Lɛɛ gbɔwɔ ɓa 1:11 - Yálá laawoo hɛɓɛ (dc)

¹¹ Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Yálá laawoo hɛɓɛ

¹¹ Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Bible

¹¹ Mɛni ma dí díkɛ̀ a luɛ-ŋa. Dí nûa pú dímɛi a gɛɛ dí Pitɔŋ da Laŋse tɔɔ mì, nyii-ŋai kɛ̀ a daa-lee-ŋai ƃɛ́i è mii-sãai ŋá tɛ̀ naa gîe mai.

Lɛɛ gbɔwɔ ɓa 1:11 Iomraidhean Croise

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 47:11

Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Tɔɔɓɛlaa dɔlɔɔ 9:19

ə mą kɛ daaɠaa kpɔ tii nwɔ kɔ̨nɔ̨n gələɠaai di kɛ ɉu. Ə mą kɛ da daa yiiɠaai nwɔ wotoloɠaa di kɛ ɉu da ɉooɠaa. Ɓɛi kpɔ nɛ̨ɛ̨ Salomɔn ɓa, ə nąą kəlee tɔɔ Ɉerusalɛmə, Liban lɔi hu, ə mą kɛ nɔi yiiɠaai kɛ ɲee mu.

Kɔlɔnikɔ Veerɛi 16:4

Bɛn-Hadadə ə hvaa Asa woo ɓa, ə nɛɛ mą ə nwɔ kɔ́kuláa nwun nąmįną tɔɔ, di kɔ́ pɛlɛ Israɛlə taaɠaa diɛ. Di Iyɔn, Dan da Avɛlə-Maimə hon, di bɛlɛ ɓɛi kpɔ, kɔ-kɔ kwɛli hɛnŋąą kaa laa Nɛftali taaɠaa hu.

Kɔlɔnikɔ Veerɛi 8:4

Salomɔn ə Tadmɔrə taa tɔɔ nɔi pun ɉu da gwɛlɛ taaɠaa, ə kɔ-kɔ kwɛli hɛnŋąą pu daaɠaa tii ə dɔɔ ɉu Hamatə.

Mąątɛ̨nɛ̨ 105:13

Di kɛi tɛɛ, da həɠə nɔi yiihu, di li yiihu, da kulɔ tɔɔlaa yiihu, di li dakpɛli hu.

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Mąątɛ̨nɛ̨ 129:2

Di pɛlɛ mą́ą́ a hvaa, geemɛ̨i yɛli, ə həɠə kpɔ múhəɠə yələ ɓa, Kɛlaa, di yee hvo pɛli mą́ą́.

Mąątɛ̨nɛ̨ 68:13

Tɔɔɓɛlaa diɛ tɛɛ a gilɛ, kɔlaɠaɠaa diɛ di pu, di yəi bɛlɛ́n ɉɛngɔwɠaai ə́ di hon kɔ́ hu, Yɛ́ di ɲąąkwɛlɛ.

Mąątɛ̨nɛ̨ 81:6

Yɛnɛ̨ɛ̨ yíi ɓo bələ ta ka ti ə naa Ɉosɛfə nwuɔ̨, ɓɛlɔwai ə pɛlɛ la Eziptə lɔi ɓa, woo ta kaa tooi nwə́lii və́ gɔlɔn.

Lɛɛ gbɔwɔ ɓa 1:14

Di yii kpəlin di la, a kóló walawalaɠaai di kɛi naa diɛ; diɛ ləɠi-pɔlɔ kulɔ diɛ gɛ a pɔlɔkɔw, diɛ ɓə kɛi di yəi ɲɛa kɛ, diɛ kóló huwu lɔpee laa di mɛ̨i a nwąnąlɔ pələ.

Lɛɛ gbɔwɔ ɓa 2:11

Moisə kɛnɛ̨ɛ kɛa, yələ ta, ə həɠə yɛ li kulɔi niɛni mɛ̨i, bɔlɔtɛ kóló ɓa. Ə Eziptə mun da kaa, yɛ Hebreu tɔ̨nɔ̨ kɛlɛ, diɛi tii a niɛni.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 5:10

Góló nwun nąmįną da ɉɛɓɛ́ kɛ nuą di li diɛ Israɛlə nuą diɛ: «Tɔɔmun yɛ: Di hvo kɛa pai kala tɛɛi ka pɔ.

Lɛɛ gbɔwɔ ɓa 5:15

Góló nwun nąmįnąą ti kɛ a Israɛlə nuą di pa, diɛ Eziptə tɔɔmun ma: «Lə ɓə kɛ yaai, ə́ kaa ə́ wɔ tínuąi hon bələ kɛi ŋɛ̨i?

Lɛɛ gbɔwɔ ɓa 5:8

Bɔlɔ kɔ́w hiɛ da gulɔ da hva kulɔ mą. Hviɲɛ̨ nuą ka tii, mɛ̨nįi gɛi, diɛ kɛ la mą: Di kaa lii haláá kulɔi Yálá ɓa, yaa li.

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Lonon mo 20:15

Ku nąnni di wɔlɔ li Eziptə lɔi hu, ku lamun naa kpɔ kpaan. Kɛlaa, Eziptə nuą di hee ku mɛ̨i kwa ku nąn ni.

Dutɛrɔnome 26:6

Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.