tɛɛ nwun mɛ̨i haláá hɛn, daa baa.

Zasua 7:14

Tinąą yələ wala, ka pa ka tɔɔ a huwuɠaa laa; huwu yii Yai-Laa a ɲee lɛ mą, di tɔɔ a gwəliɠaa laa, kwəli yii Yai-Laa a ɲee lɛ mą, di tɔɔ a bɛlɛ́ɠaa laa, pɛlɛ yii Yai-Laa aa ɲee lɛ mą, mu nuą di pa tɛi tɛi.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Samuɛlə dɔlɔɔ 7:9

Samuɛlə ə ɓɛlaa lon ɉəɠə, naa ə ɓo nii ɲįnį ɓa, ə gələn a gbuwulu, a kwəli hvilɛn ŋąą Yai-Laa ɓa. Samuɛlə ə tomą Yai-Laa bɔ pələ a Israɛlə maa nɛ̨ɛ̨mąą hvə pələ, Yai-Laa ə nwoo mu hon.