Lɛɛ gbɔwɔ ɓa 12:11 - Yálá laawoo hɛɓɛ (dc)

¹¹ Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Yálá laawoo hɛɓɛ

¹¹ Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Bible

¹¹ Ka mìi a bere sîi ŋí. Kà kɛ̀ miî, kábɛti-ŋai dí kɛ́ káleŋei. Kákpaŋ-kpali-ŋai dí ƃò kákɔɔ ŋá. Kásia-wûru-ŋai díkɛ ƃò káyêei. Fɛ̂ɛ ká mii a maa felaa. Gáa a Yâwɛɛ Ŋɔtɛɛ-mɛi kûui.

Lɛɛ gbɔwɔ ɓa 12:11 Iomraidhean Croise

Tɔɔɓɛlaa veelɛ 23:21

Tɔɔmun Ɉosiasə ə mo nɔi nuą kəlee diɛ, yɛ diɛ: «Ka Yai-Laa ka wɔ Yálá nwɔ pakə hɛlii pu naa hu, yɛ bələi bɛ̨ɛ̨ la mįnɛ̨ hɛɓɛ́ hu.»

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lɛɛ gbɔwɔ ɓa 12:21

Moisə ə Israɛlə kalanɉonŋąą kəlee təli, yɛ diɛ: «'Ka li, pɛlɛ́ kəlee ə taatɛlɛɛ ta hon, ka gulɔ a pakə haláá.

Lɛɛ gbɔwɔ ɓa 12:27

Ka kɛ diɛ: ‹Yai-Laa nwɔ pakə haláá li, yai ku gulɔ mą, ɓɛlɔwai ə kɛi Eziptə nuą kɛlɛ la, yɛ Israɛlə nwɔ pɛ́lɛ́i nwun mąąɓo.›» Israɛlə lonnii kəlee di pɛlɛ nɔi ɓa, di kwɛli hvilɛn.

Lɛɛ gbɔwɔ ɓa 12:43

Yai-Laa yɛ Moisə da Aarɔn diɛ: «Bələi mąąnɛ̨ɛ̨ ka pakə hɛli pu la, bələ ka: «‹Mąą hvo nɛ̨ɛ̨li nwɛ̨ą lɔpee hvo da mįi.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Izikiɛ 45:21

Ɲąnin dɔlɔɔ nwɔ hvóló pow kɔ́w nąąn ɲələ, a kɛ a ka wɔ pakə hɛli; ka bu hvóló mɛ̨ihveelɛ yeemu, lɛɠɛi dɛ hɛn və ɉu, ya ɓə ka mįi a mąą yələ.

Levetekɔ 23:5

«Ɲąnin dɔlɔɔ nwɔ hvóló pow kɔ́w nąąn ɲələ, yələ wulii, Yai-Laa nwɔ pakə hɛli ka tii.

Lonon mo 28:16

«Ɲąnin dɔlɔɔ nwɔ hvóló pow kɔ́w nąąn ɲələ kaa a pakə, Yai-Laa mąąwiɛ yələ li.

Lonon mo 9:1

Yai-Laa ə mɛ̨nį ɓo Moisə ɓa Sinai nɔi pun ɉu, ə kɛ tii di kulaa Eziptə lɔi hu, gwɛlan veelɛnąą nwɔɔ ɲąnin dɔlɔɔ hu li kɛ, yɛ mą:

Lukə 12:35

«Ka ka hąą yili, ka ka wɔ labonŋąąi tɔɔ,

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Lukə 2:41

Kwɛlan ɉəli pələ tɛitɛi kəlee, Jesus gaa nuą di kɛi li Ɉerusalɛmə, diɛ pakə pu.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Korɛntə dɔlɔɔ 5:7

'Ká nɛɠɛ tɛ hɛn bɔlɔ pɔlɔi tii kulɔ kani káá, káá pɛli kɛi a lɛɠɛ yɔwɔɔ nįnɛ̨; hvo gaai, ká tɛ hɛn və ká hu, mąąhɔlɔɓo, Kristə ŋɛ̨i a guɔ tɛɛ nwun mɛ̨i haláá hɛn, daa baa.

Ifisiɛŋ 6:15

ɛlɛɛ, ká kɔwɔ-ɲą-kɔlɔ ə kɛ a Liilaa wɛlɛɛ lɛlɛɛ laa həliɛ mąą lii.

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Zasua 5:10

Israɛlə nuą di hee Gilgalə, di pakə hɛli pu laa, a ɲąnin tii di kɛ ɉu nwɔ hvóló pow kɔ́w nąąn ɲələ yələ wulii pɔ Ɉeriko nɛ̨ŋɛ̨ lɔi hu.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.