Lɛɛ gbɔwɔ ɓa 10:7 - Yálá laawoo hɛɓɛ (dc)

⁷ Eziptə lɔi ɲɛ̨itɔwɔ nuą diɛ tɔɔmun ma: «Nui ŋɛ̨i kaa pai lɛɛi mɛ̨nį nwąnąą laai guɔ, ə lɛɛ ɉu hąą mįnɛ̨ lɔwai? 'Ɓo diɛ di li, di kwɛli hvilɛn di wɔ Yálái Yai-Laa ɓa. Hvó gɔlɔn yɛ́ kɛ Eziptə lɔi yee ka tii lɛɛi ɉu?»

Yálá laawoo hɛɓɛ

⁷ Eziptə lɔi ɲɛ̨itɔwɔ nuą diɛ tɔɔmun ma: «Nui ŋɛ̨i kaa pai lɛɛi mɛ̨nį nwąnąą laai guɔ, ə lɛɛ ɉu hąą mįnɛ̨ lɔwai? 'Ɓo diɛ di li, di kwɛli hvilɛn di wɔ Yálái Yai-Laa ɓa. Hvó gɔlɔn yɛ́ kɛ Eziptə lɔi yee ka tii lɛɛi ɉu?»

Bible

⁷ Nya ƃe Gâloŋ ŋɔtíi-kɛ-ƃelai dí mò mà dîyɛɛi, “Tãi ɣɛɛlu ƃé nalôŋ ŋí a pâi kúpilîi la mɛni kpɔ̂lu sui? Tɔ́ɔ Eezuɛ sinaai dí lí dí Yâwɛɛ fɛ́li nyii gáa a Díɣâlai. Ífe nîi gáa ni a gɛɛ Ize a wólo?”

Lɛɛ gbɔwɔ ɓa 10:7 Iomraidhean Croise

Mąątɛ̨nɛ̨ 107:34

Ə lɔi lɛlɛɛ mąą pənə a kwɛni lɔi, ɉu nuą kili ɲɔ̨nwɔ̨ pələ ɓa.

Lɛɛ gbɔwɔ ɓa 12:33

Eziptə nuą di Israɛlə lonnii mąąwələən di kulɔ mɛ̨nį ɓa nɔi, mąąhɔlɔɓo di kɛi kɛ diɛ: «Ku kəlee ku kaa pai haai!»

Lɛɛ gbɔwɔ ɓa 23:33

Di hvo pai lɛɛi ka wɔ lɔi hu, ə gɛ di hvo pa nɛ̨ŋɛ̨n nɔ ka yee pɔ gwa kaa ni gu lɔwai, ka hvo kwɛli hvilɛn di wɔ haliɠaai diɛ. Yili hvo pa kɛ a hɛlɛn dɛɛ ka tɔwɔ.›»

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Lɛɛ gbɔwɔ ɓa 8:19

Mɛ̨nį nwąnąą ŋɛ̨i pai laai ə́ wɔ lɔi hu nuą diɛ, da hvo pai laai nwɔ́ nuąi diɛ. Tinąą ɓə yili kaa kɛi la.»

Hanwon 29:6

Ɓaalə kaa nwąnąlɔmun nwɔ nɛ̨ŋɛ̨n ɉu. Kɛlaa tələnmomun nwɛi, a pili yələi a kwəinɛ̨ɛ̨.

Ikilisiati 7:26

Ŋį́ gaa gɛ́ diɛ: nɛ̨ɛ̨nu gbąnąą, ɲɔ̨nwɔ̨ɔ̨i dɛɛ haa ɓa. Mąąhɔlɔɓo, gaa a hɛlɛn, nwɔ wɛlikɛmąą yɛ ɓo yɛ diŋɛ̨n, ɲeeɠaa di ɓo a nu yili yɛli. Nui nwɛli kaa Yálá ɓa, hva too nɛ̨ɛ̨nu taaləi tii yəi diŋɛ̨n ɉu. Kɛlaa, nɛ̨ŋɛ̨n ɉəɠəmun mə a too ɉu.

Azaya 14:20

Di hvo pai ə́ pɛlɛi diɛ, kámą hu, mąąhɔlɔɓo, yáá ə́ wɔ lɔi kala, yáá ə́ wɔ lɔi hu nuą paa, di hva kɛa nu huwu ɲɔ̨nwɔ̨ɔ̨ laa ɓo kpɔ tanɔ̨n gbɛli.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Ɉeremi 48:4

Daa Moabə huwolo, ɉu lɛapɛlɛɛ tomą woo kaa tɔɔi.

Ɉeremi 51:8

Ya ka, Babilonə aa too lɔ ŋɛ̨i tɔ̨nɔ̨, nuą tɛɠii pələ, ɉu aa yali. 'Ka wɔlɔ pu mɛ̨i, 'ka ɉali kɛ, gaa kiɛ pai ɓaloi.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Korɛntə dɔlɔɔ 7:35

Mɛ̨ni ŋɛ̨i gáá moi káá, gaa moi a ka wɔ mɛ̨nį lɛlɛɛ, kɛlaa, və́ moi a kɛ a ka kpaan mɛ̨nį. Gáá lɔ bɔ nu kəlee ə nwɔ yɛnɛ̨ɛ̨ kɛ a ɲąąnɛ̨ɛ̨, ganąn ŋąą Yálá ɓa.

Zasua 23:13

mąąnɛ̨ɛ̨ ka kili ə pu ɉu kaa diɛ Yai-Laa ka wɔ Yálá kaa pai kpɛlai nu huwuɠaai tii kpɛɛ ɓa ka ɲɛ̨itɔwɔ. Di kaa pai kɛi ka tɔwɔ a hɛlɛn, di ɓo a hvaɠa ka kpanaŋą; diɛ yali ka ɲɛ̨i yɛ ɲąąlən, ə lɛɛ ɉu, nɔi lɛlɛɛ ŋɛ̨i Yai-Laa ka wɔ Yálá ə dɛɛ ka pɔ, ka kpɛɛ ɉu.

Samuɛlə dɔlɔɔ 18:21

Saulə ə kɛi mo gwəi pələ yɛ kɛ diɛ: «Gáá Mikalə hilɛtaa kɛi Davidə ɓa, ə kɛ Davidə ɓa a ɓaalə ə lɛɛ Filisti nuą di ɉon.» Gee mɛ̨i hveelɛ, Saulə a kɛ Davidə ɓa: «Ə́ kaa kɛi a mɔ́lɔ́ háákələi.»

Samuɛlə dɔlɔɔ 5:11

Di Filisti tɔɔɓɛlaa təli, di di ŋąąkpɔn, diɛ diɛ: «Ka Israɛlə nwɔ Yálái ŋą kəhii pənə ka dɛɛ ɓɛi ə həɠə laa, yili hvo mą, kwa nwɔ́ lɔi hu nuą kəlee ku nwun na hvo pa pili.» Ɲɔw ə lɔ nɔi nuą kəlee hu, diɛ kɛ di haa, ɛlɛɛ, Yálá yee aa kɛ wiɛ di mɛ̨i kpɔ a nwalawalaa.