Lɛɛ gbɔwɔ ɓa 12:15 - Yálá laawoo hɛɓɛ (dc)

¹⁵ «Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Yálá laawoo hɛɓɛ

¹⁵ «Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Bible

¹⁵ Yâwɛɛ è mò ǹyɛɛi, “Ka tɛ́-sɛŋ féu kpolo mii a ɣele-kûu lɔ́ɔlu mɛi feerɛ. Ka dɛ́-sãai kélee kúla kápɛrɛ-ŋai mu a ŋ̀ele kúui maa-ŋuŋ. Kpɛ́ni fêi, à kɛ̀ núu da kélee à kpólo mìi nyii tɛ́-sɛŋ káa zui, é síɣe ŋ̀ele kûui maa-ŋuŋ ma é seri mɛi feerɛi ma, gɛ̀ ní maa nuui tí fé pâi ŋɔ́nɔ kɛ̂i a Eezuɛ-ŋai da.

Lɛɛ gbɔwɔ ɓa 12:15 Iomraidhean Croise

Zɛnɛse 17:14

Hulɔnui lɔpee hvo hee li kɛ́nɛ̨ ɓa, da gulɔ nuą lɔwai, mąąhɔlɔɓo, hvo kɛ nwɔ́ mįnɛ̨i mąąwiɛ li.»

Kɔlɔnikɔ Veerɛi 30:21

Israɛlə nuąi kɛ Ɉerusalɛmə, nɛɠɛi di hva dɛ, mąą hɛli pu, hvóló mɛ̨ihveelɛ yee mu a kwəinɛ̨ɛ̨ kɛnɛ̨. Lévi lonnii da ɉaláá laa həli nuą di kɛi Yai-Laa mąątɛ̨nɛ̨ a yələ kəlee, a hvɛli woo tɔɔɠaa, diɛ Yai-Laa mąąwiɛ la.

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Lɛɛ gbɔwɔ ɓa 12:8

«Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Lɛɛ gbɔwɔ ɓa 30:38

Nui a bɔɔ kɔ́ɔn gɛ, yɛ gun mo, mąąnɛ̨ɛ̨ di gulɔ Israɛlə lonnii lɔwai.»

Lɛɛ gbɔwɔ ɓa 31:14

Mąąnɛ̨ɛ̨ ka túwɔ́ yələ mąąwiɛ, mąąhɔlɔɓo, hvóló mąąhəɠɛɛ li ka yəi. Nui a volói tii ɓɛlɛkpɛɛ mą, mąąnɛ̨ɛ̨ di baa. Ɛlɛɛ, nui a kóló kɛ a mąą yələ, mąąnɛ̨ɛ̨ di naa kulɔ Israɛlə lonnii lɔwai.

Lɛɛ gbɔwɔ ɓa 34:18

«Ka ka yee kanąn lɛɠɛi dɛ hɛn və ɉu nwɔ hɛli ɓa. Hvóló mɛ̨ihveelɛ yee mu lɛɠɛi dɛ hɛn və ɉu, kaa mįi, yɛ bələi ŋą́ mo la kaa ŋą́ guu hee a Abibə ɲąnįn, mąąhɔlɔɓo, ɲąnįn tii ɓə ka kulɔ la Eziptə lɔi hu.

Lɛɛ gbɔwɔ ɓa 34:25

«'Hvo taatɛlɛɛ haláá kulɔ mą́ą́ a lɛɠɛ yii dɛ hɛn gaa ɉu. Mąą hvo nɛ̨ɛ̨li taatɛlɛɛɠaai da baa a pakə hɛli, da hvo lɛɛ yələ hvo ɓɔ mą.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 17:14

Mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu, akɛ gaa nii a vulú. Yili mąą mɛ̨nį ɓə ŋą́ kɛ la Israɛlə lonnii diɛ: ‹Ka hva pɛli hɛn da lɔpee ɲąmą lɛɛi ɉu ka hvo mįi; mąąhɔlɔɓo, pɛli hɛn gəlee nwɔ yɛnɛ̨ɛ̨ kaa ɲąmą hu. Nui a da mįi, mąąnɛ̨ɛ̨ di gulɔ mɛlaa lɔwai.›

Malasi 2:12

Nui lɔpee a túwɔ́ tii, ə mą kɛ Ɉakɔbə nu huwu lɔwai, mąą nu, ə mą kɛ, mąnin bulu mąninŋąą kəlee, ə mą kɛ mąą nu a kɛ kɔ́ hɛnŋaa tɛɛ Yai-Laa Mɛ̨nį Kəlee ŋą Hééɓomun pɔ, gɛ́, Yai-Laa, ə mąą nu laa kulɔ lɔi mɛ̨i.

Lonon mo 28:17

Ɲąnin nwɔ hvóló pow kɔ́w lɔɔli yələ, kaa a hɛli, hvóló mɛ̨ihveelɛ yee mu, lɛɠɛi dɛ hɛn və ɉu ya ɓə ka mįi.

Lonon mo 9:13

Kɛlaa, akɛ tɔ́n a wala kɛ nu ta ɓa a mɛ̨nį ta mąą mɛ̨nį, hvo nwɔ̨nɔ̨ hiɛ ɓa, a pakə hɛli mąą mɛ̨nį viikpɛɛ kulɔ, mąą nui tii, ɓə da gulɔ nwɔ nuą lɔwai, pai tii hvo mo li a nwɔ kɔ́ɓo hɛn Yai-Laa pɔ a guui tii di dɔɔi. Mąą nu nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Lukə 2:43

Ɓɛlɔwai kɛa ɉɛli puɔ ə kpɛɛ la, Jesus nwɔ nuą di di pulu pənə, di nɛɛ laa di tɛɛ diɛ li di pɔ taai, di kili hvó pu ɉu.

Gɛlaɠaa 12:3

Gaa Herodə ə mo yɛ yili aa nɛ̨ɛ̨ Ɉuifəɠaa diɛ, ə mo di Piɛrə yaa kpɛli ɉon; nąąlɔwai ə kɛ a ɉɛlii da kɛ bui a lɛɠɛi dɛ-hɛn və ɉu, bui lɔwai.

Galatə 5:12

Akɛ yili kaa tii, nuąi ká nwun ɉu kɛi vuwú-vuwú, di hvo kpɛla lɔ di kpɔwɔ kɛ́nɛ̨ kɛɛ ɓa, kɛlaa di gəlee tee laa kpɔ tɛ̨ɛ̨tɛ̨ɛ̨?.

Dutɛrɔnome 16:3

Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Dutɛrɔnome 16:5

Daaɠaa ŋɛ̨i Yai-Laa ka wɔ Yálá ə dɛɛ ka pɔ, mąą hvo nɛ̨ɛ̨li ka hvo pakə hɛli pu da hu.

Dutɛrɔnome 16:8

Hvóló mɛ̨ida yee mu, ka káá pai kɛi lɛɠɛ mįi, yii lɛɠɛ tɛ hɛn və ɉu. Voló mɛ̨ihveelɛ yələ, Yai-Laa ka wɔ Yálá nwɔ hɛli laa kulɔ yələ li. Ka hva kóló kɛ a mąą yələ.