Lɛɛ gbɔwɔ ɓa 1:14 - Yálá laawoo hɛɓɛ (dc)

¹⁴ Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Yálá laawoo hɛɓɛ

¹⁴ Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Bible

¹⁴ Dí dífulu-laai kpanaŋ díyêei a tíi kpanaŋ kɛ́ɛ. Dí kɛ̀ pɔ̂rɔ kanêi díkɛ̀ tíi sii támaa kɛ̀ gbâlaŋ-ŋai ŋá.

Lɛɛ gbɔwɔ ɓa 1:14 Iomraidhean Croise

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Tɔɔɓɛlaa dɔlɔɔ 12:14

Ə hvaa nuą diɛ yɛ bələi ɉilɛlɛa di niɛwoo ɓo la, yɛ diɛ: «Ną́n ə ka wɔ tiŋɛ̨i wiɛ; ɲą́ą́n gáá pai ka wɔ tiɛ̨ wiɛ yee ta pɛlɛi mą. Ną́n ə ka hutɔɔ a hvaɠa, nwɛ́i, gáá pai ka hutɔɔi a galakpa, kwɛli ə ɓo ɉunwɔ̨ la.»

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Mąątɛ̨nɛ̨ 68:13

Tɔɔɓɛlaa diɛ tɛɛ a gilɛ, kɔlaɠaɠaa diɛ di pu, di yəi bɛlɛ́n ɉɛngɔwɠaai ə́ di hon kɔ́ hu, Yɛ́ di ɲąąkwɛlɛ.

Mąątɛ̨nɛ̨ 81:6

Yɛnɛ̨ɛ̨ yíi ɓo bələ ta ka ti ə naa Ɉosɛfə nwuɔ̨, ɓɛlɔwai ə pɛlɛ la Eziptə lɔi ɓa, woo ta kaa tooi nwə́lii və́ gɔlɔn.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 1:13

Eziptə nuą di Israɛlə lonnii hon gbɔ a nwąnąlɔ pələ.

Lɛɛ gbɔwɔ ɓa 1:15

Hvɛlɛlee kɛ nɛ̨ąą hveelɛ ɓə kɛ Hebreu nɛ̨ąą nwun na, diɛ ɓaa kɛ a: Sifra da Pua. Tɔɔmun yɛ diɛ:

Lɛɛ gbɔwɔ ɓa 2:23

Kwɛlan damąą kulaa ɉu, Eziptə tɔɔmun ə haa. Kɛlaa ə mą kɛ tii, Israɛlə lonnii di kɛli lɔ mɔ̨nɔ̨ mįi nuwɔlaa hu, diɛ wɔlɔ. Di wɔlɔ woo ə həli Yálá ɓa.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 6:9

Moisə ə nwooi tii ɓo Israɛlə lonnii diɛ, di hvo kpɛli di wəli tɔɔ nwoo ɓa, mąąhɔlɔɓo, nuwɔ laa nwɔ mɔ̨nɔ̨ aa kɛ hee di hu.

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Azaya 10:24

Yili mąą mɛ̨nį ɓa, mɛ̨nįi Nąmu Yai-Laa Mɛ̨nį Kəlee ŋą Hééɓomun kaa moi, ya ka, yɛ diɛ: Kaai a nwɔ́ nu huwui, ka heɛ Siɔn, 'ka hvo ɲɔw Asiri ɓa, yai ka kɛlɛi a gbɔn; yɛ nwɔ tunwɔ̨n pili ɲee mɛ̨i, yɛ bələi Eziptə ə kɛi gɛ la.

Azaya 14:6

a yai tii kɛi nuą kɛlɛ a liiholii, vii hvo kɛi kpɛɛ nuą hulɔwai, yɛ hee lɔiɠaa mɛ̨i a ɲąąnwąnąą, yɛ di mɔ̨nɔ̨ ɓo, ya ka daa hvilɛn bulu, di hvo ɲɛ̨imąąwɛli kaai.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Azaya 52:5

Yiihu kɛa, lə ɓə kɛa ŋį́ gɛ? Yai-Laa woo li. Ɓɛlɔwai daa nwɔ nuąi hon na a mɛ̨inɛ̨ɛ̨, di laanɔ̨nwɔ̨ ɓo nuą di kaa tomąi, Yai-Laa woo li. Hvóló kəlee, da kɛ naa ɓɛlɛkpɛɛi mą.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Levetekɔ 25:43

Hvó ɉon a mɔ̨nɔ̨ ɓo pələ. Bələ ɓə mąąnɛ̨ɛ̨ ka ɲɔw la ka wɔ Yálái ɓa.

Levetekɔ 25:46

Ka pɛli di lɛɛi ka lonnii yəi. Ka lonnii di wɔɔ li; diɛi tii, ka pɛli di kɛi a luwɔɠaa a yələ kəlee. Kɛlaa, ka huwu, diɛi ɓaa Israɛlə lonnii, mąą hvo nɛ̨ɛ̨li ka hvo da kɛ a ka wɔɔ luwɔ, kaa hee mɛ̨i kaa mɔ̨nɔ̨ ɓo.

Levetekɔ 25:53

Mąą nu a kɛ dɔlaa nąmu pɔɔli yɛ kóló kɛ mun da ɉala, kɛlaa dɔlaa nąmu hva hee mɛ̨i a mɔ̨nɔ̨ ɓo pələ.

Mise 3:3

Nuąi da kɛ nwɔ́ nu huwui kɔ́lɔɓoi, diɛ di huwɔ mįi, diɛ di kɔ́wɠaa hu yali yali, diɛ di huwɔ tee yɛ da kɛi pa ɲilii, yɛ huwɔi di pai bui ləɠii.

Nahumə 3:14

'Ya hee ə́ kwɛlɛ, daa mąątinɛ̨n ɉiɛ li a kɔ́; ə́ mąąkɔ̨nwɔ̨iɠaa nąą ta pɛlɛ mą, 'hvilɛn balayá hu, 'bɔlɔ tan, bɔlɔ kɔ́w kɛlɛ hɛn ɉəɠə.

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.

Gɛlaɠaa 7:34

A tɛ̨ą, mɔ̨nɔ̨i nwɔ́ nuą kaa mįi Eziptə lɔi hu, ŋą́ą́ gaa, ŋą́ą́ di ɲiŋɛ̨ woo mɛ̨n, ŋą́ yɛɛ, ə gɛ, ŋą́ di nwun mąąɓo. Yiihu kɛa, gáá ə́ tɔɔi ə́ li Eziptə lɔi hu.›

Dutɛrɔnome 26:6

Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Rutə 1:20

Kɛlaa, Naomi ə mo diɛ yɛ diɛ: «'Ká hvo kɛa də́li a Naomi laa; 'ká kɛ mą́ą́ Mara, mąąhɔlɔɓo, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.