Lɛɛ gbɔwɔ ɓa 12:28 - Yálá laawoo hɛɓɛ (dc)

²⁸ Israɛlə lonnii kəlee di li, di di yee pɛlɛ goló ɓa, di gɛ kpɔlɔ yɛ bələi Yai-Laa ə Moisə da Aarɔn di tí la.

Yálá laawoo hɛɓɛ

²⁸ Israɛlə lonnii kəlee di li, di di yee pɛlɛ goló ɓa, di gɛ kpɔlɔ yɛ bələi Yai-Laa ə Moisə da Aarɔn di tí la.

Bible

²⁸ Eezuɛ-ŋai dí gɛ̀ yɛ̂ɛ berei Yâwɛɛ è mò la Mose da Eelɔŋ diai.

Lɛɛ gbɔwɔ ɓa 12:28 Iomraidhean Croise

Samia Veerɛi 5:25

Davidə ə gɛ yɛ bələi Yai-Laa ə dí la, ə lɛɛ, ɲee ə tɛɛ Filisti nuą diɛ, ə di paa kpɔ ə həɠə Gɛva, ə həli Gɛzɛrə daa kpala.

Tɔɔɓɛlaa dɔlɔɔ 17:5

Eli ə gɛ lɔ yɛ bələi Yai-Laa ə mo la mą. Ə li, ə hee Keritə yá lon bɔ, Ɉurdɛn voló ɓɛlai pələ.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Lɛɛ gbɔwɔ ɓa 12:29

Kwiihɛ̨ą ɓɛlaɓoɔ, Yai-Laa, ə Eziptə lon dɔlɔɔɠaa kəlee paa, ə gɔwɔ tɔɔ tɔɔmun non dɔlɔɔ ɓa, yai kɛi pa mąąhvalin ɉii, ə həli la nuwɔɠaa kəlee diɛ, diɛi kɛ gaho pɛlɛ́ mu; da daatɛlɛɛɠaa kəlee di lon dɔlɔɔɠaa.

Lɛɛ gbɔwɔ ɓa 12:35

Bələi ti Moisə ə mo la Israɛlə lonnii diɛ, di gɛ ti. Nu kəlee ə hɛnɲąŋą hvɛli Eziptə nuą diɛ, yai kɛ a wali kwɛli, hɛni da həɠəɠaa.

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Lɛɛ gbɔwɔ ɓa 36:1

Besalɛlə, Oholiavə, da nuąi kpɔ Yai-Laa ə di kɔ́ a kili mɛ̨nį kɔ́lɔn ŋąą da yɛlɛ, di pɛli bɛlɛ́ mąą həɠɛɛ nwɔ kóló kɛ pələ kɔ́lɔn ɉi. Mąąnɛ̨ɛ̨ di mɛ̨nį kəlee kɛ, yɛ bələi Yai-Laa ə mo la.

Lɛɛ gbɔwɔ ɓa 39:32

Bələ ɓə di gee kaa kələ tɔɔ kóló kəlee laa kulɔ la, Israɛlə lonnii kəlee, di góló kɛ yɛ bələi Yai-Laa ə Moisə tí la.

Lɛɛ gbɔwɔ ɓa 39:42

Bələi kpɔlɔ Yai-Laa ə Moisə tí la, bələ kpɔlɔ ɓə Israɛlə lonnii di gɛ la.

Lɛɛ gbɔwɔ ɓa 39:43

Moisə ə gólóɠaa tii kaa, di gɛ kpɔlɔ yɛ bələi Yai-Laa ə Moisə tí la. Moisə ə nɛɛ mą ə lúwɔ́ too diɛ.

Lɛɛ gbɔwɔ ɓa 7:10

Moisə da Aarɔn di li di həli Eziptə tɔɔmun ma, bələi ti Yai-Laa ə di tí la, di gɛ tii. Aarɔn ə nwɔ tunwɔ̨n pili tɔɔmun da nwɔ ɲɛ̨i tɔwɔ nuą di lííla, dunwɔ̨n ə mąą pənə a kaalə.

Lɛɛ gbɔwɔ ɓa 7:6

Moisə da Aarɔn di gɛ yɛ bələi Yai-Laa ə di tí la.

Levetekɔ 24:23

Moisə ə mɛ̨nįɠaai tii kəlee laa həli Israɛlə lonnii diɛ. Nui tii Yálá lalan, di kulɔ la daa pulu, di ɉɔɔ a kwɛni. Mɛ̨nįi Yai-Laa ə Moisə tí la, Israɛlə lonnii di gɛ.

Lonon mo 1:54

Yili ɓə Israɛlə lonnii di gɛ yɛ bələi kpɔlɔ Yai-Laa ə Moisə tí la.

Lonon mo 31:31

Moisə da ɉaláá laa həli mun Eleazarə, di gɛ yɛ bələi Yai-Laa ə mo la Moisə ɓa.

Lonon mo 31:41

Yii di gulɔ ɉu a nįįhɔ̨nwɔ̨, a Yai-Laa nwɛi; Moisə ə dɛɛ ɉaláá laa həli mun Eleazarə pɔ, yɛ bələi Yai-Laa ə dí la.

Lonon mo 31:47

Moisə ə nu pow lɔɔli ɲɔ̨nwɔ̨mąn ɉəɠə Israɛlə huwu tɛitɛi lɔwai, ə mą kɛ di wɔ taatɛlɛɛɠaa lɔwai, ə di tɛɛ Levi lonnii pɔ diɛi tii da kɛ kóló kɛi Yai-Laa nwɔ pɛlɛ́i mu; yɛ bələi Yai-Laa ə dí la.

Lonon mo 5:4

Israɛlə lonnii di gɛ tii, di nuą tii kulɔ daai, Israɛlə lonnii di gɛ yɛ bələi Yai-Laa ə mo la Moisə ɓa.

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Zasua 14:5

Israɛlə lonnii di gɛ yɛ bələi Yai-Laa ə mo la Moisə ɓa, di nɔi ɲąąkwɛlɛ.

Zasua 2:21

Yɛ diɛ: «Bələi tii ka mo la, bələ ɓə gaa pai gɛi la.» Yili pulu, ə di tɔɔ bələi, di li. Nąąlɔwai, ə ɲee kpɔlui tii hɛlɛn ɲəi vinɛtɛlɛ la.

Zasua 4:8

Mɛ̨nįɠaai tii Ɉosue ə mo Israɛlə lonnii diɛ, bələ ɓə di gəlee kɛ la. Di kwɛni pow kɔ́w hveelɛ həɠə Ɉurdɛn hu, yɛ bələi Yai-Laa ə mo la Ɉosue ɓa, yɛ bələi Israɛlə lonnii lonɔɔ kaa la, di lɛɛ di yəi ɓɛi di yíi laa, di di laa laa.